ASO! Augsburg Süd-Ost - August 2019

6
Augsch burger
City-Schwäbisch
Kolumne
Von Fritzi Hundekuchen
Mei, d Schdadt, woisch scho. Mir, d Leid, sinn da nedd
a soo gfragd. Scho wenn s um des Friedns-Feschdle gehd,
da gehd s ja gar nedd um des Friedns-Feschdle, da gehd
s da drum, dass zerrschd amaal a andrs Moddo findn,
blooß Friedn darf s nedd hoißa, und dann a Aggenduur,
wo des vermargded, des Friedn-Zeigs, und dann fragn s d
Leid, was des isch, naa, nedd dr Friedn, des neie Moddo
von dem Johr, und des isch ja jedds d FREIHEID, und
dann fragn s, was des isch, d Freiheid, und da saggd dr
oine a soo und dr andre andrsch, und a soo griggsch
dann des Brogramm-Heffdle a bissele diggr. Dr oi saggd
auf m Babbadeggl, Freiheid isch, dass i alles macha kaa,
was i will; oine saggd, dass d Freiheid begrenzd isch; oddr
dass guud oddr schee isch, oddr dass frei handln kaasch
auf m Schbord-Bladds; oddr Freiheid isch M$NEY; oddr
Freiheid, gell, des isch, wenn alles hasch, was brauchsch;
zum Beischbiel, dass nedd grad im Gfängnis siddsch …
ohne Rassismus, da isch nix zum Saaga; abr dass d Freiheid
fir an jedn was anders sei soll, da bin i ja mehr bei
„100 Johr werdvoll bagga“. Des isch hald nedd oimbfach,
so a Friedns-Feschdle, dass des alles undr oin Huud
griggsch, was nedd zammbassd. Manchmal fraggsch di,
warum isch des Kuldur-Ambd nedd beim Ambd fir d
Grianordnung, n Naddurschudds, s Friedhofswesa und d
Immigration? Oddr bei dia Stadtwerge?
Schonsch gehd ja oo alles durchanandr. Da hamm s a
Schnellschdross, wo s dann a Radarfalle hiimacha, an dera
Schdell, wo d Audos am langsamschda fahra, woisch, bei
dr Ambl; da wolln s d Biana reddn, dafir sägn s abr d
Baim ab, wo im Friahjohr bliah, und bflanzn neie Verreggerle,
wo erschd in zwanzg Johr des erschde Maal a Bliade
hamm; da wolln s a Wassr-Schdadt sei, hamm abr dia
leddschde Johr n Haufa Dengmälr am Wassr gschreddrd;
und da werd vom Dengmalschudds gredd und da hamm
s den OBI am Fabbrigg-Schloss direggd an s Fabbrigg-
Schloss hiibabbd, und da kaasch jedds gschbannd sei, wia
s dia neie Wohnunga auf dem OBI-Gelände widdr an s
Fabbrigg-Schloss aababbn; und dann soll s in Augschburg
neie billige Wohnunga geba, abr dia oi Wohnungsbaugschellschaffd
in dr Fritz-Kölle-Schdross hädd nei baude
Wohnunga zum Vermieda, zwoi Zimmr warm fir 800 €,
Hausnr. 20 – 26, und no faschd ganz leer seid m Abbrill.
Mei, des isch hald d Birgrbedeiligung, mir kenna ja a
soo froh sei, dass d Schdadt dia halbede Wias beim TIM
zubaua lassd, was ja d Birgraktion Dexdiil-Vierdl scho vor
zwoi Johr gwussd hädd, wia s mir gsaggd hamm, abr dass
da nix duun, a soo wia s nix daan hamm beim Gärdnrhaus
im Mardini-Barg. Haubdsach, dass dia Birgraktion
gibbd, und nedd, dass si di fir was eiseddsa, was von dr
Bardei gheerd häddn. Woisch, weil mir so a Mendallidäd
häddn; schausch a bissele langsam, und scho hamm s
ihre Gschäffdle gmachd. Und im Siabadischwald missn
vlleichd bald d Hund ihre Gschäffdle an dr Leine macha,
des wird a Gaudi.
ASO! August 2019
Augschburger City-Schwäbisch (1)
Fritzi Hundekuchen hilft bei der Lektüre der Kolumne
In vielen Texten dieser Kolumne kommt im ersten Satz der
Ausdruck WOISCH vor. Den meisten Lesern wird dies geläufig
sein; andere wollen es anders aussprechen: WEISCH,
und beide Varianten sind erlaubt. Wie ist das WOISCH /
WEISCH einzuordnen?
WOISCH entspricht zunächst natürlich dem Hochdeutschen
„wissen“, und da wird konjugiert wie folgt: ich
weiß, du weißt, er weiß usw. Im Dialekt konjugieren wir
so: I WOISS, DU WOISCH, er, sie, es WOISS, MIR WISSN, IHR
WISSDS, sie WISSEN. Dabei gibt es schon Schwierigkeiten,
weil manche Pronomina auch schon je nach Zusammenhang
mit verändert werden, bzw. stark verkürzt werden
oder ausfallen (hier klein geschrieben; soll jetzt gerade
nicht das Thema sein). Nun ist WOISCH alleine auch
schon eine Art Aufforderung, man könnte auch WOISCH!
schreiben; es ist aber nicht immer eine Art Befehl gemeint:
WOISCH SCHO, und oft geht es in die 2. Person Singular
über: JEDDS WOISCH, A WOISCH!, DES WOISCH DOCH! Interessant
ist, dass man oft, gerade wenn es um Wissen im
Sinne von Schulwissen geht, eher die Formen mit WEISCH
verwendet, gerade wenn man mit einem Kind spricht,
vielleicht ist WOISCH doch zu grob: WEISCH DU DES, WIA
MR BIS FIMBF ZÄHLD? DES WEISCH DOCH, DASS DES
NEDD DARFSCH! – Weitere Satzbeispiele: MIR WISSN NIX.
DA HAMM MIR NIX DAVOO GWUSSD. HÄDDN MIR DES
WISSN SOLLA? HÄDDSCH DES NEDD WIISSA SOLLN? NAA,
mir sinn ja graad erschd dabei. Also bis zum nächsten Mal,
DSCHISSLE!
Kompetentes Fachpersonal kümmert sich bundesweit
um Ihre Außenstände. Individuelle und persönlich auf Sie
zugeschnittene Fallbearbeitung stehen bei uns an erster Stelle.
Rufen Sie uns an: Tel.: 0821- 66 66 94 ° Fax: 0821-26 38 988
Afrastraße 61 A ° 86316 Friedberg ° www.inkasso-vogg.de