42 от 27 октября 2022 (25954)

№42 (25954)
№42 (25954)
10 ТӦР ШОРЫН
ТӦР ШОРЫН
23
2022-тӥ ар 27-тӥ коньывуон
2022-тӥ ар 27-тӥ коньывуон
udmdunne.ru
+7 951 195 37 65
Азьлане нуо наука но дышетон
Ксения Анисимова.
Ижысь гурт удысъя академиын «Механизация переработки
сельскохозяйственной продукции» специальностья
диплом басьтыкуз ик, Ксения АНИСИМОВА тодэ ни вал,
аспирантураын дышетсконзэ азинтоз шуыса. Малпанзэ
быдэстӥз, табере техника наукаосъя кандидат 17-тӥ арзэ
студентъёсын ужа ни, сиён-юон поттон технологиосъя
кафедраын тырше, деканлэн воспитательной ужъёсъя
воштӥсез луэ.
Пиосын артэ
— Техника наукаосъя кандидат
луэмелы тросэз паймо,
техникаен воргоронъёс
гинэ выро кожало, лэся, нош
милям университетын лачак
нылкышноос, — веранзэ
мытӥз Ксения Валериевна.
— Техникаез яратон мылкыд
мыным буби — Эгра ёросысь
Мазьги гуртын улӥсь Валерий
Анатольевич Кожевников —
пыӵатӥз, ас вакытаз со Ижысь
гурт хозяйствоя институтын
электриклы дышетскемын.
Андрей братэным ялан кортъёсты
сэрттӥзы-бичазы. Уд
но оске, одӥг пол тракторлэсь
двигательзэ коркаямы
пыртӥзы, кыӵак сэрттӥзы сое,
мазэ ке паять каризы но берен
бичазы.
Мон пиосын шудыса будэмын,
туж юн жугиськись
вылӥськем. Техника но пичиысен
ик бордаз кыскиз. Сое умой
мед валалом шуыса, буби огпол
тӥяськымтэ велосипедэз юри
корка пыртӥз. Цепной, ременной
передачаосты сэрттылӥз,
ваньзэ рос-прос валэктӥз,
бӧрысь ӵошен бичамы. Нош
6-тӥ классын дышетскыкум,
нырысьсэ утюгез тупатӥ. Анае
паймиз, ма, кызьы ныл йырын,
пе, ваньзэ валаськод.
Атаймылэн визьнодамез
токма ӧз луы. Нырысь ик агае
гурт хозяйствоя академиез
йылпумъяз, инженер луиз.
Отӥяз мон но отчы ик мынӥ.
Школаын дышетскон капчиен
сётскиз, вань предметъёсъя
«витьёс» басьялляй, яратылӥ
математикаез но физикаез.
Ми будон вакытэ гуртысьтымы
школамы 11 классъем
вал. Озьы ке но, 9-тӥ классэз
йылпумъяса, мон мынӥ
Туспуктӥз Валентина ЕМЕЛЬЯНОВА
Чутыр школае, соку со аграрной
колледж лыдъяськиз.
Арнялы одӥг пол Иже гурт
хозяйствоя академие тодон-валанъёсмес
будэтыны
ветлылӥмы. Со вакытысен ик
та вузлы синмаськи. Отын
ужась преподавательёс гуртысь
нылпиослы ваньзэ роспрос
валэк тылӥзы.
Школаме азвесь медален
йылпумъяй бере, вузэ пырон
понна одӥг предметэн гинэ
— физикаен — экзамен сётоно
вал. Та экзаменэз мон
азьлапал ик академиын «5»-
лы сётӥ но быдэс гужем гуртын
шутэтски, мукет вузъёс
шоры ӧй учкылы ни. Со аръёсме
тодам вайисько ке, туж
умой вакытэ будӥськеммы.
Техникалы синмаськемын вал
бере, школаысен ик машинаен
ворттылыны дышетски но
18 аресам право басьтӥ ни.
