ASO! Augsburg Süd-Ost - Juni / Juli 2023

6 ASO! Juni /Juli ‚23
Aug s ch b u rger
City-Schwäbisch
Kolumne
Von Fritzi Hundekuchen
Da sollsch di nedd ärgara iibr d Schdadt, wenn des
siggsch: Schikkaana woo s blooß gehd. Was ii immr
saag: d Schdadt maag uns nedd, uns, d Leid.
S fangd scho damidd aa, dass in deera Fahrraad-
Schdadt kei Fahrraadfahrr sei sollsch, weil, d Schdadt
isch graad dann fiir s Fahrraad, wenn s widdr a Werbung
drauf vrkoffa kaa. Und wia kaasch schonsch am
Fahrraad vrdiena? Mei, schdellsch hald a baar Fuuußgängrweeg-Schildr
auf, daa woo scho seid fuchzg
Jahr a Raadweeg gweesa isch, und da lasch dann abkassiera
– gell, oo im Herrabachvrdl wundrsch di.
S gibbd abr oo Weeg ohne Schild, weil da missn dia
Dangkwaaga fiir s Giaßn von dia Nachblfanzunga
hiifahrn, woisch, fiir d gloine Vrreggerle-Kiefrn und
fiir d Ämbr-Baim, s Neieschde. Ämbr isch ja englisch
des, was bei uns Bernschdein heißd, und im
Herbschd solln d Bläddle an dia Ämbrbaim schee
horaasch sei (hochdeidsch isch dr Ambr abr so a
Schleimbaddsn vom Boddwaal, woo s Baarfimm
drauß macha). Kaasch ja nix dageega saagn, aabr d
Schdadt ruinierd midd deene Dangkwaaga dann d
Weeg, a soo, dass im Windr auf di Eisseea Schliddschuh
fahrsch, wenn dr nedd d Gnocha brischsch,
und im Sommr kenndsch, wenn s reegned, drauf
Kaanu fahra, woisch, Wassrschdadt hald. D Schdadt
isch hald middlschdandfreindlich, und d Baugschäfd
hamm widdr was zum Duun: des isch dr
Greislauf: Bäim in dr Innaschdadt wegg – weidr
draußa Bäim absäga, alles firs Haggschniddsheidsgraffdwerg
von dia Schdadtwerge – Bladds isch frei
fiir nei koffde Naachpflanzunga – Naachbflanzunga
musch abr giaßa – zum Giaße koffd d Schdadt
neie schweere breide Dangkwaaga – d Dangkwaaga
ruiniera d Weege – d Diefbaufirma kenna d Weege
nei heerrichda – d Schdadt finded widdr Baim in dr
Innaschdadt zum Absääga und koffd noo breidere
Dangkwaaga usw.
Naa, nedd immr widdr d alde Leir. Was isch bossidiiv?
Ja fiir s 3 Mohra (haab scho widdr vrgessa, wia
mr s heid hoißa soll) hamm s a Schlaaf- Zoone eigrichded
und nedd blooß gloddsigge Schuhschachdl-
Bänk aufgschdelld, naa, oo normaale, oo midd Armlehne
(wenn des blooß nedd a Vrseha gweesa isch).
Und kaasch immr no midd deim 300-BS-Karra, woo
no nedd abbezahld isch, rund umm-n Herrgulless-
Brunna rummrummbla, dass im Café Max no dei
Freid häddsch.
Naa, i bin zfriedn – bis dass d Kaanuu-Schdregge a
soo heerrichdn, dass in deera Wassrschdadt midd m
Ruudrboodle vom Hoochablass bis zr Kahnfahrd
nundr kommsch - des drwardsch abr gwieß nimmr.
Augschburger City-Schwäbisch (37)
Englisch ist das Thema, da war doch der Amber Tree. Sicher
eine großartige Idee unseres brain trusts – BREJN
DRASCHDS – im Rathaus. Ohne Bäume wäre es ja im
Sommer in der Innenstadt unerträglich, trotz der IIKON-
NOMIE-KLAASS, was die Bänke ohne Rückenlehne sind,
weil viel günstiger. Beim Erwerb der Straßenmöbel machen
sie niemals FIFFDI-FIFFDI, weil wir in A. keine Korruption
nicht haben. Wer ist bei uns die FERRSCHD LEJ-
DI? Vielleicht die Dame auf dem Perlachturm? GEH NEDD
ZU DEIM FIRSCHDLE, WENN NEDD GRUUFA, WIRRSCH-
DLE, hat es früher geheißen, ist aber nicht englisch. Um
den Herkulesbrunnen rum lassen die PS-Schlitten immer
noch ihre HOORS BAUR hören. Die BABBLIK RILEJSCHN
bestimmt seit einiger Zeit das politische Leben der Stadt,
man denke nur an den gelungenen PR-Gag „Wassererbe“.
(Neuschwanstein will schon kulturell aufschließen.)
RAID OOR RONG, MAI KANNDRI.
Was der LAIF-SCHDRIIM sonst so bietet: KOMMBUUDR
und DABLEDDS; man sieht sich auf DSUUM, und dann
schreibt man ins FAZZEBIACHLE, was einem so einfällt,
mit dem GUUGLSCHREIBR. Damit wurde auch dieser Text
verfasst – DA WUNDRD MI NIX MEHR. SII JUU! SI SI, das ist
aber italienisch.
Mittwoch - Vormittag
Starten Sie mit uns
in die Grill-Saison
Freitag - Nachmittag
Alles für ein gesundes, schmackhaftes Essen:
frisches Gemüse und Bio-Gemüse, Obst und
Bio-Obst, Kartoffeln, Käse, Honig, Eier, Nudeln,
Geflügel, Fisch, Frischfleisch, Wurst & Schinken,
Feinkost, Antipasti, Eingelegtes, Olivenöle,
Gewürze, Frucht- und Gewürzessige aus eigener
Herstellung. Blumenund Pflanzen.
Augsburg • Hochzoll-Süd, Zwölf-Apostel-Platz