You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 77 (<strong>25692</strong>)<br />
НУНАЛ БӦРСЬЫ НУНАЛ 2018-тӥ ар 11-тӥ коньывуон 5<br />
73-33-42, 33 8-951-195-37-65<br />
195 3765<br />
ИВОР КУДЫ<br />
АЛНАШ<br />
Кылбурчиез буре<br />
вайыса<br />
Удмурт нылпи поэтлы, Удмуртиысь<br />
дано журналистлы<br />
Иосиф Ивановлы туэ тырмысал<br />
65 арес. Сое буре вайыса,<br />
черкогуртысь библиотека конкурс<br />
ялӥз.<br />
И. Ивановлэсь кылбурзэ лыдӟонъя видео<br />
лэсьтоно но сое Интернет вотэсэ поттоно вал.<br />
Вожвылъяськонэ 50 пиналъёс пыриськизы.<br />
Дунъясьёс нылпиослэсь чебер, артист кадь<br />
быгатыса кылбур лыдӟемзэс гинэ ӧз чаклалэ.<br />
Учкизы дӥсяськемзэс но, камера азьын асьсэды<br />
возьыны быгатэмзэс но. Ужрадэз умоен<br />
дунъязы дышетӥсьёс но, ӟучомем пиналъёслэсь<br />
удмурт кылэз дышетон мылкыдзэс ик<br />
сайкатӥз. Вожвылъяськонэ пыриськисьёсты<br />
возьмало дипломъёс, вормисьёсты - кузьымъёс.<br />
ВОТКА<br />
Ӵыжы-выжызэ утчало<br />
Вотка городъя, Вотка но<br />
Шаркан ёросъёсъя военной<br />
комиссариат утча Быдӟым<br />
оже кошкем но ивортэк ышем<br />
солдатлэсь, младшой лейтенантлэсь<br />
Аркадий Александрович<br />
Лисинлэсь ӵыжывыжыоссэ.<br />
Со вордскемын 1922-тӥ арын Вотка городын,<br />
армие басьтэмын 1942-тӥ арын 21-тӥ<br />
июле Воткаысь РКВ-ысь.<br />
2018-тӥ арын Смоленск улосысь поисковикъёс<br />
шедьтӥзы пуштэм самолётлэсь<br />
но экипажлэсь бервылзэ. Тодмо на, та самолётлэн<br />
штурвал сьӧраз пуке вылэм Аркадий<br />
Лисин шуыса. Кин ке мар ке тодэ<br />
ке та солдат сярысь, вазиськыны луоз Воткаысь<br />
военной комиссариатэ, телефонэз<br />
8 (34145) 5-16-56.<br />
ГРАК<br />
Пӧяськемез дуно усиз<br />
Грак черкогуртысь одӥгаз заправкаын<br />
5 сюрс манет интые<br />
суредам билет сётӥллям.<br />
Киров улосысь 46 аресъем<br />
водитель озьы узырмыны малпам.<br />
Кыдёке пегӟыны ӧз кылды<br />
пӧяськисьлы. Йыртэмасез шараяны юрттӥзы<br />
заправкаысь видеокамераос но бонусной картаез.<br />
Бензин дунзэ но заправкалы берыктӥз,<br />
вылаз ик миръясь суд сое 6 сюрс манет штраф<br />
тырытӥз на.<br />
ДЭРИ<br />
Эмъясьёс-волонтёръёс<br />
Шабердыын кутскон сётэмын<br />
Россиын ортчись «Добро в<br />
село» акцилы.<br />
Проектлэн кичӧлтӥсьёсыз<br />
луо Россиысь Тазалыкез утёнъя министерство<br />
но «Эмъясьёс-волонтёръёс» движение. Отчы<br />
пыриськыны мылкыд кариз элькунмы но. Кутскон<br />
сётэмын та ёросысен.<br />
Шабердыысь фельдшер-акушер пунктэ<br />
вуылӥзы Дэри ёрос больницаысь специалистъёс-волонтёръёс.<br />
Гуртысь ог 40 адями тазалыксэ<br />
эскерыны быгатӥз терапевт, акушер дорын,<br />
ортчиз ЭКГ, вирысьтыз сакырзэ мертаз но<br />