Дышетскон
но синмаськон
— Дышетскон арлэсь вуэмзэ
чидатэк вити. Одӥг потокын
ми 80 кузя вал, группаямы
— 30 мурт. Со пӧлысь
нылъёс чиньыен лыдъямон
гинэ, соос но ваньзы Ижысь
яке мукет городъёсысь лыктэмын
вал. Эшъёсы пӧлын
аслым туж визьмо потылӥ,
медалистъёсмы трос ӧй вал
бере. 1-тӥ курсысен котькуд
ортчем тема бере дышетӥсьёс
пичи контрольнойёс лэсьтытъязы.
Соосты 2 мурт ялан
«5»-лы гожъяз: мон но одӥг
пияш. Пайми вал, гуртысь
пиос но сыӵе визьмоесь меда
шуыса. Ма ватонэз, городысь
пиналъёсын ӵошатыса,
гуртъёсысь вуэмъёс ӧжытак
лябесьгес но дӥсьтӥсьтэмесьгес
вал.
1-тӥ курсысен преподавательмы
отличникъёслы
одӥг темая реферат гожтыны
ӵек тӥз. Озьы ми сётэм
ужлы ӵошен дасяськыны кутскимы,
Ленин нимо библиотекае
ветлӥмы. Тодмо луиз,
со Эграысь 1 номеро школаысь
физико-математической
классын дышетскемын шуыса.
Мыным Алексей ас адямие
кадь потыны кутскиз, отӥяз
но пӧртэм рефератъёслы, лекциослы
ӵошен дасяськылӥмы.
Со валлин ик кусыпъёсмы
юнмазы, одӥг автобусэн гуртэ
бертылӥмы на. Ог-огмылы
синмаськеммес валатэк кылимы
кадь. Академиын дышетскон
вакытамы кыкнамы ик
2-тӥ вылӥ образование — экономическойзэ
— басьтӥмы.
Кынтоно
яке куасьтоно
— 4-тӥ курсысен ортчем
практика бере валай, мынам
интые одно ик вузын луыны
кулэ шуыса. Юн яраз наукаен
герӟаськем ужъёсты
лыдӟыны, соосты эскерыны.
Академиез мон горд дипломен
йылпумъяй но кафедрае
ужаны кыли, соку ик
аспирантурае дышетскыны
пыри. 3 ар туж ӝог ортчиз.
Гожтэм диссертациоссэс аспирантъёс
соку но, али но Санкт-
Петербургын утьылӥзы но утё.
Но мыным удалтӥз. Предзащитаме
Санкт-Петербургын
ортчи, защитае но отын ик
луыны кулэ вал. Ӵапак со вакытэ,
2009-тӥ арын, милям
академиямы Диссертационной
кенеш кылдӥз, кӧня ке ар
ужаз но, сое выльысь пытсазы.
Мон нырысетӥез аспирант луисько,
кин ас ужзэ Ижысь гурт
хозяйствоя академиын утиз.
Ми дышетскон вакытэ
академиысь сиён-юон поттон
технологиосъя кафедраен
кивалтӥз техника наукаосъя
доктор Владимир Вениаминович
Касаткин. Бордаз ужаны
куриськи но «Исследование
и разработка безвакуумной
технологии сублимационной
сушки плодов с использованием
электротехнологий»
темая исследовательской уж
гожтӥ. Емыш куасьтон амалъёсты
эскеримы. Ми вакытэ
Интернет ӧй вал на бере, Ленин
нимо библиотекаын ӵем
пукылӥмы, отысь но троссэ
шедьтыны ӧз луылы. Техникалы
сӥзем литература туж ичи
яке заказать кароно, со книгаослэсь
вуэмзэс кема возьмано
луылӥз. Троссэ материалъёсты
копировать карылӥ, оло, ваньзэ
но карысал, дыр, но коньдонэ
жаль потылӥз. Библиотекаысь
бертыса, вань со ужъёсты
компьютерен печатлалляй на.
Муми-бубыелы тау карисько,
котьку юрттӥськизы, 1-тӥ курсысен
ик компьютер басьтӥзы.
Диссертацие емыш куасьтонэн
герӟаськемын вал
бере, 2005-тӥ арысен пӧртэм
эскеронъёсты ортчытъямы.
