ud#94 (25709)
Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 8-951-195-37-65<br />
ГАЗЕТ КОТЫРЫН<br />
№ 94 (<strong>25709</strong>) 19<br />
2018-тӥ ар 13-тӥ толсур<br />
Людмила СТОЛБОВА<br />
Сьӧлта черкогуртысь<br />
ужбергатӥсь Владимир<br />
Гребин трос сюлмаське<br />
калыклэсь улонзэ<br />
тунсыкогес карон понна.<br />
Сое дэмламмы потэ<br />
«Гурт адями» конкурслэн<br />
«Устоез кивалтӥсь»<br />
номинацияз.<br />
Владимир Андреевич<br />
Ува ёросысь Поршурын<br />
вордӥськиз ке но, улонзэ<br />
Сьӧлта ёросэн герӟаз. Татын<br />
со юнмаз, кыдаз. Ижысь<br />
техникая кун университетэз<br />
йылпумъямез бере комсомоллэн<br />
Сьӧлта райкомаз ужаз.<br />
Калыкез гажаны, со понна<br />
сюлмаськыны Владимир Андреевичез<br />
дышетӥз комсомол.<br />
Райкомлэн нырысетӥ<br />
секретарез трос сюлмаськиз<br />
егитъёслэсь улон-вылонзэс<br />
тунсыкогес карон понна.<br />
1980-тӥ аръёсы солэн<br />
кичӧлтэмезъя ёросысь Совето<br />
Союзлэн Геройёсызлы<br />
синпелетъёс пуктэмын вал.<br />
Али соос ёрос администрация<br />
азьын сыло. Со вакытэз<br />
В. Гребин тазьы тодаз вае:<br />
- Комсомоллэн ужаз пыриськем<br />
котькуд адями уждунысьтыз<br />
оглюкетсэ Быдӟым<br />
ожысь геройёслы синпелетъёс<br />
пуктыны сётӥз, копейкаенкопейкаен<br />
люказы пионеръёс<br />
но.<br />
Комсомол вакытын ужакуз,<br />
В. Гребин аслыз оскымон<br />
эшъёс шедьтӥз.<br />
- Мон Владимир Андреевичез<br />
ёросысь комсомолэн кивалтон<br />
дырысеныз тодӥсько,<br />
- вера Кӧлесур муниципал<br />
кылдытэтлэн йырыз Юрий<br />
Шудегов. - Мон сельсоветэн<br />
кивалтӥ, трос ужез соку<br />
ӵошен берыктӥмы. Берло но,<br />
ГУРТ АДЯМИ-2018<br />
Бадӟымъяськонэз уг вала<br />
ужбергатӥсь луэмез бере, кусыпмес<br />
ӧм ыштэ. Со юрттӥз<br />
Кыргуртын выжы калыкъёслэсь<br />
центрзэс усьтыны. Та<br />
бӧрсьы Кӧлесурын ёросысь<br />
ожгарчиослы но спортын<br />
бадӟым вормонъёс басьтэм<br />
адямиослы музейёс усьтӥмы.<br />
Туэ пусйимы комсомол кылдэм<br />
дырысен 100 ар тырмонэз.<br />
Ёросын бадӟым ужрад<br />
ортчиз, Владимир Гребин сое<br />
ортчытонъя комитетэ пыриськиз<br />
но комсомолын тыршем<br />
адӟем карымон адямиосты<br />
пусйиз.<br />
- Ужбергатӥсьёстэк одӥг<br />
ужез но интыысьтыз вырӟытыны<br />
уг луы, - вера Кильмезь<br />
поселенилэн йырыз<br />
Олег Пчельников. - Гуртлэн<br />
нуналыз-а, ӵошатскон-а ортче,<br />
котькытчы уксё кулэ, милемлы<br />
ноку юрттытэк уг кыльы<br />
Владимир Гребин. Тани<br />
ми ог 10 ар ӵоже, Афганистанын<br />
бырем Николай Дубовцевез<br />
сӥлы карыса, поселениямы<br />
пыдын бызьылонъя<br />
ӵошатсконъёс ортчытъяськом,<br />
Владимир Андреевич<br />
кузьымъёсын юрттэ. Арлы<br />
быдэ усто ульчалы, азбарлы<br />
