Create successful ePaper yourself
Turn your PDF publications into a flip-book with our unique Google optimized e-Paper software.
инГОЖ<br />
№ 78 (<strong>25693</strong>)<br />
3<br />
2018-тӥ ар 16-тӥ коньывуон<br />
ТОДМО НИМЪЁС<br />
Чебер адями<br />
Удмуртиын буре ваё Михаил Федотовез<br />
Анастасия ШУМИЛОВА<br />
Вожъяськон - алама сям.<br />
Но 7-тӥ коньывуонэ, Михаил<br />
Федотовлэн шайгу<br />
дораз люкаськем калыклэсь<br />
тодэ ваёнъёссэ<br />
кылзӥськыкум, ӵапак<br />
вожъяськон мылкыдлэсь<br />
куштӥськеме ӧз<br />
луы. Сокем бордаз кыске<br />
сыӵе быдӟым адями<br />
- соин огвакытэ улэм,<br />
вылтуссэ адӟем, куаразэ<br />
кылэм потэ…<br />
Кылбурчилэн вордӥськем<br />
нуналаз вордӥськем палъёсаз<br />
вуэм писательёс, журналистъёс<br />
но Яр ёросысь Вортча гуртысь<br />
ӵыжы-выжыосыз буре вайизы<br />
улонысь вазь кошкем таланто<br />
бесерман воргоронэз. Шайгузэ<br />
котыртыса, Михаил Федотовлэн<br />
кылбурезъя гожтэм «Мон<br />
бакчаям мертто пинал льӧмпу»<br />
кырӟанэз нёжтӥзы, Николай<br />
Мерзляков бард быдэстӥз Михаил<br />
Федотовлэн «Мукет» по-<br />
Туспуктӥз Валерий НУРИАХМЕТОВ<br />
эмаысьтыз оглюкетызлэсь<br />
пӧрмытэм кырӟанзэ. Кылбурчилэн<br />
улонысьтыз учыръёссэ<br />
мадизы, солы сӥзем чуръёссэс<br />
лыдӟизы, творчествозэ данъязы<br />
Вячеслав Ар-Серги, Виктор<br />
Шибанов, Татьяна Чернова,<br />
Пётр Захаров, Владимир<br />
Михайлов, Василий Михайлов<br />
но мукетъёсыз. Чылкыт, чебер,<br />
йӧно, адямиосты валась, улонлы<br />
шумпотыны быгатӥсь, бордаз<br />
кыскись… Синмаськымон<br />
кылбурчи луэмез сяна, Михаил<br />
Федотов синмаськымон адями<br />
вал. Со сярысь вераськыку, сое<br />
адӟем, соин эшъяськем адямиослэн<br />
синъёссы гажан мылкыдын<br />
пиштыны кутско, нош куараосазы<br />
яратон чузъяське.<br />
- Кузь сюрес вылысен<br />
котькудӥзлэн ик эшъёсмылэн<br />
йыразы огдыре пилемо<br />
но югыт малпанъёс бугыръяськизы,<br />
дыр, Мишаез улэпен<br />
син азе пуктыса, солэн висись<br />
сюлэм пыртӥз чилектэм гожез<br />
валаны тыршыса… Курыт<br />
кирень куректон. Али но<br />
со чыртывыжыез ӵоксузьытэ,<br />
сюлэмез дырекъятэ, жалянэз<br />
бугыртэ. Нош но нош кие<br />
кутӥськод ке солэсь книгаоссэ,<br />
валаськод: кылбурчи улыны<br />
дыртӥз, улонэзлэсь пумзэ<br />
адӟыса син азяз пуктылӥз...<br />
1980-тӥ арын ик ини ас<br />
шӧдонэз-адӟонэз сярысь вераз:<br />
«Эн мыкыртэ йырдэс,<br />
юлтошъёсы, та улонысь мон<br />
кошкисько шуыса», - малпанзэ<br />
кисьтэ Татьяна Чернова<br />
кылбурчи.<br />
Михаил Федотовез лыдӟо,<br />
гажало, ярато - кызьы шуиз<br />
кылбурчилэн кузпалыз Анна<br />
М. Федотовлэн вордӥськем<br />
Вортча палъёсаз вуылӥзы писательёс,<br />
журналистъёс, ӵыжывыжыосыз.<br />
Федотова, али дыре со зэмос<br />
суперзвезда. Нош бесерманъёс<br />
понна Михаил Федотов - калыксылэн<br />
дано пиез, герой. Со<br />
кылбуръёсаз данъяз калыксэ,<br />
нош калыкез со понна пыраклы<br />
кельтӥз сое сюлмаз.<br />
Вордӥськем нуналаз Ярын<br />
но ортчиз Михаил Федотовлы<br />
сӥзем ужрад, кытын уйпалась<br />
калык, Ижысь вуэм куноос<br />
буре вайизы бесерман кылбурчиез,<br />
нош 8-тӥ коньывуонэ<br />
сое данъязы Ижысь филармониын.<br />
