You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 78 (<strong>25693</strong>)<br />
2 2018-тӥ ар 16-тӥ коньывуон<br />
инГОЖ<br />
ДЫШЕТСКОН<br />
Азьло лыдӟиськы, собере гожъяськы<br />
Ульяновскын ортчиз егит гожъяськисьёслэн 18-тӥез калыккуспо форумзы<br />
Анастасия ШУМИЛОВА<br />
Куарусёнэ Россиысь<br />
пӧртэм улосъёсысь но<br />
мукет кунъёсысь ӟуч<br />
кылын гожъяськись<br />
егит писательёс Ульяновске<br />
люкаськылӥзы.<br />
Ӝож ке но, пайдаё<br />
2004-тӥ арысен ЮНЕ-<br />
СКО азинтэ «Литературной<br />
городъёс» программазэ.<br />
Гожъяськон удыслы бадӟым<br />
саклык висъясь каръёс<br />
музъемлэн пӧртэм сэрегъёсаз<br />
интыяськемын. Россиысь<br />
сыӵе каръёс пӧлы пыртэмын<br />
Ульяновск. Татын<br />
литератураез зэм но гажало,<br />
тодазы возё лулчеберетэ<br />
бадӟым пытьы кельтэм<br />
улосчиоссылэсь нимъёссэс.<br />
Симбирск (Ульяновсклэн<br />
азьвыл нимыз) музъем вылын<br />
вордӥськемын Николай<br />
Карамзин, Иван Гончаров,<br />
Николай Языков. Туала литературной<br />
улонзы но быректэ:<br />
ялан ортчыло писательёсын<br />
пумиськонъёс, литература<br />
ӝытъёс, фестивальёс,<br />
конференциос.<br />
Форуме пыриськись<br />
егитъёсын котьку сямен<br />
ужазы зӧк литературной<br />
журналъёслэн редакторъёссы<br />
но гожъяськон удысысь<br />
экспертъёс. Котькуд<br />
журналлэн мастер-классаз<br />
егитъёс ог-огзылэсь ужъёссэс<br />
сэрттӥзы-пертчизы, огогзылы<br />
дунъет сётӥзы, текстъёсысь<br />
шекъёсты шараязы.<br />
Мастер-классъёсын ужам<br />
сяна, егитъёс пумиськизы<br />
писательёсын, критикъёсын.<br />
Леонид Юзефович но<br />
Ольга Славникова прозаикъёс<br />
(кыкназы ик Россиысь<br />
«Большая книга» премилэн<br />
лауреатъёсыз луо) вераськизы<br />
писательлэн улонэз<br />
сярысь, творческой сюресъёссэс<br />
мадизы. Тодмо веросчи<br />
Михаил Веллер егит писательёсты<br />
визьнодаз, кызьы<br />
азинлыко гожъяськись луоно.<br />
«Иностранная литература»<br />
журналлэн редакторез<br />
Александр Ливергант художественной<br />
текстъёсты кылысь<br />
кылэ берыктон ужлэн<br />
шуг-секытъёсыз сярысь мадиз.<br />
Котькуд ӝыт Евгения<br />
Декина писатель радъялляз<br />
«Выль нимъёс» ӝытъёсты<br />
- форуме пыриськись гожъяськисьёс<br />
асьсэлэсь ужъёссэс,<br />
театрлы матын карыса,<br />
лыдӟылӥзы. Озьы ик кудогез<br />
форуме вуэмъёс Ульяновск<br />
улосвылысь пӧртэм<br />
интыосы вуылӥзы, пумиськонъёсын<br />
асьсэлэн творчествоенызы<br />
тодматӥзы.<br />
Таяз арын мон «Октябрь»<br />
журналэн радъям мастерклассэ<br />
пыриськи. Нодъязы<br />
Казаньысь критик но кылбурчи<br />
Андрей Скворцов но<br />
Москваысь кылбурчи но кы-<br />
Ульяновскысь В. И. Ленин нимо библиотекалэн «ВКонтакте» бамысьтыз<br />
лысь кылэ берыктӥсь Ирина<br />
Ермакова. Белгородысь,<br />
Донецкысь, Нижний Новгородысь,<br />
Ульяновскысь, Бурятиысь,<br />
Узбекистанысь но<br />
Удмуртиысь вуэмъёс, ми<br />
лыдӟим ог-огмылэсь кылбуръёсмес<br />
но котькуд кылбурчиез<br />
нимысьтыз эскерим.<br />
Огъя гожъяськон манеръёсмы<br />
но амалъёсмы пумысен<br />
но вераським, нимаз текстъёсмес<br />
но куадам-лусйим.<br />
Ненегъяськон сям доре кылиз,<br />
лэся - котькудӥзлы<br />
тыш сюриз.<br />
Нырысь мынэсьтым кылбуръёсме<br />
сэрттӥзы-пертчизы.<br />
Зэмзэ вераса, критикаен<br />
