Brochure à télécharger - Répertoire des pièces de théâtre et ...

Anne-Marie : (l'interrompant) Louis !… Dji voureus qu'vos dirîz à Germain qui dji n'èl virés
pus !
Louis : Vos n'virez pus Germain !!
Anne-Marie : Pusqui dji vos l'dis !
Louis : (qui ne réalise pas) Ratindez… Vos n'èl èrvirez pus ??
Anne-Marie : Bén, non fét !!
Louis : Mins qwè c'qui s'a passé ?
Anne-Marie : M'n-ôme !
(Mme Sivèle paraît, silencieuse. Elle s'immobilise et tend l'oreille.)
Louis : Vos n'ôme ?
Anne-Marie : M'n-ôme, oyi ! I m'a téléfoné v'là ène dimèy' eûre… Djusse cénq munutes
après vous… Vos n'èl savîz seûr'mint nén, mins v'là deûs mwès qui m'n-ôme èyèt
mi, nos vikîs yin èri d'l'aute… Et i vént di m'dimander pou r'mète les fièrs au
feû… Sins qwè…
Louis : Sins qwè ?
Anne-Marie : Dj'é bén peû qu'i n'fèye ène bièstrîye…
Louis : Ene bièstrîye ?… Ah oyi, bén seûr…
Anne-Marie : Bén souvint, on pinse ni pus s'in.mer, adon on s'quite… Et après on s'rind
compte qui viker yin sins l'aute… C'est come di mindgî des frites sins sé…
Louis : Et insi, tout d'in côp, il a compris qu'vos èstîz l'sé qui manqueût à ses frites…
Anne-Marie : Oyi, c'est ça…
Louis : C'est ça !
Anne-Marie : Adon… Si nos coûpe a cô ène pètite chance… Vos compèrdez qui dji n'pous pus
vire Germain…
Louis : Et bén pusqui c'est vos n'idéye insi ! Tout s'arindge insi !
Anne-Marie : Comint ?
Louis : Dji vous dire qui tout s'arindge pour vous… Pac'qui pou Germain… di s'costé…
Anne-Marie : Oyi, dji sés… Ca va li fér d'èl pwène mins vos compèrdez qui dji n'pous nén fér
autrèmint ! Louis, alèz-î tout doûs pou li anoncî, savez…
54