Create successful ePaper yourself
Turn your PDF publications into a flip-book with our unique Google optimized e-Paper software.
№ 77 (<strong>25692</strong>)<br />
6 2018-тӥ ар 11-тӥ коньывуон ГУРТ УДЫС<br />
www.udmdunne.ru<br />
КУН КЕНЕШЫН<br />
Скал сюдӥсь но, гуртэз утись но<br />
Елена САРАМАТОВА<br />
1990-тӥ аръёсы шаерысьтымы<br />
гурт удысын<br />
ог 100 сюрс адямиос<br />
тыршизы. Али<br />
та лыдпус ог 30 сюрс<br />
возиське. Мар карыны<br />
чакламын гуртъёсты<br />
утён, ужасьёсты кельтон<br />
вылысь?<br />
Гуртын ужась калыклэн<br />
лыдыз кулэсмиз ке но, туала<br />
технологиослы но техникалы<br />
луыса, асьмеос азьвыл<br />
аръёсы мында ик вуз<br />
поттӥськомы, йӧл поттон ласянь<br />
воксё но ӝутӥськимы.<br />
Кун Кенешысь Гурт удысъя,<br />
музъем кусыпъёсъя, инкуазь<br />
узырлыкъёсты но инкуазез<br />
утёнъя ялан ужась комиссиен<br />
кивалтӥсь Владимир<br />
Варламов пусъемъя, ӝоген<br />
ю-нянь но араз 1 миллион<br />
тонна калтомы. Туэ 673 сюрс<br />
тонна люканы пӧрмытӥмы.<br />
Нянь улэ эшшо 120 сюрс гектар<br />
бусыосты висъямы ке,<br />
али сямен гектарысьтыз ог<br />
21 центнер урожай басьтыны<br />
быгатӥмы ке, 1 миллион<br />
тоннаозь но кема ӧвӧл. Нош<br />
120 сюрс гектар - со трос<br />
ӧвӧл: котькуд хозяйстволы<br />
шорлыдын 50 гектарлы уногес<br />
гыроно-кизёно. Эшшо ке<br />
ю тысьлэн ӟечлыкез бордын<br />
тыршоно на, соку нянь пыжыны<br />
тупась юлы но ёрмемысь<br />
дугдомы, шуэ Владимир<br />
Варламов. Арысь аре<br />
тросгес но тросгес хозяйствоос<br />
асьсэ тысен ческыт нянь<br />
пыжо ни. Кун Кенешын нянь<br />
пумысен законлы проект но<br />
дасяло. Отын нянь пыжисьёслы<br />
но няньлы куронъёс<br />
юнматэмын луозы. Туннэ<br />
угось шуг валаны, вылӥ сортъем<br />
чабейлэсь я фуражлы<br />
изэм пызьлэсь нянь пыжемын.<br />
Зэм, ӟеч техникатэк умой<br />
урожай уд люка. Та арня вискын<br />
Москваын «Агросалон»<br />
калыккуспо адӟытон ужаз.<br />
Туспуктӥз Максим ЕГОРОВ<br />
- Со адӟытон возьматӥз,<br />
макем зол азинскемын техника<br />
но макем трос кужым<br />
кулэ асьме хозяйствоослы<br />
со сьӧры уйиськыны.<br />
Ю тысез музэ уськытытэк<br />
утялтӥсь комбайнъёс но<br />
поттэмын ни. Хозяйствоослы<br />
автопарксэс асьсэ кужымен<br />
выльдыны шуг луоз, -<br />
шуэ В. Варламов.<br />
Ижысь гурт удысъя академиын<br />
но выль техника<br />
поттонъя патентъёссы вань.<br />
Кылсярысь, техника наукаосъя<br />
доктор Леонид Максимов<br />
малпаз картошка, кешыр<br />
октонъя аспӧртэм комплекс:<br />
ачиз ик кизе-мерттэ,<br />
гудэ, куарзэ ишке. Со комплекс<br />
пӧртэм адӟытонъёсын<br />
вормылэмын ке но, туннэ ке<br />
но производствое ӧз поты на.<br />
Шедьтоз-а рынокын со аслэсьтыз<br />
интызэ? Фермеръёс<br />
солы тужгес шумпотысалзы,<br />
вылды: пичи, дунтэм, трос<br />
ужез лэсьтыны быгатӥсь.<br />
Бакча емышъёсын вырись<br />
хозяйствоос но пумит ӧй луысалзы.<br />
Соин ик Кун Кенешысь<br />
ялан ужась комиссия<br />
та ужпумен вырыны чакла.<br />
- Гуртын улӥсьёсты вунэтыны<br />
уг яра, - журналистъёслы<br />
шуиз В. Варламов.<br />
- Арня вискын вуылӥ Вотка<br />
ёросысь Чёрное гуртэ.<br />
Отын азбараз скал вордӥсь<br />
нылкышно аслаз пӧзьтэм<br />
сыреныз куноятӥз. Сиемъя<br />
сием потэ - ческыт. Азьвыл<br />