Культурая но туризмъя<br />
министр Владимир Соловьёв<br />
пусйиз, Михаил Федотовлэн<br />
улонэзлэн сиосыз удмуртъёсты<br />
но бесерманъёсты кема<br />
шунтозы на шуыса. Россиысь<br />
сӥё-дано артист Геннадий<br />
Кузнецов кырӟамез азьын тодаз<br />
вайиз, кызьы Михаил Федотов<br />
солы «Гена эшелы - мынам<br />
куараелы» гожтэмен книгазэ<br />
кузьмаз. Ӵапак со бӧрсьы<br />
вордскиз «Мон бакчаям мертто<br />
пинал льӧмпу» кырӟан. Анна<br />
Федотова тау кариз, картсэ уг<br />
вунэто, сое данъяло шуыса,<br />
осконзэ усьтӥз, котькуд адямилэн<br />
сюлмаз кузпалызлэн творчествоезлы<br />
инты сюроз шуыса.<br />
Со малпамъя, Михаил Федотов<br />
кылбуръёсаз быдэсак<br />
усьтӥське - кытын ке со кужмо,<br />
кытын ке ляб. Сергей Матвеев<br />
кылбурчи но итӥськиз та малпан<br />
борды - со пусйиз, Михаил<br />
Федотовлэн огдыре ӝужыт<br />
гурезь кадь но ненег сяська<br />
кадь луэмез паймытэ шуыса.<br />
Со лыдӟиз кылбурчилэсь ӟуч<br />
кылэ берыктэм ужъёссэ. Озьы<br />
ик луыны кулэ - зэмос поэт уг<br />
возьдаськы лыдӟисез азьын<br />
котькыӵеен усьтӥськыны.<br />
Удмурт кылосбуръя, финноугроведениея<br />
но журналистикая<br />
институтысь студентъёс<br />
возьматӥзы Михаил Федотовлэн<br />
кылбуръёсызъя пуктэм<br />
постановка - соослы луыса<br />
кылбурчилэн чуръёсыз удмурт<br />
кылын чузъяськизы.<br />
Литератураез эскерись тодосчи<br />
Вера Пантелеева малпанзэ<br />
усьтӥз, котькуд вакытлэн<br />
аслаз поэтъёсыз вань шуыса.<br />
Михаил Федотов, со малпамъя,<br />
улэм вакытэзлы зэмос<br />
тупась гожъяськись вал -<br />
ӟырдыт, сутӥсь. Со шӧдӥз калыклэсь,<br />
кыллэсь, оглом улонлэсь<br />
воштӥськемзэ. Ваньзы сямен,<br />
тодосчи пусйиз, макем Михаил<br />
Федотов борды кыстӥське вал<br />
калык - со бордаз кыске вал ӟеч<br />
сямыныз но, вылтус чебереныз<br />
но. Вера Пантелеева шуиз, таланто<br />
адямиос котьку калыкез<br />
ӟечгес, йӧногес каро шуыса. Огез<br />
дышетӥсез Флор Васильев сямен<br />
ик, бесерман кылбурчи улонысь<br />
вазь кошкиз - поэт ас дыраз<br />
вуэ но ас дыраз кошке, вылды,<br />
малпанзэ усьтӥз тодосчи.<br />
Ӝытлэн пумаз Вячеслав<br />
Ар-Серги писатель гожъяськисьёсты<br />
дунъяны куриз. Со<br />
учкисьёслы тодазы вайытӥз:<br />
гожъяськисьёс котьку калыклэн<br />
азьлань улонэз сярысь<br />
сюлмасько - Михаил Федотовлэн<br />
но сюлмыз висиз калыкез<br />
но кылыз понна. Палэнэ потыку,<br />
пе, нырысь ик юало: кин<br />
тӥляд поэтты? Асьмелэн вань<br />
быдэс дуннелы ушъяськымонданъямон<br />
поэтмы - со Михаил<br />
Федотов. Соин солэсь нимзэ<br />
вунэтоно ӧвӧл, творчествозэ<br />
вӧлмытоно.<br />
НЕКОНФЕРЕНЦИЯ<br />
Берыктӥсьлы уж котьку вань<br />
Анастасия ШУМИЛОВА<br />
2-тӥ коньывуонэ<br />
Berykton lud кылысь<br />
кылэ берыктӥсьёслэн<br />
клубзы но элькунысьтымы<br />
Йӧскалык библиотека<br />
ортчытӥзы «Берыктон<br />
луд» неконференция.<br />
Berykton lud клублэсь ужзэ<br />
мытэм Алексей Шкляев верамъя,<br />
клуб кылдытэмын<br />
вал, берыктон ужен вырисьёс<br />
кусып возьыны но тодон-быгатонлыкъёссэс<br />
вӧлмытыны<br />
мед быгатозы шуыса. Клублэн<br />
но неконференцилэн форматсы<br />
ужрадэ ваньзылы пыриськыны<br />
