Thermenland Magazin No 40

KULTUR & FREIZEIT
Hans Göttler
„Auf geht’s zum Karpfhamer Fest!“
Mit dem Gedicht von Robert B. Erbertseder
Is eiñgàrnt und gheigt
nåchànd kimmt, nåchànd steigt
åjs dà ållàschönst’ Rest
iazàt ‘s Karpfhammer Fest!
Und då hàmmà dàbei;
denn iatzt ha’mmà dàweij.
Gehts gråd oder krumm,
ohne uns gaang’s need um!
Drum, Baumann, spann eiñ,
de zwoa Braun’n müassn’s seiñ,
de zwoa har’m, wia mà s’ måg
und wia’s Brauch is dee Dag.
Und wüstahadi!
Und schañ fåhrmà dàhi!
Und in dreiviertel Stund,
woaß ih gwis, hàmmár unt!
Und mà mechts schier need glau’m,
gråd wurln duats und stau’m;
‘s stockt schañ dà Vàkehr,
àso kemmànd s’ dàher!
Is’s nimmà normàl,
wia s’ då fåhrnt mit de Rál,
mit de Audderl und Rooß
und de Schnauferl famos.
Und d’Stråß wird schañ z’eng!
Denn vo Griasbåch und Weng
und vo Åschbåch hibei
und bis geeng d’Sammarei
und vo Schmidham und Berg
fåhrnt s’ daher, wiar ih merk.
Und d’Kee’n reißt need å;
vo Mideeh hànd s’ då
und bis eiñ´auf Rehschåjn!
Und vo Kößleeng, dem åj’n,
und vo Münster und Oagn,
oiß wuj seeh heiñt zoagn.
Und is aah vàdree’n
de Zeidung sejbstree’n.
Und dà Landrat und d’Frau
und dà Mujnà z’ Gerau
und vo Beening dà Schätz
und seiñ Dechterl seiñ netts,
‘s ganze Roddåj, dees is
då beinand auf dà Wies!
Is då aah wås los!
Und des Scheener hànd d’Rooß.
Ja und ganggànd s’ vorbei,
nåchànd merkst d’ às aah glei’,
daß s’ mit’n Håbern need spårnt.
Und wann s’ zehnspànnee fåhrnt
und dà Fahrer dro`m schnåjzt,
dass d’ da d’Ohrn freiñ zuahåjtst:
Kreiz, dees is a Freid!
Sovuj Kraft, sovuj Schneid!
Und ich wissàt need, wo s’
då de wunderschee’n Rooß
sunst nuh he’nd åjs wia mia,
so scheeñ blassàt und wia
de Stua’n dort, dà Heengst!
schau hi, dass d’ dà deenkst,
dà Leonhard sejm
hedd’ de Fuchsn, de gej’m,
wia s’ d’Roddåjer ha’mt,
aufzogn ållesamt.
Und då gibt’s und då sehgst
aah noh grad, wias d’ às megst,
à Viech, Stirn und Küah
Und àn’n Preis kriagst d’ dàfür.
Jeds Stückl so schwaar,
so scheeñ gherndlt und rar!
Und àn Auddà ha’mt d‘Küah
wia r à Zaalseechtà schier.
Åber need gråd iazt ‘s Viech,
aah d’ Zeenz und dà Mich
und noh mehrer kriagnt, weij s’
so lang deant, heiñt àn’n Breis.
Denn koañ Hof kànnt seeh håj’n,
wann de Deanstbo’n, de åjn
und de jungà need waa’nt
und brav mitwergeln daant.
Und is åft volai
d’ Breisverteilung vobei,
gehst d’ à weeng ummànand.
Und då sehgst ållàhand!
Ja, då stehnt und da hánd
sovuj Budeen und Stànt.
Und Brådàfåhrn kannst d’
und schaukln, und wannsd
à Kraft hast, åft schlågst d’
auf n Lukas. Und mågst d’
à båår Seemeen und Würscht,
is oiß då! Und wen dürscht,
der kañ need àso seiñ,
geht in d’Bierhüttn eiñ,
in d’ Schwoammer vielleicht.
Und scheeñ gmüatleeh und feicht
håd’s då drin sein’n Verlauf.
Und dà Pritzl spejt auf!
Und åft und dànåh
gehst d’ in d’ Hojzhammer, då
duat s’ dà bsunders geent wohj.
Und eiñdaut is’s voj;
den d’Schmalhofer speijnt!
Und d’Leit, de vàzehjnt.
Und då sehgst d’ aah dein’n Gö’n.
Und megst d’ mit eahm ree’n,
kannst d’ kaam ummee dazua.
Und d’Moarin hed gnua,
åber d’Àntn, de brå’n,
kann s’ dennàst need grå’n!
Und àn Nåchbarn dee Seiñ
beißt in’s Brådhendl eiñ,
daß ‘s gråd gremmet und gnackt.
Und wås s’ nimmà dàbackt
– is ihr fast load! –
wicklt s’ eiñ nuh åjs Bschoad.
Denn à weeng wås fürs Gmüat
und à weeng stràbbàziert
àn Mågn und àn Bauch,
dees is z’Karpfham dà Brauch.
Und auf d’ Leetzt à weeng grauft
und àn Dirndl wås kauft,
dees ghert aah noh dazua.
Und moing in dà Fruah,
àns Karpfhammer Fest
fåhrmàr åwee, vàstehst,
geht’s gråd oder krumm,
ohne uns gaang’s need um!
Öffentliche Auftritte im September 2014 (Auswahl)
Sa, 20.09., 19.30 Uhr Deggendorf, Gasthaus Zur Knödelwerferin, Schlacht-
hausgasse 1: "Wirtshausgschichtn", Info-Tel. 0991/4767.
Sa, 27.09., 19.30 Uhr Pfarrkirchen, Gasthof Schachtl, Passauer-Str. 28: „Wirts-
hausgschichtn“. Info-Tel. 08561/8179.
So, 28.09., 18.00 Uhr Simbach a. Inn, Weißbräu Göttler, Pfarrkirchner Str. 24:
„BWL“ = Bayerische Wirtshaus-Lesung: „Neue Wirtsbuamgschichtn!“ Musik:
MusiChristian/Ziach. Platzreservierung: 08571/2311.
Änderungen vorbehalten!
Weitere Veranstaltungstermine: www.goettler-simbach.de
Münchner Turmschreiber
Dr. phil. Hans Göttler
Akademischer Direktor an
der Universität Passau im
Fachbereich Germanistik
Geboren 1953 als Gastwirts-
und Weißbräu-Sohn
in Simbach am Inn und
dort aufgewachsen
Herausgeber verschiedener
Autorinnen und Autoren
aus Niederbayern
(z.B. Emerenz Meier,
Wilhelm Diess, Robert B.
Erbertseder)
Schrift- und„Sprech“-Steller
sowie Vorleser
Das Gedicht wurde entnommen
aus: Robert Bernhard Erbertseder:
Mit der Boggalbahn durchs Rottal.
Niederbayerische Gedichte
(Mit Hör-CD). Hrsg. v. Hans Göttler.
Edition Töpfl, Tiefenbach 2013, S.
86-88. ISBN 978-3-942592-11-6
34