Sun and Fun MusicalWasserzeichen

Hotelterrasse; Auftritt Uschi, hinter ihr die
Teilnehmer, alle in etwas seltsamen Fantasiekostümen.
Uschi Und los geit’s! Wär isch dr Superman?! Wär d
Superwoman?! Wär schafft’s?! Wär packt’s?! Wär
zeigt den andere, was er uf em Chaschte het?! Am
beschte Dir! Deutet auf Eduard.
Eduard Aber i cha gar nid ryte... i bi allergisch uf Stress... i
wott nid uf das Untier ufe! Sprayt.
Heinz Stellet nech doch nid so doof a.
Uschi Mir wei doch Spass... Spass... Spass ha! Verstöht Dir
de ke Spass?! Dir syd doch ke Spassverderber!! Und
hopp! Schiebt ihn zum Reittier hin.
Eduard Wenigschtens bin i gäge Rytunfäll entsprächend
versicheret!! – Halt! Wartet!
Nora Was isch jetz scho wieder los?
Eduard I muess zersch no mym Mami z Schüpfe aalüte. Es
macht sech süsch Sorge. Sprayt und holt dann sein
Handy hervor. Hallo Ma-me-li ... Wie geit’s? ... I
hocke hie uf eme Ross ... Nei, nid so, wie du dänksch...
Wie geit’s? ... Doch, i cha.... Wie geit’s? ... Es isch
superluschtig hie ... Wie geit’s? ... Guet ... jawohl .... ja
... also ... Tschüssli! Steckt das Handy wieder in die
Tasche.
Mutter Euere liebe Muetter geit’s also guet! Das isch prima!!
Eduard Wieso myre Mueter?
Mutter Dir heit nech doch jetz grad so reizend nach ihre
erkundiget!
Eduard Aber doch nid nach myre Muetter! Mym Albinohas
geit’s wieder besser. Er het drum immer
Verdouigsproblem, wen i furt bi!
Uschi Jetz quatschet hie nid so blöd ume. Nähmet besser eui
Lanze i d Hand, süsch stöh mer no hüt am Aabe hie!
Los!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 18-