гидаз 2 но солэсь трос скал<br />
вордӥсьёслы пудо йырзылы<br />
быдэ 3 сюрс манет субсидия<br />
висъяллямы. Али сыӵе луонлык<br />
ӧвӧл. Но юрттэт борды<br />
берытскытэк уз луы. Скал<br />
угось сюдӥсь но, гуртэз утись<br />
но. Гуртоослы юрттыны<br />
басьтӥськимы ке, продукцизэс<br />
вузаны рыноке сюрес лёгимы<br />
ке, сыр пӧзьтӥсьёс но,<br />
кооперациос кылдытӥсьёс но<br />
йылозы. Соин ик гуртоослы<br />
юрттон ужпумъёсъя ужась<br />
группа кылдытомы.<br />
Муш вордӥсьёслы юрттэт<br />
сётонъя но законлы проект<br />
лэсьтӥське. Асьмелэн угось<br />
муш вордӥсьёсты утёнъя,<br />
субсидиос висъянъя нокыӵе<br />
Элькунамы гуртоослы юрттонъя<br />
программа дасяны чакламын.<br />
законъёс но программаос<br />
ӧвӧл. Программа луиз ке, та<br />
удысын гуртоос азинскыны<br />
быгатозы. Туннэ угось мушкасьёс<br />
ыштонъёс адӟо, хозяйствоос<br />
химикатэн ужаку<br />
но: мушъёссы умортоосынумортоосын<br />
быро. В. Варламов<br />
пусъемъя, программаын<br />
юнматэмын луозы пасекаез<br />
котыртонъя-возёнъя<br />
куронъёс но. Асьмелэн угось<br />
муш лексемысь шугмисьёс<br />
лачак. Соин ик, кылсярысь,<br />
котькуд пасекаын аптечка<br />
луыны кулэ. Закон улонэ<br />
пыӵаз ке, муш вордӥсьёс оло<br />
кооперациос но кылдытъялозы,<br />
переработкаен вырыны<br />
кутскозы. Асьме чечылы<br />
бренд но кылдытыны луысал.<br />
Ужпум пуктэмын больница,<br />
школа столовойёсы тросгес<br />
гуртоосын будэтэм но<br />
поттэм вузэз келян пумысен.<br />
Зэм, туэ тендер пыр потыны<br />
косо. Котьма ке но, асьме дорын<br />
лэсьтэм сиён шоры учкылоно.<br />
- «Школьное молоко» программае<br />
Сарапулысь йӧл<br />
поттонъя заводэз кыскыкумы<br />
но, кырыж учкылӥсьёс<br />
вал. Но ми предприятиез но<br />
ӝутӥмы. Таин валче хозяйствоослы<br />
но йӧл келян инты<br />
йылӥз, бюджетэ выт вуыны<br />
кутскиз. Программалы асьме<br />
бюджетысь уксё висъяломы,<br />
нош йӧл палэнысь улосысь<br />
вуттомы шат? Озьы уг<br />
луы, - шуиз В. Варламов.<br />
Хозяйствоос азе пуктэм<br />
куронъёс ялан чурытало.<br />
Вуоно арысен соослы одно<br />
ик кыед ворттонъя лагунаос<br />
пуктыны кулэ. Со кӧня<br />
ке миллион манет тыр усёз.<br />
Кун ласянь талы юрттэт чакламтэ.<br />
Хозяйствоосын силос<br />
возьыны гуос но рос-прос ӧвӧл<br />
ай. Нош татын кыедлы гуос<br />
но нимысьтыз площадкаос<br />
лэсьтоно. Кин лагуна ӧз лэсьты,<br />
солы 400 сюрс манетозь<br />
штраф тупатӥськоз. Кыедзэ<br />
вузаны малпасезлы воксё но<br />
лицензия басьтоно луоз.<br />
- Бусыоссэс 3 ар ӵоже<br />
аналтэмъёслэсь музъемзэс<br />
таланъя законлы проект дасямы.<br />
Соя гырыны-кизьыны<br />
азьтэмъяськись муртлэн<br />
участокез кунлы выжыны<br />
кулэ. Кун сое арендае сётыны<br />
я вузаны кулэ. Нош туннэ<br />
музъем борды басьтӥськыны<br />
мылкыд карисьёслэсь черод<br />
ӧвӧл. Озьыен, кун киын талам<br />
музъем буш но аналмыса<br />
улӥз ке, соку кунлэсь сое кин<br />
таланы кулэ? Туннэ пичи<br />
фермеръёслы капчигес музъемзылэсь<br />
куштӥськыны,<br />
угось кун талакуз кадастръя<br />
дунзэ собственниклы тырыны<br />
кулэ. Соин ик чакласькомы<br />
аналтэм музъемлы вытэз<br />
1,5 поллы йылтыны. Туннэ<br />
ёрос администрациосын<br />
сыӵе луонлыкъёссы вань,<br />
эскерисьёссы тырмыт, - шуиз<br />
В. Варламов.<br />
КЕНЕШОН<br />
