eskuizkribuen azterketa eta iturriaren moldamoduak - Euskara

Etchebarneren auziak eragindako gastuak ere. Alchurrut prokuradorearen
proposamenaz, hainbat lur eremu saltzeko baimena eskatzea erabakitzen dute,
zorrak kitatu ahal izateko.
Alabaina, udal talde horrek egindako azken biltzarra izango da
abenduaren 27ko hori; izan ere, azaroaren 22tik aurrera hauteskunde berriak
prestatzen hasiak baitira, "Cadastre des citoyens actifs" delakoa osatuz (90
or.).
Bertan gure Etchebarneren izena azalduko da berriro, ordura
arteko hainbat eta hainbat bileretan, zor horien auzia dela eta seguru aski,
agertu ez dena. Hauteskundeak egin eta, prokuradore hautatzen dute eta
horrela sinatzen du (98. or.). Alkate bezala, Etchebest, zorra ordaindu
behar izan zuten arteko bat, agertzen da.
Udal talde berriak egiten duen lehen biltzarrean (abenduak 31,
110-113 orr.), alkatearen proposamenaz, zorren auzia dela eta munizipalitate
zaharrak hartutako azken erabakiak baliogabetzen dituzte. Alkatearen
ustetan, zenbait hiritarrek eragotz lezakete lurren saltzea eta beharrezkoa
da "de chercher la paix dans la parroisse et de prendre un autre moyen plus
favorable pour tranquiliser les esprits des citoyens"; beraz, lurrak saldu
ordez, komeni litzateke "de demander (...) une permission dune levée au marc
la livre et un Branchage au Bois Commun" ordaintzeko guztiak kitatu ahal
izateko, zeren orain arteko erabakiak "ne les ont mis a execution ayant en
egard aux troubles qui Se trouvoient dans la presente parroisse". Alkatearen
proposamena aho batez onartzen dute "étant le Seul moyen de tranquiliser les
esprits des citoyens de la presente parroisse" eta, horrekin batera, "le Sr.
Etchebarne procureur sindic de la presente parroisse demeure chargé de faire
les executions necessaires pour l'obtention de la de. permission".
Ez dakigu handik aurrera zertan geratu zen zorren auzi hori. Gure
Etchebarnek herriko prokuradore bezala sinatzen du 1792ko urriaren 15era
arteko herri kontseiluetan. Urte bereko abenduaren 9an, "selon le decret de
l'asamblée conventionelle du 19 octobre 1792, l'an premier de la république
française", herria berriz bildu eta hauteskunde berriak gertatzen hasten
dira. Bertako zerrendetan ez da gure pastoralgilea azaltzen.
Emandako datu zerrenda luze honen arabera, Bernard Etchebarne
haren soslaia argitzen zaigu apur batean. Laboraria zen, seme baten aita eta
eragin zuzena izan zuen herriko gobernu zereginetan, diputatu bezala hiru
urtez (agian, izkribuaren 55. orrian erantsitako paper zatia horrekin dago
erlazionatuta) eta, gerora, notable eta prokuradore bezala. Pabeko dokumentu
33