eskuizkribuen azterketa eta iturriaren moldamoduak - Euskara

entseiaturen guirade
C izkribuan ordea, obraren helburu didaktikoa azpimarratzen da,
mezu erlijiozko edo moralitatearekin lotuago, LPh 2 bertsoan:
Egun Ciere Erekasteko (sic)
Badugu heben misterio
Eta gomendatçen nitçaiçie orano
Beha Çitien onxa oro
3) Obra eta pheredikia bera arretaz segitzeko deia (Dko LPH 3 eta
4 bb.; eta Cko LPh 2 eta 4 bb.).
4) Trageriaren esplikazioa edo sujetaren aurkezpena. Hemen
pheredikaria istorioaren laburpen sinple samarra egitera mugatzen da:
Espainiako koroaren berrezarpena eta errege bien seme-alaben establimentia
(5-22 bb.); Frantziako erreginaren erreakzioa, aitak harturiko konpromezua
semeari jakinarazi eta Jean Espainiara abiatuz (28-31 bb.); Espainiarako
bidaia (32-59 bb.); Anglaterrek bertako gortera egiten duen sarrera eta
Jeanen aipamena (60-65 bb.); Jeanen suitaren Burgoserako sarrera desfilea
(66-74 bb.); Jean eta Infantaren arteko lehen elkarrizketa, Izkutuko Saioa
deitu duguna (75 b.); eta pastoralaren azken partea bost bertsotan (76-79
bb.).
Ederki ikusten da pheredikariaren asmoa obraren berri gaingiroki
ematea dela; izan ere, batailak, bigarren mailako pertsonaien parte
hartzeak, satanen agerraldiak etab. alde batera lagata daude, hari
nagusiaren azalpenaren zerbitzura.
A izkribuak ordea, salbuespen pare bat aurkezten du jokaera
nagusi horrekiko: bertako LPh 49 bertsoa (Dko LPh 79), Anglaterreko
erregeren haserreak dakarren batailaren aipamena; eta LPh 53a (Dko LPh 81),
Allicor mairuaren agerpenaren berri ematen duena.
Azken bertso hau interesgarria gertatzen da, mairuaren
interbentzioa oso laburra den arren, pheredikian aipatzea egoki iruditu
baitzaio pastoralgileari, ikuslegoaren arreta erakartzeko beste aitzaki bat
bezala edo, eskainiko duen jntertenimentu ederra dela eta. Ulertzen ez dena
ordea zera da, zergatik gaineratzen duen bertso hori bigarren zenbakipean
39