Ӵемгес куась тылӥмы палэзез,
со котькытын будэ, уродмыны
шедьыкуз, куштыны жаль
ӧй вал. Бакча емышъёсты нырысь
ик тын-тын кынтылӥмы,
собере ӝогак куасьтылӥмы,
кынтэм емыш шунаса но
кисальӟыса медаз вутты шуыса.
Таӵе сиёнъёслэн вань
витаминъёссы бордазы кылё.
Бен, та технология туж дуно
усе, соин ик али но со бордын
ужанмес азинтӥськомы, сое
дунтэмгес но емыш куасьтон
дырез вакчигес карыны
тыршиськомы. Лэсьтэм сушкамылэн
патентэз но вань,
та дыре сое промышленной
предприятиос ужазы куто.
Улон ялан азьлань вамыштэ,
ужан технологиос воштӥсько.
Азьвыл котькуд емышез нимаз
кынтылӥмы но куасьтӥмы ке,
берло дыре сиёнъёсты ӝог кынтон
бордын ужаськомы. Та дырлы
пӧртэм амалъёсты эскеримы
ни: вакуумной, «шоковой»
(кезьыт омырен) но криогенной
(азотэн яке углекислой газэн).
Азямы чурытэсь куронъёс
Та дырлы 100-лэсь трос научной ужъёсы печатламын,
ваньмыз сямен соос производствоын
кутӥсько.
пуктэмын: емышлэсь ӟечлыксэ,
туссэ кельтоно, витаминъёссэ
медаз ышты. Соосты выльысь
шунтыса, соксы но медаз поты.
Озьы нимысьтыз эскеронъёс
ортчытэмын узы, апельсин,
горд чорыгъёс но курег сӥль вылын.
Тодмо луиз: вань емышъёс
пӧлысь кынтонлы тужгес урод
сётӥське апельсин, угось солэн
укыр трос сакырез.
Берло дыре кынтэм емыш
курисьёс йыло. Таӵе продукциен
тросгес ужало кондитеръёс.
Табере 1-2 емышез гинэ эскерыны
уг куро, кӧняез ке сярысь
юаллясько. Кылсярысь, борщ
пӧзьтонлы ма но кулэ ӧвӧл,
кынтэм емышъёсты пӧсь вуэн
парид ке, сиён ӝог вуэ. Кудог
школаосын но кынтэм яке
3 арес дыръяз. Семьяеныз.
Дипломъёсты утёнъя комиссиын ужакуз.
куасьтэм емышъёсын пӧрасько
ни.
Кынтон но куасьтон ужъёсын
выременым, лэся, тросэз
тодмоосы мынэсьтым
юало: кызьы емышъёслэсь
витаминъёссэс толлы тросгес
кельтоно? Та юанлы чутрак
валэктон сётыны уг луы,
котькудӥзлэн амаллэн аслаз
умой но урод палъёсыз вань.
Кылсярысь, куасьтэм емышез
2 ар возьыны луэ, со трос инты
уг басьты, озьы ке но куасьтыку
60 градус пӧсен С витаминэз
быре. Умой куасьтыны шунды
шорын, соку емышлэн витаминъёсыз
тросгес кылё.
Пусйысал на, улмоез, грушаез
умойгес куасьтыны,
нош викториез, эмезез, кудымульыез
— кынтыны. Кин
ке нельке, кин ке пластик
посудае тырем емышез вуэн
кисьтэ но кынтыны пуктэ,
озьы ке но тужгес умоез —
шуак кынтон, жаляса верано,
дорын озьы лэсьтыны уг
луы. Ачим сярысь ке верано,
троссэ емышъёсты мон
кынтӥсько.
Юн выжы
— Эгра ёросысь Мазьги
гуртын вордскем но дано
луэм адямиосмы трос гинэ,
одӥгез вал история наукаосъя
доктор Галина Аркадьевна
Никитина, бубиным соос
одӥг классын дышетскемын,
ӵыжы-выжыос луо. Атаймес
но дышетсконзэ йылпумъямез
бере гурт хозяйствоя институтэ
кыльыны куро вылэм.
