Julie - University of the Free State

Bult • Julie 2007
4
Nuus
Diversiteit in kos
hou voordele
Reeds in die laat 1980’s en 1990’s het
die Universiteit van die Vrystaat
(UV) besluit om ’n nuwe diverse
universiteitsamelewing te skep waarin alle
Suid-Afrikaners ’n heenkome sou kon vind,
ongeag ras, geslag, taal, kultuur, geloof of
gestremdheid, onder meer.
Dit was gedurende hierdie tydperk dat
die UV die eerste stappe geneem het om
weg te beweeg van die apartheidsverlede.
Swart studente is toegelaat, die taalbeleid
word parallel-medium, met klasse in Afrikaans
en Engels, en die eerste swart bestuurs
lede word aangestel.
Wat ook baie belangrik is, is die besluit
wat toe geneem is (in 1992) om vir die
eerste keer swart studente in die koshuise
van die UV te plaas wat daartoe gelei het
dat swart studente vanaf 1993 in verskeie
mans- en dameskoshuise geplaas is.
Hierdie stappe was deel van ’n groter
toekomstige visie vir die UV – om di versiteit
in sy verskillende fasette te bevorder
as ’n strategiese prioriteit wat sou bydra
tot ’n veel sterker en beter universiteit.
Volgens die Direkteur: Diversitiet, mnr.
Billyboy Ramahlele, kan elke student en
personeellid voordeel trek uit gereelde interaksie
met mense wat uit verskillende agtergronde
kom. En dit gaan nie net oor taal,
kultuur, geloof, ekonomiese agtergrond nie,
maar mense met verskillende idees, vaardighede,
ens.
“Vir gegradueerdes van die UV en
ander professionele mense het die wêreld
kleiner geword. Mense kan enige plek in
die wêreld gaan werk en daar word van
hulle verwag om die diversiteit in hierdie
lande te hanteer.” Ook as student en burger
van Suid-Afrika, word daar van almal verwag
om diversiteit te waardeer en positief
daarmee te handel.
“Die verskil tussen die poging tot integrasie
van koshuise van die 1990’s en die
huidige diversiteitsbeleidsriglyne is die
ondersteuning en bemagtiging wat nou aan
die betrokke koshuisleierskap, naamlik die
koshuishoof, die HK’s, die primes, die personeel
van Verblyfdienste en Studentesake
gegee sal word.
“Die realiteit is ook dat die eerste
poging tot koshuisïntegrasie nie geslaag het
nie omdat daar geen beplanning en ondersteuning
vir die studente en kos huis personeel
was nie. Dit is behalwe die feit dat wit