Тунгаан бодох

МОДУЛЬ 9: СЭДЭВ 4
МЭДЭЭЛЭЛД ДҮН ШИНЖИЛГЭЭ ХИЙХ
ЗОРИЛГО
Энэ сэдвээр суралцагчид үндэслэл болон нотолгоог бүрдүүлэгч элементийн талаар анхны
мэдэгдэхүүнтэй болно. Суралцагчид үндэслэл бүхий жишээг таних дасгал хийх ба “үндэслэлтэй
дүгнэлт” гэж ямар ойлголт болохыг мэдэж авна. Мөн шалтгаан нь кейс болон нотолгоонд
агуулагдаж байгаа дүгнэлтийг дэмждэг гэсэн санааг гүнзгийрүүлэн судалж дараа нь бодит
жишээнд ашиглагддаг нотолгооны урсгалыг тодорхойлох дасгал хийх болно.
ЗОРИЛТ
Энэ сэдвийн эцэст суралцагчид дараах мэдлэг, чадвар, хандлагатай болсон байна.
Үүнд:
• Аливаа мэдээлэл дотор үндэслэл байгаа эсэхийг олох, таних
• Шалтгаан болон дүгнэлтийг тодорхойлох арга замаар нотолгоонд дүн шинжилгээ хийх
• Дүгнэлтийг тодорхойлохын тулд “Иймээс” гэсэн тодотгох үг хэллэгийг ашиглах
• Үндэслэлийг тодорхой болгох зорилготой “иймээс”, “ийм учраас”, “улмаар” гэх мэт
нотолгооны индикаторыг ашиглан, маш энгийн текстийг өөрчлөн найруулж бичих
• Хичээл дээр танилцуулсан тэмдэглэгээг ашиглан, шалтгаан болон дүгнэлтийг
тодорхойлох
Сэдэв 4
МЭДЭЭЛЭЛД ДҮН
ШИНЖИЛГЭЭ ХИЙХ
Бэлтгэх зүйл
• Том цаас, эсвэл самбар
• Самбарын үзэг, эсвэл шохой
• Самбарын үзэг –Хоёр суралцагч бүрийн дунд нэг ширхэг
• “Дүгнэлтэд хүргэх үндэслэлийг гаргах нь” (Нөөц хэрэглэгдэхүүн 4.1) – Хоёр суралцагч
бүрийн дунд наад зах нь нэг хувь, эсвэл том үзүүлэн хэлбэрээр
• Нотолгооны индикатор (Нөөц хэрэглэгдэхүүн 4.3) – Хоёр суралцагч бүрийн дунд наад зах
нь нэг хувь, эсвэл том үзүүлэн хэлбэрээр. Дээр нь самбарын үзгээр бичиж тэмдэглэхийн
тулд энэ хуудсыг гадуур нь наалддаг туузаар (скочоор) хавтаслаж болно.
• Үндэслэлийн хэл найруулга (Нөөц хэрэглэгдэхүүн 4.5) – (нэмэлт материал) хэрэв
боломжтой бол суралцагч бүрт нэг хувь, эсвэл том үзүүлэн хэлбэрээр
Багшийн анхааралд: Энэ сэдвийг орохоос өмнө та өөрөө бүх дасгалыг амжилттай гүйцэтгэж
чадна гэдэгтээ итгэлтэй болохын тулд бүгдийг нь шалгаж үзээрэй.
26 27