Семьяез маин ке сюдоно шуыса,
электрике ужаны мынэм.
Нош ачиз туннэ но жаля на
кадь, наукае ӧз кыльы шуыса.
Наука борды кыстӥськонэз
али но шӧдӥське. Милям со
туж гажамон адями, котькуд
нуналзэ часэн-минутэн
чакла. Ужлы ёрме ке, нош ик
тракторзэ сэрттэ-бича, номырлэсь
уг кышка, 70 аресаз
планшетэн ужаны дышетскиз.
Табере котькыӵе иворез
отысь гинэ утча, технической
литератураез трос лыдӟе. Нош
мон шумпотӥсько, бубилэсь
малпанъёссэ мыным быдэстыны
кылдӥз шуыса.
Та дырлы 100-лэсь трос научной
ужъёсы печатламын,
ваньмыз сямен соос производствоын
кутӥсько. Аспирантъёс
азе курон пуктэмын:
арлы быдэ ичизэ одӥг научной
уж Россиын яке кунгож сьӧрын
потӥсь журналъёсын печатлано.
Со понна дыр но коньдон
трос кошке, ваньзэ асьме
чотын быдэстоно, пыр-поч
эскеронъёс ортчытоно. Таӵе
журналъёсты ӵемгес лыдӟо
производствоын ужасьёс, технологъёс.
Со гожъямъёсмес
лыдӟыса, тросэз эскеронъёс
ортчытыны куро. Трос куронъёс
вуо Удмуртилэн палэнысьтыз
но. Кылсярысь, кылем
арын милемлы вазиськизы
Санкт-Петербургысь предприятиын
ужасьёс: кутъёс лэсь,
пе, тэчкыоссэс (личинкаоссэс)
куасьтыса эскероно. Пӧртэм
амалъёсъя куасьтӥмы, кудзэ
соос производствоязы кутозы,
вераны шуг на. Куасьтэм
Ксения Анисимовалэн архивысьтыз
тэчкыослэсь пызь изо. Аминокислотаосыз
чорыг вӧйын
мында, пе. Азьланяз сое пудо
сиён дасянэ кутыны малпало.
Наука бордын вырем
сяна, университетын мукет
но сюлмаськонъёсы лачак.
Яратӥсько студентъёсын
ужаны, соосты 1-2 нунал
уг адӟиськы ке, мӧзмисько
ни. Деканлэн воспитательной
ужъя воштӥсез луисько
бере, егитъёслэсь кылеме уг
поты. Шаерысьтымы вузъёс
куспын ар ӵоже 40 пала ужрадъёс
ортчо, со сяна, ас факультетъёсмы
куспын пӧртэм
вожвылъяськонъёс луо на.
Таӵе дыръя тодам вайисько
гуртысьтымы дышетӥсьёсты.
5 ар ӵоже школаысьтымы
фольклоръя «Вуюись» коллективе
юнме ветлӥськымтэ.
Дышетӥсьмы Ирина Ивановна
Емельянова милемыз кӧня
визьманы выриз, ӵем дыръя
сое ӧм кылзӥськылэ ке но.
Ужамезлэсь пайдазэ будыса
гинэ дунъяны кутски. Пичиысен
сцена вылэ поттамез
дышетон удысам туж юрттӥз,
со вакытысь кырӟанъёсты
но сценкаосты туала студентъёслэн
возьматонъёсазы
кутӥськомы.
Одӥгзэ жалясько, егитъёслэн
ваньмон дырзы ик уг
кыльы. Соослы дышетсконо,
наукаен выроно, кырӟановерано,
бызьылоно-тэтчано,
вылаз ик, ваньзы сямен соос
коньдон поттон сярысь малпасько.
Параос бере но соосты
кельтыны уг луы, тросэз
ужаны дырто. Озьы ке
но котькыӵе уже мыло-кыдо
пыриськись муртъ ёсты быгатэммыя
бурдъяны, соослы
тросгес стипендия тырыны
тыршиськомы.
Экономической образование
басьтэме но ужам юрттэ.
