Brochure à télécharger - Répertoire des pièces de théâtre et ...

(Louis sort)
Scène 9
(Germain - Sophie)
Germain : Et adon ? C'est prèssant c'police-là ?
Sophie : (éclate en sanglots) Oh ! Germain !
Germain : (la prend dans ses bras) Alez ! Vos n'd-alez nén brère pou ène police
d'assurances, endo… Qw'est-c'qu'i gn-a ?
Sophie : Dispus dix djoûs, nén in côp d 'téléfone… c'est pourtant rén in côp d'téléfone…
Germain : I faut m'comprinde, Sophie, dj'é tél'mint d'ouvrâtje… L'printemps, c'est stène
grosse sézon pour nous-autes les martchands d'autos…
Sophie : Au mwès d'fèvrî, vos m'avez dit ètout qui vos-astît plin d'ouvrâtje, qui
c'èsteût l'sézon di…
Germain : Bichoner les vwêtûres, di cachî des nouvias martchîs pou yèsse prèsse pou
l'printemps…
Sophie : Et au mwès d'oktôbe, ça s'ra cô aut' chôze !
Germain : Bén sûr ! On rachète les vwêtûres qu'on z-a vindu d'okazion au printemps et
on les r'tape pou les r'vinde au printemps qui chût…
Sophie : Vos trouvez toudis ène pièce à mète au trô… Dijez-m' franch'mint qui vos
n'voulez pus d'mi…
Germain : Mins dji n'vous qu'vous, Sophie… Seûl'mint…
Sophie : Seûl'mint, vos m'lèyez dîx djoûs sins nouvèles… Vos pourîz téléfoner…
Germain : Bén sûr, mins on n'a nén toudis in téléfone pad'zou l'mwin, ou bén on 'nn'a yin
et on n'a nén l'numéro ou bén on a les deûs et on a nén l'timps…
Sophie : Dji crwès pus râde qui vos n'pinsez jamés à mi ! Eyèt mi, dj'é bén tôrt di
pinser à vous come ça !
Germain : Tant qu'çoulà ?
Sophie : Cô bén pus qu'çoulà !
Germain : C'est djinti, mins c'est trop !
Sophie : Est-c'qui vos vos souv'nez di c'qui vos m'avez dit i gn-a deûs mwès ?
Germain : I gn-a deûs mwès ? A qué n'eûre ?
12