зол пылатӥзы. Ӟуч<br />
кылын ляб гожъяськисько<br />
шуыса, тодӥсько вал, но<br />
мастер-класс бӧрсьы малпаськонэ<br />
уси, мон чик но<br />
нокыӵе кылын но гожъяськыны<br />
уг быгатӥськы шуыса.<br />
Валамон - котькуд гожъяськисьлы<br />
азинскон понна<br />
кулэ сэзъятскон. Но меӵак<br />
кыл быдтэ вылэм гожъяськон<br />
мылкыдэз. Со дыре ик<br />
мастер-классмы туж пайдаё<br />
вал: отын трос визь-нод<br />
сётӥзы, тунсыко поэтъёсты<br />
лыдӟыны ӵектӥзы. Автор<br />
нырысь ик аслыз ачиз критик<br />
луыны кулэ, текстъёсыд<br />
шоры мурт синмын учкыны<br />
быгатоно.<br />
Янгыше уськытоз но<br />
дурбасьтоз<br />
Котьку сямен, форумын<br />
трос вераськизы ӵапак критикалэн<br />
кулэлыкез сярысь.<br />
«Критика но литература<br />
туннэ» котырес ӝӧкын Наталья<br />
Иванова литературовед<br />
но критик, МГУ-ысь<br />
профессор кӧтӝожзэ усьтӥз:<br />
али ӧжытгес лыдӟисько, тиражъёс<br />
сино. Лыдпусъёс<br />
кӧшкемытэсь: 1990-тӥ аръёсы<br />
«Знамя» журналлэн тиражез<br />
ог миллион вал, али -<br />
ог 1 сюрс 300, «Новый мир»<br />
2 миллион 700 сюрс тиражен<br />
поталляз, али - ог 2<br />
сюрс 200. Мукет зӧк литературной<br />
журналъёслэн сыӵе<br />
ик югдурзы. Лыдӟисьёслэн<br />
лыдзы кулэсмемен, йылэ<br />
гожъяськисьёслэн лыдзы -<br />
соин кылдэ «перепроизводство<br />
литературы». Наталья<br />
Иванова Лев Анненский<br />
критиклэсь кылъёссэ тодамы<br />
вайытӥз: «Литература<br />
кулӥз ке но, критика кылёз -<br />
со валэктоз литературалэсь<br />
быронзэ».<br />
Наталья Иванова шуиз:<br />
тросэз критика шоры сюбег<br />
учко, тросэз малпало, критикалэн<br />
ужпумез - со кыӵе<br />
ке книгалы анонс лэсьтон но<br />
сое лыдӟисьлы рекламировать<br />
карон. Но со озьы ӧвӧл,<br />
меӵкытӥз Наталья Иванова.<br />
Критика - со сыӵе ик литература,<br />
солэн трос жанръёсыз,<br />
со реклама ӧвӧл, озьы ик<br />
критик писателез вешан-нуныян<br />
понна уг гожъяськы.<br />
Котькуд литературно-публицистической<br />
статья литературной<br />
процесслэн вамышез<br />
луэ. Рецензия - со произведенилы<br />
огшоры дунъет сётон,<br />
ӟеч палъёссэ но шекъёссэ<br />
утчан ӧвӧл. Зэмос критик<br />
ноку меӵак уг вера малпанзэ,<br />
лыдӟисьлы аслыз валаны<br />
юрттэ, кельшоз солы<br />
текст яке уз.<br />
Вань эшшо «литературной<br />
портрет» жанр - писатель<br />
яке книга сярысь вераськон,<br />
обзорной статья,<br />
кыӵе ке ужпумъя заметкаос.<br />
Нимысьтыз висъяське<br />
«гедройц» жанр - со «Звезда»<br />
журналын печатласькем<br />
критиклэн Самуил Лурьелэн<br />
рубрикаез, солэн «С.<br />
Гедройц» кушемнимыз вал.<br />
Мастер-классъёсы пыриськемзы<br />
сяна, егит гожъяськисьёс<br />
Волга шур кузя катерен ортчизы.<br />
Тунсыко вераськон<br />
пурӟиз вотэсын улӥсь критика<br />
пумысен. «Знамя»<br />
журналлэсь мастер-классэ<br />
нуись егит писатель Ольга<br />
Брейнингер вераськиз<br />
али азинскись но кужым<br />
люкась литературной блоггинг<br />
сярысь. Со пусйиз,<br />
берло 2-3 ар ӵоже вотэсысь<br />
критикалэн ӟечлыкез но<br />
данэз будӥз шуыса. Шуом,<br />
«Инстаграмын» книгаос сярысь<br />
гожъяны кутскем Яна<br />
Семёшкиналэн куараез<br />
али пӧртэм площадкаосын<br />
чузъяське.<br />
Наталья Иванова пусйиз:<br />
зэмос критик луон понна талант<br />
но темперамент кулэ.<br />
