eskuizkribuen azterketa eta iturriaren moldamoduak - Euskara

Esandakoez gain ez dirudi izkribu hau beste inork aztertu zuenik.
Aurkitu dugun aipamen bakarra hala ere Labayenena da (1965, 21-22) eta
honela dio:
Y nos agrada señalar a nuestros lectores que la
Biblioteca Municipal de San Sebastián guarda el texto
de una pastoral. Se trata de una obrita titulada Juan
de Paris y fue donada por el ilustre zuberotarra P.
Lhande S. J. Por ese manuscrito, detalle curioso, lo
mismo que en los libros de los escolares, hay
inscripciones del que otrora fuera su dueño: "Au liburu
ederra da ta untza iskribiturik: enekin egon da biziki.
Olako liburuak ez die balio deusere eta nik ez dut
sinisterik batere zertarako, zeren eta anima galerazten
beit du. Ni nuzu Janus e, Jan Bordato, Musie Chabalet
de Pagolle".
Ez dugu honelakorik bat ere aurkitu izkribuan zehar. Urkizuk,
bere zerrendan San Telmoko hau aipatzen ez duelarik (1984: 23), Baionako
izkribuan balego bezala kopiatzen duen testu bera da, ortografi aldaketa
batzuk gorabehera (ibid. 1984: 47). Badirudi biak oker dabiltzala eta
seguruena da Hérellerengandik jasotako ohar batek nahasterazi dituela.
Urkizuk Bordeleko Liburutegiko 19. izkribua, Baionako Euskal Museoko 19.az
nahastuko zuen eta Labayen buruz edo arituko zen ohar hori ematean, zeren
garbi azaltzen baitigu Hérellek (1923, 162):
BORDATO (Jean), dit "Monsieur CHABALET", de Pagolle,
possédait vers 1815 un ms. de Dorimène (Bordeaux, nº
19), sur lequel il a noté "que c'était un beau livre,
mais que ces sortes de livres ne valent rien, parce
qu'ils font perdre l'âme". Il paraît avoir possédé
aussi un ms. d'Abraham (collection Campan).
Abraham pastoralaren izkribuak gainbegiratuta, ez dugu
antzekotasunik aurkitu idazkera aldetik gure honekin. Dorimène-koan agertzen
den oharraz alderatuta argi dago Bordato hori jabea zela, ez izkribuaren
idazlea, eta San Telmokoaren idazmodutik oso urrun geratzen da bere letra.
Dorimène-ren testua, Bordeleko liburutegiko Astyage pastoralaren izkribuaren
barruan agertzen da. Bere 107 orrialdean dago Bordatoren ohar edo ex-libris
hori eta honela irakurri dugu:
17