You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 78 (<strong>25693</strong>)<br />
6 2018-тӥ ар 16-тӥ коньывуон<br />
инГОЖ<br />
МОНОЛОГ<br />
Нош ик «кык»<br />
Туспуктӥз Вера ШТЫКОВА<br />
Даниил БАКАНОВ<br />
60 аресъем кышномурт<br />
пыре, киысьтыз тетрадьёссэ<br />
лачмытак ӝӧк вылэ понэ.<br />
Валаськоды-а, кыл асьмемыз<br />
огазея, одӥг калыке пыртэ.<br />
Паустовский гожтэм, ас<br />
кылзэ гажамез пыр адямилэсь,<br />
культурной луэмзэ сяна, обществоын<br />
интызэ валаны луэ.<br />
Асьмеос Удмуртиын улӥськом,<br />
но мон оскисько, ваньмы культуралы<br />
дышетэмын. Кылтэк<br />
культура но уг луы.<br />
Малы мон тае лыдӟыны<br />
кулэ?! Одӥг но «куине» ӧвӧл.<br />
Вань сочинениос «кыклы»<br />
гожтэмын! Мон татын тӥ<br />
понна вырисько, вырисько,<br />
ваньзэ кушаса сётӥсько, визьмаськемдэс<br />
возьмасько. Нош<br />
тӥ мыным мар - номыр но!<br />
Книгае чиньыеным возьматыса,<br />
верасько, тазэ лыдӟоно<br />
ӧвӧл шуыса, нош тазэ - йырады<br />
кельтоно. Нош тӥ... книгае<br />
учкиськоды - пӧлы пумез<br />
адӟиськоды.<br />
Огшоры тема: «Семьяен<br />
ортчытэм нунал». Ваньзылы<br />
тодмо но матын.<br />
Сергеева гожтэ: «Кызьы<br />
но озьы сапег дӥсяны<br />
быгатӥ». Дӥсяны! Дӥсез гинэ<br />
ум дӥсяське шат?!<br />
Нош Корепанов: «Ӵукна<br />
мон анаелы юрттӥ - ӝӧкез<br />
чуши».<br />
- Чуши!!! Точкаосыд кытын,<br />
визьтэм, «чуши», пе!<br />
Кин тон интые «ч» вылэ точкаос<br />
пуктыны кулэ?! (Тетрадьёсты<br />
ӝӧк борды шуккыса<br />
лэзе.)<br />
Нош Иванова: «Мон тетрадьёсме<br />
портфелям<br />
сэрпалтӥ». Сэрпалтӥ?.. Тӥ<br />
серекъяськоды-а, мар-а?<br />
Сэрпалтӥ!.. Тетрадьёсты<br />
понӥськод тон, нош удмурт<br />
кылдэ сэрпалтӥськод кадь<br />
ини!<br />
Тӥ пыдъёстэс мон борды<br />
чушиды. Сялӟиды вылам…<br />
Нош мон... мон вань сюлмыным...<br />
вань сюлмыным тӥ<br />
понна ужасько. Котьку валаны<br />
тыршисько, урокъёс бере<br />
мае ке валэктыны кылисько.<br />
Дырме быдтӥсько. Нош мыным<br />
со понна уг тыро. Ваньзэ<br />
лэсьтӥсько, тӥ зэмос Адямиос<br />
мед будоды шуыса. Нош<br />
тӥледлы со кулэ но ӧвӧл.<br />
Тӥледлы со мӧзмыт. Асьтэос<br />
сярысь чик но уд малпаськиське.<br />
Корепанов, тон мар гориськод?<br />
Со тынад пиед «чушиз»<br />
ук. Кызьы анай кылдэ<br />
уд тоды, Корепанов? Со тынад<br />
улонэд но юрттэтэд ук.<br />
Мон тонэ кӧня ар дышетӥ,<br />
кӧня кужымме быдтӥ? Ваньмыз<br />
юнме-а, мар-а? Мон мар,<br />
урод дышетӥсь?<br />
Малы тынад пиед быдэс<br />
нуналзэ атаезтэк ортчытӥз,<br />
тон сярысь сочиненияз пал<br />
кыл но ӧвӧл?! Оло, тон семьяеныд<br />
ӵош уд улӥськы? Яке тон<br />
пиналъёстэ уд яратӥськы?<br />
Мон-а, мар-а соосты яратыны<br />
кулэ?! А, Корепанов?! Пинал<br />
будэтыны толкед ӧвӧл<br />
ке, малы соку вордӥд? Секыт<br />