Будослэн кужымез выжыяз<br />
Елена САРАМАТОВА<br />
Гурт удысъя но сиёнюонъя<br />
министерство<br />
чотамъя, Удмуртиын<br />
ог 8 сюрс гектар вылын<br />
будэ борщевик.<br />
Кызьы соин нюръяськоно?<br />
Тужгес трос та жаг турын<br />
шараямын Балезино<br />
ёросын - 3,2 сюрс гектар вылын.<br />
Дэри ёросын ог 2 сюрс<br />
гектарез соге. Сьӧлта но<br />
Глазов палъёсын быдэн ог<br />
600 гектаръёсты быдтэ. Борщевик<br />
жаг турынъёс пӧлы<br />
пыртэмын. Соин ик будослы<br />
аляны сётӥсьёсты административной<br />
кыл кутон улэ<br />
кыскыны быгато. Россельхознадзорлэн<br />
Удмуртиысь<br />
управлениысьтыз специалист<br />
Лариса Березина пусъемъя,<br />
ӵемысь борщевик сюрес<br />
дурын но нюкъёсын будэ<br />
ке но, бусыосы алям учыръёс<br />
но вань. Озьы миым Дэри<br />
ёросысь огзэ хозяйствоез<br />
400 сюрс манет тыр штраф<br />
тырытӥзы. Али Сьӧлта ёросысь<br />
хозяйство вылэ административной<br />
уж ӝутэмын.<br />
Калык но ӝожтӥськыны<br />
кутскемын. Кылсярысь,<br />
Глазов ёросысь Адам гуртын<br />
сыӵеос вань. Участоксэс<br />
борщевикен аналтэм муртъёслы<br />
20-50 сюрс манетозь<br />
штраф чакламын, шуэ Лариса<br />
Березина.<br />
Нош кызьы нюръяськоно<br />
борщевикен? Ӝуждалаез<br />
солэн 4 метрозь луэ. Ижысь<br />
гурт удысъя академиысь<br />
тодосчиос пусъемъя, сое<br />
котькӧня кора, турна - толыкез<br />
уг луы, будослэн кужымез<br />
выжыяз. Со 80 сантиметр<br />
мурдалае кошке. Соин<br />
ик турнам - юнме ӟигар быдтэм.<br />
Одӥг сяськаысь 8 сюрс<br />
кидыс кисьтӥське, музъеме<br />
усемез бере отысь ог 10 ар<br />
ӵоже борщевик потыса улоз<br />
на.<br />
Гурт удысъя но сиёнюонъя<br />
министерствое котырес<br />
ӝӧк сьӧры люкаськем<br />
тодосчиос, ёросъёсысь специалистъёс,<br />
хозяйствоосын<br />
кивалтӥсьёс огкылэ вуизы:<br />
борщевикен нюръяськонъя<br />
нимысьтыз план дасяно.<br />
Тужгес умоез амал - со будосэз<br />
сутон. Но таиз тылпу<br />
гоман ласянь кышкытлык<br />
кылдытэ. Коми республикаын<br />
борщевикен нюръясько<br />
глифосат химия суретэн.<br />
Но участокез соин пазям<br />
бере котыраз ог 20 нунал<br />
ӵоже нокинлы ветлыны уг<br />
яра. Нош дуныз пичи ӧвӧл:<br />
1 гектарлы ог 15 сюрс манет<br />
кошке. Эшшо ке яд но<br />
огпол пазяса гинэ уг тырмы.<br />
Миым комиос 7 гектар<br />
вылысь борщевикез быдтыны<br />
пӧрмытӥзы ик. 2013-тӥ-<br />
2017-тӥ аръёсы улоссы жаг<br />
турынэн нюръяськыны 3,1<br />
миллион манет кисьтӥз.<br />
Асьме тодосчиос пусъемъя,<br />
борщевикез сяськаяськемезлэсь<br />
азьло турнаса<br />
но гербицидъёсын пазяса<br />
возёно. Но хозяйствоосын<br />
кивалтӥсьёс верамъя, кизён<br />
вакытэ, уборка дыръя<br />
сотэк но техника уг тырмы.<br />
Со сяна, тракторъёслэн<br />
нюкъёсы пыремзы но<br />
уз луы. Адямиосты борщевикен<br />
нюръяськыны лэзьыны<br />
кышкыт - сокез куэз<br />
сутэ, вупульыос кылдытэ.<br />
Гырем бере, злаковой культураосты<br />
кизьыса, пайдаез<br />
ваньгес ик, шуо. Дэри ёросысь<br />
Ярушкинский дендропаркын<br />
будосэн нюръяськон<br />
эскеронъёсъя участок<br />
бырйыны медо. Уж пӧрмиз<br />
ке, амал шедиз ке, сое шаерамы<br />
кутозы. Министерство<br />
бордын ужась нимысьтыз<br />
группа кылдытыны чакламын.<br />
Дэмен нюръяськытэк,<br />
пайдаез уз луы, шуизы<br />
люкаськемъёс.