конкурс радъяськылэ,<br />
татын но вормисьёслы сертификатъёс<br />
сётъя милям<br />
ужбергатӥсьмы.<br />
Сьӧлта черкогуртысь В. Гребин<br />
пӧртэм ужрадъёсы пыриське.<br />
Владимир Гребин сярысь<br />
ӵемысь лыдӟыны луэ ёрос<br />
газетысь. Одӥгаз интервьюын<br />
со шуиз: калыклы улыны<br />
тунсыко медло. Соин но,<br />
дыр, со спортэн выре, мукетъёссэ<br />
таза улон борды<br />
кыске. Солэн кичӧлтэмезъя<br />
Сьӧлталан ветеранъёс<br />
пӧлын спартакиадаос ог<br />
10 ар талэсь азьло ортчылыны<br />
кутскизы. Арлыдзы<br />
шоры учкытэк, мӧйыос волейболэн,<br />
футболэн, хоккеен<br />
шудо. Табере соос нимаз<br />
командаос куспын но<br />
вожвылъясько ни. Владимир<br />
Гребин «Арлеть» командалэн<br />
капитанэз луэ. Со<br />
егитъёслы но спортэ вамыш<br />
лэсьтыны, ёросысь хоккеистъёслэн<br />
командазылы форма<br />
басьтыны но юрттэ.<br />
Ас удыссэ Владимир Гребин<br />
секыт 1990-тӥ аръёсы<br />
мытӥз, кутскиз вал базарын<br />
дӥськут вузан бордысен.<br />
Берло вакытэ гинэ, шуыны<br />
луоз, пыд йылаз султӥз<br />
- али ёросын одӥгез золэз<br />
ужбергатӥсь луэ. Озьы ке но<br />
адямиос шоры вылӥысен уг<br />
учкы, ӟечбуръяськоз, вазиськисез<br />
кылзоз, быгатэмезъя<br />
юрттоз.<br />
Реклама<br />
«ТОЛ БАБАЙ КЕ ЛУЫСАЛ...» КОНКУРС<br />
Удмурт кылын - ӝот-ӝот<br />
Виктория СТОЛБОВА,<br />
Сьӧлта ёросысь<br />
Югдон школаысь 8-тӥ классын<br />
дышетскись<br />
Пичи дыръям туж возьмалляй Выль арез, ку Тол бабай<br />
кыз улэ кузьым поноз. Туж адӟеме потэ вал, кызьы со пыроз<br />
коркамы, ваньместы ӟечкылалоз, но котькуд Выль ар уе Тол<br />
бабаез возьманъям умме усьылӥ.<br />
Тани бадӟым луи ни, 8-тӥ классын дышетскисько, Тол бабай<br />
ӧвӧл шуыса тодӥсько ни ке но, озьы ке но ялан возьмасько<br />
солэсь кузьымзэ.<br />
Нош мон ачим ке Тол бабай луысал? Мар меда соку карысал?<br />
Оло, анай-атаелы корка пуктоно? Оло, машина кузьмано?<br />
Ма, коркамы но выль, машинамы но кык. Соку пичи сузэрелы<br />
Алиналы кыӵе ке кузьым лэсьтоно?<br />
Капчи ӧвӧл вылэм маин ке но котырысь адямиостэ шумпоттыны.<br />
Алинаен атае олома весь верасько, малпаськыны люкето…<br />
Мар бен таӵе малпано? Ведь Тол бабай котькыӵе курондэ<br />
быдэстэ! Ой, та Алина но атай, таки чебер малпанъёсылы<br />
люкето… люкето… люкето… Вот мар кароно… Йырам малпан<br />
чилектӥз, атаелэсь Алинаен лабыртэмзэс кылзыса.<br />
- Папа! Помоги мне сделать домашнее задание по математике,<br />
пожалуйста.<br />
- Маре-о нош ик ӧд вала? Вай учком бен.<br />
- Вот задачу не могу решить.<br />
- Ма, номыр секытэз ӧвӧл, умойгес лыдӟы ай условизэ.<br />
- Я уже три раза читала, всё равно ничего не получается.<br />
Тӥни котьку озьы: атае удмурт сямен, Алинамы ӟуч кылын<br />
