Julie - University of the Free State

Bult • Julie 2007
18
Nuus
Die Agulhas durf stromsee aan.
Marion die pols
is ’n realiteit.”
So sê prof. Johan Grobbelaar, senior
“Aardverwarming
professor in Plantwetenskappe, wat
Marion-eiland saam met ’n groep navorsers vanjaar
besoek het. Hy was in 1971 leier van die eerste
verkennende biologiese ekspedisie na die eiland.
Nou, 36 jaar later, was die bevinding dat die
temperatuur op die eiland 1,5 °C warmer as
destyds is. Marion is ideaal vir hierdie soort navorsing,
want dit is ver verwyder van enige
mense-invloed, sê prof. Grobbelaar.
“In terme van biologie, is dit ’n dramatiese
verhoging in temperatuur. Die tipe plantegroei op
die eiland het baie verander,” sê prof. Grobbelaar.
“ ’n Mens kan dit met die blote oog sien.” Hy was
in 1985 ook vir vier weke op die eiland.
Prof. Grobbelaar het destyds navorsing vir
sy doktorsgraad op die eiland gedoen. Hy was
nou deel van ’n span 45 wetenskaplikes nie net
van Suid-Afrika nie, maar ook van Duitsland,
Swede, Maleisië, Australië, Nieu-Seeland en Switserland.
Die span was nou daar om die amper
honderd mere te monitor, alge te versamel en invertevrate
(ongewerwelde diere) te versamel.
Marion is die grootste van die twee eilande
wat saam as die Koning Edward-eilande bekend
staan. Marion is ongeveer 17 km breed en 23
km lank.