Литературовед малпамъя,<br />
критик - со огдыре инспектор,<br />
со янгыше уськытӥсь но<br />
дурбасьтӥсь, со ик идеолог<br />
но. Критика - со вакытлэн<br />
ачиз шоры учкемез но ассэ<br />
эскеремез.<br />
Колхозъёс куашказы<br />
Форумын бадӟым саклык<br />
висъяське литературалэсь<br />
улон-вылонзэ эскеронлы.<br />
Котырес ӝӧкъёсын<br />
экспертъёс кенешо писательлэн<br />
но лыдӟисьлэн кусыпъёссы<br />
пумысен. «Россиысь<br />
туала литературалэн<br />
аспӧртэмлыкъёсыз» темалы<br />
сӥзем пумиськонын писатель,<br />
А. Горький нимо литературной<br />
институтлэн<br />
ректорез Алексей Варламов<br />
но литературовед Татьяна<br />
Булатова вераськизы<br />
туала литературалэн<br />
югдурез сярысь. Алексей<br />
Варламов пусйиз, кутскись<br />
гожъяськисьлы нырысь<br />
ик трос лыдӟиськоно шуыса.<br />
Со Юрий Казаковлэсь<br />
кылъёссэ тодаз вайиз: «Писатель<br />
луыны уд быгаты,<br />
лыдӟись луытэк». Соин та<br />
выллем форумъёс пайдаё<br />
луо - егитъёс ог-огзэс лыдӟо<br />
но лэчыт синмын текстъёс<br />
шоры учкыны дышетско.<br />
Алексей Варламов малпамъя,<br />
ортчем дыре кылизы<br />
писательёслэн огазеяськонъёссы<br />
- али литератураын<br />
пушъе «хуторской<br />
система», литературной<br />
«колхозъёс» ӧвӧл ини.<br />
Писатель малпамъя, гожъяськисьёсты<br />
огазеяны кулэ<br />
ӧвӧл, уго соос пӧртэм луэменызы<br />
тунсыко. Совето<br />
вакытэн ӵошатоно ке, литератураын<br />
цензура ӧвӧл,<br />
котькудӥз быгатэ гожъяны<br />
со сярысь, мар солы тунсыко<br />
- Россиын азьло ноку<br />
таӵе югдур ӧй вал. Со дыре<br />
ик эрик нокыӵе оскытон уг<br />
сёты, литература сяськаялоз<br />
шуыса. Али туж трос<br />
книга печатлаське, соин<br />
ик книга дунзэ ыштэ. Конкуренция<br />
туж вылӥ - писательлы<br />
секыт шедьтыны<br />
аслэсьтыз лыдӟисьсэ. Со пумысен<br />
вылӥ дунъяське критикалэн,<br />
зӧк литературной<br />
журналъёслэн, санлы<br />
издательствоослэн ужзы -<br />
соос книга зарезьысь утчало-шедьто<br />
но лыдӟись доры<br />
вутто учкымон нимъёсты.<br />
Татьяна Булатова вераз,<br />
кутскись гожъяськисьлы<br />
творчествоезлэсь ӟечлыксэ<br />
валаны секыт, нош пыр-поч<br />
ваньзэс учкыны-эскерыны<br />
экспертъёс уг вутско. Вань<br />
кутскись писательёслы, Т.<br />
Булатова малпамъя, кӧня<br />
ке юанлы валэктон сётоно:<br />
малы мон гожъяськисько?<br />
Умой-а мон гожъяськисько?<br />
Кинлы мон гожъяськисько?<br />
Печатлалозы-а<br />
монэ? Берпуметӥез юан<br />
герӟаськемын ӵапак литератураын<br />
экспертиза радъясь<br />
институтъёслэн уженызы.<br />
Литературной форумъёс,<br />
фестивальёс, премиос,<br />
редакторен ужан сӥсъяло<br />
зэмос литератураез, сое<br />
лыдӟись доры вуттыны тыршо.<br />
Вотэсын ужась платформаос,<br />
огласянь, тодмо луыны<br />
юртто, но со дыре ик трос<br />
люкам «лайкъёс» уг возьмато,<br />
тон умой гожъяськиськод<br />
шуыса. Татьяна Булатова<br />
пусъемъя, Россиын уг<br />
тырмо литературной агентствоос,<br />
кудъёсыз утчасалзы<br />
тунсыко авторъёсты но соослы<br />
будыны юрттысалзы.<br />
Алексей Варламов но Татьяна<br />
Булатова ог малпанэ<br />
вуизы: литература - со ним,<br />
соин ик аслыд ним лэсьтоно,<br />
нош кызьы - созэ нокин<br />
рос-прос уг тоды. Котькуд<br />
писательлы аслыз сюрес<br />
ӵогоно луэ.
Change language