тыныд? Яке малпаськод, со<br />
тынад ужед ӧвӧл?<br />
Ивановаен ваньмыз валамон,<br />
сое анаез огназ будэтэ.<br />
Ӧз быгаты картсэ бордаз думыса<br />
возьыны, соин ик огназ<br />
кылиз. Мон уг но паймиськы!<br />
Нош тон, Сергеева...<br />
Секыт-а, мар-а вал сапег кутчаны<br />
юрттыны? Нылыныд<br />
ӵош киное мынӥд. Гоголь,<br />
Вий, классика - ушъямон! Но<br />
малы нылыд сое огназ учкиз?<br />
Тон кытын вал? Тон соку мар<br />
карыса улӥд? Со кӧшкемыт<br />
кино ук, бадӟымъёстэк сыӵеез<br />
учкыны уг яра! Нош пиналыд<br />
кышкаменыз могась кыльысал<br />
ке?! Секыт-а, мар-а<br />
одӥг но ӝыны час пиналэд<br />
вӧзын пукыны? Киноысь валантэм<br />
интыоссэ валэктыны,<br />
ӟыгыртыны, кышкыт интыосаз<br />
синъёссэ кыньытыны! Кытын<br />
анайлэн юрттэтэз но яратонэз?<br />
Кин анай интые солы<br />
кизэ сётоз но шонер сюрес<br />
вылэ султытоз? Мон? Со мынам<br />
уже ӧвӧл, со тӥляд ужды!<br />
Мон тӥледыз но тӥлесьтыд<br />
нылпиостэс яратыны кулэ<br />
ӧвӧл, тӥ кулэ! Нош мон удмурт<br />
лулчеберет сярысь тодон-валан<br />
гинэ сётыны кулэ!<br />
Дорысь ужез мон кинлы<br />
сётӥсько? Тӥледлы сое пиналъёсыныды<br />
ӵош лэсьтоно!<br />
Кусыпъёсты мед юнмалозы<br />
шуыса. Озьы гинэ тӥ<br />
кунмылы юрттыны быгатоды!<br />
Анай кылэз тодытэк - тӥ<br />
зэмос адями но вордскем шаерез<br />
яратӥсь мурт луыны уд<br />
быгатэ!<br />
Тани тӥ?! Тӥ быръёнъёсы<br />
ветлӥды-а? Кин быръёнъёсы<br />
ӧз ветлы, кидэс ӝутэ. Тӥ<br />
мар... Тӥ валаськоды-а, мар<br />
кариськоды? Шундыпуксён<br />
палась капиталистъёслы пумит<br />
султон интые, тӥ ганьгань<br />
интыяды пукиськоды,<br />
тӥ асьме кунмылэн тушмонъёсызлы<br />
юрттӥськоды,<br />
госдеплы, витетӥ колонналы.<br />
Асьмеос тушмонъёсын<br />
котыртэмын! Нош тӥ шыпыт<br />
улӥськоды!<br />
Кужмо Удмуртия асьмелы<br />
гинэ кулэ, асьмелы сяна, кинлы<br />
со кулэ луоз на.<br />
Мынам пие тани Ижкаре<br />
кошкиз, со отын колаен<br />
но бургеръёсын вуз каре. Возьыт!<br />
Уг кылзы монэ... Быроз<br />
отын! Нунокъёсы но монэ кылэм<br />
уг каро, соослэсь но адями<br />
уз пӧрмы кадь... Тӥ, егитъёс,<br />
ваньмыз вылэ сӥтяськоды,<br />
азьланез сярысь уд но малпаськиське!<br />
Шумпотэ, тӥляд али мон<br />
вань. Мон тӥледлы кунмес<br />
быдтыны но пиналъёстылэсь<br />
азьпал улонзэс сӧрыны<br />
уг сёты! Тӥ малпаськоды<br />
вал, школаез йылпумъяно но<br />
соин тырмыт? Удмурт кыл<br />
сярысь вунэтыны луэ? Ӧвӧл!<br />
Тӥ солэсь нокытчы но уд<br />
пегӟе. Котькытчы кошке, со<br />
тӥледын луоз. Кузебай Гердлэн,<br />
Ашальчи Окилэн, Кедра<br />
Митрейлэн кылыз. Тӥляд<br />
кылды но узырлыкты, визьтэмъёс!<br />
Мон тӥледыз дышето!<br />
Ӧд ке но яратэ, тододы но<br />
гажалоды анай кылдэс! Нокытчы<br />
но уд пегӟе!<br />
Тӥ табере пиналъёсыныды<br />
ӵош сочинение гожъяса<br />