мукет. Со сяна, волонтёръёс ФАП-ын ужасьёслы<br />
утялтӥськыны юрттӥськизы, отысь стендъёсты<br />
выльдӥзы.<br />
ИЖ<br />
Суд кутскиз<br />
Удмуртиысь Вылӥ суд эскерыны<br />
кутскиз А. Копытовен<br />
герӟаськем ужез. Со янгыш луыны<br />
быгатоз кылем арын 9-тӥ<br />
ноябре Ижысь Удмурт ульчаысь 261 номеро<br />
юрт куашкамен сэрен.<br />
Уголовной ужъя материалъёс 60 томе люкаськемын,<br />
459 мурт шуге-леке вуэмен лыдъяське.<br />
7 мурт быриз, со пӧлысь 2-ез - нылпиос,<br />
11 мурт сӧсырмиз. Эскеронъёс возьматӥзы: 27<br />
аресъем А. Копытов лулсэр висёнлэсь курадӟе,<br />
таин валче со туэ март толэзе эмъяськонние<br />
выдтэмын. Уголовной ужез эскерон сотэк ортче.<br />
Следствилы тодмо луиз: А. Копытов газлэсь<br />
гумызэ кыскиз, бускельёсызлы вожез потэмен.<br />
Пель сьӧраз, пе, соослэн лек куараоссы<br />
кылӥськылӥзы.<br />
Чакламъя, суд ог 3 толэзь кыстӥськоз, 30<br />
пала адӟисьёслэсь юалляськоно луоз.<br />
КЕЗ<br />
Нылкышно киосын<br />
Ёросысь киужъёсъя центрын<br />
ужась Вера Касимовалэн ужъёсыз<br />
Россиысь 15 устоосыз пӧлы<br />
шедизы.<br />
Сентябрь толэзь пумын Казань<br />
городын ортчиз «Нылкышно киосын»<br />
конкурс. Солэн ужаз пыриськизы Россиысь<br />
85 кибашлыос, 15-езлы гинэ удалтӥз вормисьёс<br />
радэ шедьыны. Соос пӧлын - Вера Касимовалэн<br />
кызьпу туйлэсь пуныса лэсьтэм<br />
ужъёсыз. Соосты со адӟытонэ быдэс чемодан<br />
тыр нуэм. Аспӧртэмлыко лэсьтэм ужъёсызлы<br />
калык но паймиз. Суйпоскесъёсызлы,<br />
чырты весьёсызлы, сумкаосызлы, нылпи шудонъёсызлы<br />
соку ик кузь черод люкаськиз.<br />
КИЯСА<br />
Доразы бертӥзы<br />
шумпотыса<br />
Кияса черкогуртын ортчиз<br />
арлыдоослэн 27-тӥ спортъя фестивальзы.<br />
Таза улонлы сӥзем ужрадэ<br />
ёросысь вань муниципал кылдытэтысь<br />
9 командаос пыриськизы. Арлыдоос<br />
шашкиен, дартсэн, ӝӧк выл теннисэн, городкиен<br />
шудӥзы, ыбылӥськизы но 100, 400<br />
метре бызьылӥзы, эстафетаосын вожвылъяськизы.<br />
1 адями пыриськыны быгатӥз спортысь<br />
3 амалэ гинэ. Котькинлэсь трос очко<br />
люказы но командаос пӧлын вормисе потӥзы<br />
Подгорнойысь, Первомайскойысь но Киясаысь<br />
арлыдоос.<br />
МОЖГА<br />
20 контейнер кылдоз<br />
Туэ ар пумозь Можга городысь<br />
ульчаосы кылдозы туала 20 контейнеръёс.<br />
Кызьы ивортӥз городлэн йырыз<br />
Михаил Трофимов, туала контейнеръёс<br />
пуктылыса но жуг-жаг куян интыосыз<br />
чебергес карыса, городлэн тусыз умой пала<br />
воштӥськыны кулэ. Со сяна, матысь дыре<br />
ёросысь полигонэ нуись сюресэз тупатъяны<br />
но жуг-жаг нуллӥсь выль машина басьтыны<br />
чакламын. Угось 2019-тӥ арысен, Можгаысь<br />
полигонэ жуг-жаг вайыны кутскозы<br />