вазе шораз.<br />
Та вераськемзэс кылыса, йырам малпан чилектӥз! Мон валай,<br />
ма каро, Тол бабай ке луи! Милям пичи гуртамы, кытын<br />
дас сизьым гинэ корка, вань пересьёс, анай-атайёс быгато вераськыны<br />
удмурт но, ӟуч но кылын. Нош пиналъёс пӧлын кыккуинь<br />
мурт гинэ ӝот-ӝот вераське на удмурт кылын. Мон Тол<br />
бабай луи ке, школаысьтымы вань пиналъёслы кузьмало ческыт<br />
кузьым - конфет, пушказ поно волшебной порошок, адями<br />
сое сииз ке, соку ик удмурт кылын вераськыны дышоз.<br />
Кыӵе умой малпанэ! Выль арен, эшъёс! Дышетэ, яратэ,<br />
данъяське, анай кылыныды вераськыны быгатӥськоды шуыса !<br />
Нош тон ма карысал?<br />
«Тол бабай ке луысал...» конкурсэ пыриськыны<br />
ӧтиськом 7-тӥ но солэсь бадӟымгес классъёсын<br />
дышетскись нылпиосты. Ужъёсты келяно 2 номинациосъя.<br />
Нырысетӥяз витиськом гожтэтъёсты, кудъёсаз мадёно,<br />
мар карысалды, Тол бабай ке луысалды. Кин ке, оло, гурт<br />
вӧзысьтыз шур вамен шукрес выж пуктысал, кин ке анайатаезлы<br />
зарезь дурын шутэтскыны путёвка кузьмасал, кин<br />
ке школа азбараз мудрон бассейн лэсьтысал яке пичи вынызлы<br />
быдэс мешок конфет басьтысал, нош кин ке мырдэм<br />
ветлӥсь песянаезлы тазалык но ачиз ветлӥсь кут кузьмасал...<br />
Гожтэлэ асьтэ мылкыдды сярысь.<br />
2-тӥ номинацие витиськом суредъёсты. Соос озьы ик<br />
сӥземын луыны кулэ малпандылы - мар карысалды, Тол<br />
бабай ке луысалды.<br />
Конкурсын вормисьёс пусъемын луозы «Шундыкар» лагере<br />
путёвкаен: 1 путёвка гожъяськисьёслэн отрядазы, мукетыз<br />
- суредасьёслэназ. Со сяна, тужгес усто ужъёс (10 адямилэн)<br />
пусъемын луозы нимысьтыз таукаронъёсын.<br />
Юанъёсты кылдӥзы ке, жингыртоно 8 (3412) 73-33-42<br />
яке 8-951-195-37-66 номеро телефонъёсъя. Ужъёсты ыстоно<br />
24-тӥ декабрёзь udmdunne@yandex.ru электрон адресъя<br />
яке почта пыр:<br />
426008, Ижевск, Карл Маркс ульча, 274 номеро юрт.<br />
ӞЕЧКЫЛАН<br />
ОГРН 1021801667865<br />
АУК УР Театр «Айкай»<br />
Кылем арняе 80 арессэ пусйиз Сьӧлта ёросысь Лудӟи-<br />
Ӝыкъя гуртысь Коробова Антонина Ильинична. Сюлмысьтымы<br />
ӟечкыласьком дуно мамамес юбилееныз.<br />
Анаймы быдэс улонзэ гурт удыслы сӥзиз, скал кыскиз,<br />
парсь сюдӥз, луиз ужысь ветеран. Со ӟеч тодэ вашкала<br />
сям-йылолъёсты, кырӟанъёсты, бускельёсмы со доры визькенешлы<br />
вуыло, шумпотонзэс но кӧтӝожзэс верало. Арлыдыз<br />
шоры учкытэк, солэн улонлэсь бере кылемез уг поты<br />
ай, быдэс улонзэ, одӥг номерзэ но кельтытэк, со «Удмурт<br />
дуннеез» лыдӟе. Мамамылы сӥзиськом юн тазалык, кема<br />
шудо аръёс, сайкыт инбам, нунокъёсыд ӵемгес мед бертылозы,<br />
ӟеч иворъёсын шумпоттозы.<br />
Яратыса но гажаса нылпиосыд