1 Wilhelm Grimm: Die Deutsche Heldensage Nibelunge Noth. 1) Die ...

15
den ſchatz in bâten teilen den wætlîchen man,
unde gerten des mit flîz e. der herre loben inz began.
93. Er ſach ſô viel geſteines, ſô wir hoeren ſagen,
hundert kanzwagene ez heten niht getragen;
noch mê des rôten goldes von Niblunge lant:
daz ſolt in allez teilen des küenen Sîfrides hant.
94. Dô gâben ſi im ze miete daz Niblunges ſwert. 23
ſi wâren mit dem dienſte viel übele gewert,
den in dâ leiſten ſolde Sîfrit der helt guot.
er enkundez niht verenden; ſi wâren zornic gemuot.
95. Si heten dâ ir friunde zwelf küener man,
daz ſtarke riſen wâren: waz kundez ſi vervân?
die ſluoc ſît mit zorne diu Sîfrides hant,
und reken ſiben hundert twang er von Niblungelant
96. Mit dem guoten ſwerte; daz hiez Balmunc.
durch die ſtarken vorhte vil manic recke junc,
die ſi ze dem ſwerte hæten und an den küenen man,
daz lant zuo den bürgen ſi im tâten undertân.
97. Dar zuo di rîchen künege de ſluog er beide tôt.
er kom von Albrîche ſît in grôz e nôt.
der wânde ſine herren rechen dâ zehant,
unz er die grôz en ſterke ſîd an Sîfride vant.
98. Don kund im niht geſtrîten daz ſtarke getwerc.
alſam die lewen wilde ſi liefen an den perc,
dâ er die tarnkappe ſît Albrîche an gewan.
dô was des hordes herre Sîfrit der vreiſlîche man.
99. Die dâ torſten vehten, die lâgen alle erſlagen.
den ſchatz den hiez er balde füeren unde tragen,
dâ in dâ vor nâmen die Niblunges man.
Albrîch der vil ſtarke dô die kameren gewan.
100. Er muos im ſweren eide, er diente im ſô ſîn kneht:
aller hande dinge was er im gereht.
(ſô ſprach von Tronje Hagne.) daz hât er getân.
23 Dieselbe Bezeichnung des Schwertes auch Nib. 2284, 3. 2285, 4.