луонлык сётэ - берыктон<br />
ужысь ӧнерчиослы но, соин<br />
тунсыкъяськисьёслы но.<br />
Йӧскалык библиотекаысь<br />
кунгожсьӧр кылъёсын литературая<br />
ёзэн кивалтӥсь Людмила<br />
Огородникова вераз<br />
школаын дышетскисьёслы<br />
улосъёс куспын ортчись «Перевод<br />
в поле многоязычия»<br />
вожвылъяськон сярысь - библиотекаын<br />
ужасьёс туэ сое<br />
8-тӥзэ ортчытӥзы. Людмила<br />
Огородникова верамъя,<br />
берыктӥсьёслэн арысь аре<br />
лыдзы будэ, пиналъёс тросгес<br />
кылъёсысь текстъёсты берыкто.<br />
Радъясьёслы пӧртэм<br />
кылъёсты тодӥсь ӧнерчиосты<br />
утчано луэ - кунгож сьӧрысь<br />
адямиослы но куд-ог дыръя<br />
вазисько. Угось конкурслэн<br />
нырысетӥ этапаз пинал<br />
кунгожсьӧр кылысь текстэз<br />
анай кылаз берыктыны кулэ.<br />
Лидия Нянькина гожъяськись<br />
мадиз берыктон ужен<br />
выремез сярысь. Со Ашальчи<br />
Окилэсь, Галина Романовалэсь<br />
ужъёссэс ӟуч кылэ<br />
берыктӥз, али трос ужа нылпи<br />
литератураез берыктон<br />
бордын. Гожъяськисьёс асьсэос<br />
нылпиослы вазисько,<br />
произведениоссэс берыктыны<br />
курыса. Гожъяськись верамъя,<br />
ӟуч кылэ берыктон<br />
капчи ӧвӧл, малы ке шуоно<br />
ачиз Лидия Нянькина малпаське<br />
но гожъяське удмурт<br />
кылын. Нош удмурт кылэ берыктон<br />
вӧй вылтӥ кадь кошке<br />
ини. Со озьы ик вераз «Кенеш»<br />
журналэн радъям литературая<br />
конкурс сярысь -<br />
таяз арын удмурт кылысь ӟуч<br />
кылэ берыктӥсьёслы нимысьтыз<br />
номинация ялэмын.<br />
Сергей Бехтерев юрист<br />
висьытӥсь ужпумез ӝутӥз -<br />
туж ӧжыт удмурт кылэ берыктэм<br />
юриспруденция но право<br />
удысъёсысь текстъёс, кун документъёс.<br />
Эшшо одӥг ужпум<br />
- ужъюртъёс вылысь кык кылын<br />
нимпулъёс али трос, но<br />
удмурт кылын гожъямъёсаз<br />
лачак янгышъёсыз.<br />
Вера Пантелеева тодосчи<br />
верамъя, университетын<br />
журналистикаез дышетӥсь<br />
студентъёс паймо удмурт кылын<br />
литература вань шуыса<br />
тодэмзы бере. Троссэ туала<br />
гожъяськисьёсты берыктэмъёс<br />
уг тырмо. Али берыктон<br />
удысын уг тырмо официальноделовой<br />
текстъёсты, чеберлыко<br />
литератураез берыктӥсьёс,<br />
чик ӧвӧл элькунамы синхрон<br />
берыктонэн вырисьёс.<br />
Лариса Дмитриева тодосчи<br />
вераз «Яратоно удмурт<br />
кыл» лагерьын удмурт кылэз<br />
дышетӥсьёсын ужамез<br />
сярысь. Студентъёсын соос<br />
мультфильмъёсты, тунсыко<br />
видеоосты удмурт кылэ<br />
берыктӥллям. Сыӵе форматэз<br />
уже кутыны луэ, удмурт<br />
кылэз дышетыку, озьы ик со<br />
юрттэ вӧлмытыны кылэз вотэсын.<br />
Богдан Анфиногенов<br />
кылбурчи мадиз «ВКонтакте»<br />
бамез удмурт кылэ берыктон<br />
сярысь. Берыктон<br />
сяна, пусйиз со, кулэ калык<br />
пӧлын иворез вӧлмытыны<br />
но дасяны кыллюкамъёс,<br />
мед тросгес калык удмурт<br />
кылэз вотэсын кутоз шуыса.<br />
Малпан чузъяськиз: удмурт<br />
кылысь ӟуче берыктон<br />
лыдӟиськись аудиториез паськытатыны<br />
юрттэ, нош ӟучысь<br />
яке мукет кылъёсысь удмурт<br />
кылэ - удмурт кылэз узырмытэ.<br />
Ваньзы шумпото, Библия удмурт<br />
кылын вань шуыса, нош<br />
туала лыдӟисьёс табере возьмало,<br />
ку лыдӟыны луоз удмурт кылын<br />
«Гарри Поттерез».