пукоды, кызьы нуналдэс<br />
ортчытӥды, котькуд нуналдэс<br />
гожтыса кельтоды, шонер<br />
гожъяськыны дышетскытозь!<br />
Сотэк мукет классэ<br />
уд выже. Нош мон тӥледлы<br />
юрттыны тыршо. Дыры мынам<br />
трос, Инмарлы тау, номыр<br />
уз люкеты. Мынамъёс<br />
ваньзы бургеръёссы доры<br />
кошкизы. Табере тӥ мынам<br />
семьяе.<br />
Сак кылзэ мынэсьтым верамме,<br />
мон уг серекъяськы.<br />
Дырдэс кулэтэмезлы эн быдтэ.<br />
Тыршыса гинэ, тӥлесьтыд<br />
зэмос адями пӧрмытыны<br />
луоз. Ӵош дышетскем эштэс,<br />
Дерендяевез, тодӥськоды<br />
на, дыр. Шоркарамы бадӟым<br />
адями луиз. Депу тат! Анайзэ<br />
ӧз кельты, берта, жингыръя,<br />
кенеше соин.<br />
Мон улонме тӥ но тӥляд<br />
пиналъёсты понна сётыны<br />
дась. Тӥляд пиналъёсты<br />
улыны мед быгатозы шуыса!<br />
Улыны. Курадӟытэк но<br />
кураськытэк. Улыны! Пичияк<br />
ке но асгажанзы мед луысал.<br />
Кызьы улэмзы потэ,<br />
озьы ик мед улысалзы.<br />
Ултӥяськытэк, лушкаськытэк,<br />
лекъяськонтэк. Озьы,<br />
кызьы кулэ улыны та дунне<br />
вылын. Пинал будэтыны,<br />
мӧйыосты но лябъёсты чакласа<br />
возьыны.<br />
Нош тӥ... Анаез ведь огназэ<br />
кельтыса кошконо ӧвӧл,<br />
нунокъёсыныз солы адӟиськыны<br />
сётоно! Жингыръяно<br />
солы, улонэз сярысь, тазалыкез<br />
сярысь юаськоно! Оло,<br />
солы маке кулэ!<br />
Анаен телефонтӥ вераськыку,<br />
трубкадэс куштоно<br />
ӧвӧл, анайлэн куарадэс гинэ<br />
кылэмез потэ ук. Солэн кылэмез<br />
потэ, тӥляд отын асьтэ<br />
шуг-секытъёсты вань, но<br />
оглом ваньмыз умой шуыса.<br />
Ужды умой, пиналъёсты<br />
школае ветло, «витьёслы» дышетско.<br />
Солэн кылэмез потэ:<br />
кыӵе ни тон отын, анай? Артрит<br />
уг курадӟыты-а, сюлэмыд<br />
уг висьы-а? Нош ми ум<br />
висиське, милям ваньмыз<br />
умой. Сергимылэн тани кыкез<br />
йӧлпиньыз усиз, со кык<br />
час бӧрдӥз... Анай, ми туж<br />
мӧзмиськом, котьку но тонэ<br />
тодамы вайиськом. Эн вись<br />
гинэ. Витаминъёстэ ю, трос<br />
эн сюлмаськы. Ми ӝоген пиналъёсын<br />
ӵош берталом, мон<br />
тыныд шкафтэ мукет интые<br />
пуктыны юртто, крандэ тупато,<br />
лампочкадэ вошто, эн<br />
сюлмаськы. Ми тонэн артэ.<br />
Бен, анай, нунокъёсыд но тынэсьтыд<br />
мӧзмо, тужгес но тынад<br />
пыжиськемедлэсь, салам<br />
тыныд верало, туспуктэмъёссэс<br />
келяны куро. Мон но<br />
мӧзмисько, анай. Ӝоген ми<br />
бертом, одно ик бертом. Куартолэзьлэн<br />
кутсконаз берталом,<br />
отчыозь кӧня ке гинэ кылиз<br />
на, анай, возьма...<br />
Мон но тонэ яратӥсько,<br />
анай... Ӟыгыртӥсько но юн<br />
чупасько.<br />
Тетрадьёсты бича, лулӟе,<br />
жадеменыз шонаськыса<br />
кошке.<br />
ПУМЫЗ.<br />
Удмурт кылэ берыктӥз<br />
Лукерья ШИХОВА<br />
Басьтэмын «Школа Удмуртской<br />
драматургии<br />
(ШУД)» пьесаосын бичетысь
Change language