ни Алнаш, Кизнер но Можга ёросъёсын<br />
улӥсьёслэсь но.<br />
ПИЧИ ПУРГА<br />
Армие мынозы<br />
Ёросын мытӥзы призывъя<br />
кампаниез.<br />
Отысь туэ 200 пала егит<br />
пиос призывъя комиссия пыр<br />
ортчозы, со пӧлысь 60-эз сурон<br />
сапег кутчалозы. Армие мыныны<br />
вуэм пиослэн мылкыдзы капчи: песятайёссы,<br />
атайёссы Атыкай музъеммес утизы, со ӟеч<br />
сямзэс соос но азинтыны мылкыд каро. Кудогез<br />
школа бере профессия но басьтыса вуттӥз<br />
ни.<br />
Кылем арын сӥзьыл та ёросысь 80 пиос<br />
армие кошкизы. Озьыен, соос та вакытэ берытскыны<br />
кулэ - доразы соосты чидатэк<br />
витё ни.<br />
СЮМСИ<br />
Калык дӥсен - уже<br />
Октябрь толэзь татын калык<br />
дӥсьёслы сӥземын.<br />
Та толэзь 4-лы люкемын<br />
вал. 1-тӥ-5-тӥ октябре ужан интыосазы<br />
чебер пӧрмытскыса<br />
ветлӥзы удмуртъёс, 2-тӥ арняяз чебер<br />
дӥсьсэс дӥсязы бигеръёс, 3-тӥ арня сӥземын<br />
луоз ӟучъёслы, нош берпуметӥез - поръёслы<br />
но чувашъёслы. Ёрос центрын улӥсьёс сяна,<br />
«Уже - калык дӥсен» ужрад борды итӥськизы<br />
ёросысь вань муниципал кылдытэтъёс. Ужрадэ<br />
пыриськыса, котькинлэсь трос лайк люкамъёс<br />
нимысьтыз кузьымъёсын пусъемын<br />
луозы.<br />
ЮКАМЕНСК<br />
Анайзэ жугиз<br />
Юкаменск черкогуртысь 33<br />
аресъем воргорон аслэсьтыз<br />
анайзэ жугыса вииз.<br />
Егит мурт инвалид анаеныз<br />
улэ вылэм. Нокытын<br />
ужасьтэм воргорон юонэн эшъяськылэм,<br />
анайзэ но трос пол<br />
жугылэм. Кудӟыса бертӥсь<br />
пизэ анай дораз пырыны лэзьымтэен,<br />
соиз урмем. Ӧсэз тӥяса пырем но<br />
анайзэ жугем, усемез бере ӵыжам на. Секыт<br />
сӧсырмем кышномуртэ больницае вуттӥзы ке<br />
но, кӧня ке нунал ортчыса, со кулӥз. Воргоронэз<br />
суд пытсэт сьӧры келяз 9 ар но 3 толэзьлы.<br />
ЯКШУР-БӦДЬЯ<br />
100 арен валче<br />
Комсомоллы 100 ар тырмонэн<br />
валче ёросын пӧртэм ужрадъёс<br />
ортчытӥсько.<br />
Якшур-Бӧдья черкогуртысь<br />
парке комсомоллы сӥзем<br />
аллея кылдӥз. Туала егитъёс сяна, ас вакытаз<br />
комсомолын ужам муртъёс но егитъёс<br />
100 писпу - пужымъёс но кедръёс - мерттӥзы.<br />
Озьы ик ёросысь культурая юртын «Кытын?<br />
Ма? Ку?» шудон ортчиз, ёросысь егитъёслэн<br />
гужем турслётсы но комсомоллы сӥземын<br />
вал. Ёросысь ветеранъёслэн кенешсы но<br />
ёрос администрациысь егитъёсын ужанъя<br />
но спортъя управлениысь специалистъёс<br />
комсомоллы сӥзем ӝыт ортчытӥзы, сцена<br />
вылын кылбур лыдӟизы ветеранъёс. Бадӟым<br />
ужрад йылпумъяськоз 26-тӥ октябре концертэн.<br />
Тодэ ваён вылысь комсомол организация<br />
та ёросын кылдӥз 1920-тӥ арын, нош<br />
1939-тӥ арын 30 первичной организациоссы<br />
вал ни.
Change language