Brochure à télécharger - Répertoire des pièces de théâtre et ...

Louis : Et adon ? Qwè c'qui s'passe ?
Scène 5
(Germain - Louis)
Germain : I s'passe qui Christine est siciliyène pa s'mame !
Louis : Aha ! C'est st-ène grande nouvèle ! Et c'est pou m'aprinde çoulà qu'tu m'as fé
v'nu droci ?
Germain : Tu n'comprinds nén qui come èle est siciliyène pa s'mame, tout come lèye, èle ni
djure qui pas l'vendèta !
Louis : L'vendèta, oyi ! Et après ??
Germain : Ele vout m'vudî in tchardjeû dins l'côrp !
Louis : Mins pouqwè ??
Germain : Pac'qu'èle ni crwèt nén in môt di c'qui dji li é raconté à propos di s'n-ôme…
Asteûre, c'qui dj'é peû, c'est qu'èle ni fûche nén l'feûme di l'ôme qu'a v'nu
t'taleûre… Ele ni vout nén m'quiter, li vout qui dji li rinde, adon mi, dji pète
èvôye !
Louis : Et qwè c'qui t'èspères ? Qu'èle ni fûche pus siciliyène quand tu r'vénras ?
Germain : Quand dji r'vénrés, tout s'ra r'mètu d'alûre… Pac'qui tu vas d-aler l'trouver !
Louis : Hin ? Mi ?
Germain : Tu n'as nén dandjî d'awè peû, c'est st-à mi qu'èle d-è vout !
Louis : Putète bén, mins mi, èle ni pout nén m'sinte ! Et pwîs, à ses-pis, dji seus ène
miyète come tè d'mi frère !
Germain : Et adon ? In d'mi frère, ça n'fét toudis qu'in d'mi chardjeû ! Tu vas d-aler
l'trouver et li splikî qui c'n'esteut nén ène couyonâde…
Louis : Ah ! Pacqui lèye, èle lome çoulà ène couyonâde !
Germain : Oyi ! Adon, tu li fés comprinde qui c'ènn'est nén yène et quand c'est fét, dji
rintère ! D'akôrd ?
Louis : C'est ça ! Dji rèscontère Christine, dji li pâle et… t'érite di m'paûrt du
garâtje !
Germain : C'est ça ! Euh non fét !
Louis : Tu n'as vèyu qui Christine djusqu'asteûre ?
38