Диплом гожтӥсьёс ас ужзылы
технико-экономической
дунъет сётыны куро: мон
лыдъясько, та ужзэс улонын
кутыны луоз-а, макем ӝог
асдунзэ берыктоз. Валамон,
тазэ ужез ас мылкыд каремея
быдэстӥсько.
Кузпалъёс — эшъёс
— Алексей Борисович кузпалэлы
матынгес луиз 2-тӥез
профессимы. Кӧня ке арзэ
со ужаз Ижысь одӥгаз предприятиын
экономист, собере
валтӥсь механик луыса, нош
2012-тӥ арысен вордскем
палъёсаз берытскиз. Та вие со
Эграысь управляющей компаниен
кивалтэ. Ӝытсэ берозь
ужа ке, аслаз анай-атаез
доры, ӵемгес мынамъёсыз
дӥне кӧлыны кыле.
Егит дыръямы со но, мон но
пыдын бызьылыны яратӥмы.
Со вакчи дистанциосты ӝог
ортчылӥз, мыным кузез яралляз.
Студент дыръяз гира
ӝутканы кутскиз на, городын
академилэсь, нош Гурт шудонъёсын
ёрослэсь данзэ трос
пол утьылӥз. Спортэз яратонмы
али но бордамы кылемын.
Кылсярысь, мон ӝытлы быдэ
5 иськемез ортчисько, папамы
футболэн шудыны ветлэ.
Табере пиналъёсмы но ми выжыя
мыно. 7-тӥ классын дышетскись
Архипмы биатлонтэк
улыны уз быгаты ни, дыр.
Солы тузӥ куасъёс, питрано
куасъёс, пыӵал басьтӥмы, 1-тӥ
взрослой разрядлэсь куронзэ
быдэстӥз, табере биатлонъя
школае шедьыны малпа. Бызьылон
понна урокъёссэ но
туж ӝог лэсьтэ. Ярам коть,
дышетсконэз капчиен сётске,
та дырлы со но отличник.
Котькытчы вуэ ке но, мон сое
куаретӥсько, спортъя мастере
кандидатлэсь куронзэ
быдэстӥз ке, окмоз, нырысетӥ
интыын дышетскон луыны
кулэ. Малпанъёсмы уг тупало
на, улыса адӟом ни, мар луоз.
Нош Саша нылмылы 6 арес
гинэ ай, нылпи садэ ветлэ, туж
шумприч, шумпотыса спортивной
эктонэ ветлэ. Нылпиосты
нуон-ваён ӵемысь мон
вылэ усе. Машинае ӧй луысал
ке, котькытчы ӧй но вутскысал,
дыр. Нош чылкак ваньмымтэ
дыръям муми-буби
юрттӥськыны вуо.
Быдэс семьяен шутэтскон
нуналъёсы гинэ люкаськыны
кылдылэ, пиосмы
ӵошатсконъёсы уг мыно ке.
Ваньмон дырмы юрт пуктон
котырын ортче. Лэсьтӥськон
борды басьтӥськеммылэсь
азьло юртмылы асьмеос проект
лэсьтӥмы, лыдъямыдунъямы,
кӧня тыр усёз, кыӵе
материал умойгес луоз басьтыны.
Ми котьку ог-огмес
кылзӥськомы, юртлы проектмес
но трос пол вошъямытупатъямы,
огкылэ вуэммы
бере гинэ лэсьтӥськон борды
басьтӥськимы.
Кыкнамы но туж яратӥськомы
лыдӟиськыны. Таӵе сям
мыным пыӵатӥз муми Галина
Геннадьевна. Ас вакытаз со
гуртысь библиотекаын ужаз,
монэ но сьӧраз ӵем нуллӥз.
Озьы пичиысен лыдӟиськыны
кутски, школаын дышетскыкум,
библиотекаысь вань
книгаосты лыдӟи. Али тросгес
технической литератураез
бугыръяно луэ, висказ
гинэ «лушкаськисько», художественнойзэ
лыдӟыса. Нош
шутэтскисько бакчаям, чебер
сяськаос котырын бергаса.
________
Валентина ЕМЕЛЬЯНОВА