Brochure à télécharger - Répertoire des pièces de théâtre et ...

Germain : Dijez-li di m'èl passer au téléphone !
Louis : (dans l'appareil) S'il est toudis là, passez-l' au téléfone… Alô… Mossieû…
Germain : (lui prenant le cornet) Bondjoû mossieû… (à Louis) Comint est-ce s'nom ?
Louis : Frankinèt !
Germain : Bondjoû mossieû Frankinèt ! Comint alez ? Qwè c'qui dji véns d'aprinde ? On
n'vout pus l'chèvrolèt ?… Comint c'n'est nén çu qui dj'aveus dit come prix ?
Louis : 250.000 !
Germain : (dans l'appareil) Dji r'wéte m'fiche-là… C'est st-ène vwètûre di deûs-ans…
Est-c'qui vos-avez vèyu les nouviâs sièges qu'i gn-a là-d'dins ? D'akôrd, c'n'est
nén les sièges qui fèy'nut avancî l'auto, mins on n'roule nén, non pus, achîd d'su
l'moteûr… Ah ! mins là mossieû…. (à Louis) Comint dèdjà ?
Louis : Frankinèt !
Germain : Mossieû Frankinèt, si l'compteûr mârque 36.000, c'est qui l'vwètûre a roulé
36.000 km… Oyi, bén sûr, gn-a des garâtjes ousqu'on tchipote les compteûrs…
C'est malonète, d'akôrd, mins amon nous-autes… (à Louis) Dj'aveus pourtant
bén dit qu'on n'diskinde nén pad'zou les 42.000 !!
Louis : C'est Marcel, il a fét pou bén fér !
Germain : C'est réyussî ! (dans l'appareil) C'est bén 36.000…. Di qwè ? Mins non fét,
Mossieû…
Louis : Frankinèt !
Germain : Mossieû Frankinèt… Non fét ! Bon, pusqui c'est st-insi, ni pièrdez nén vos
timps… C'vwètûre-là, dj'èl vindrés quand dji vourés… Trop tchèr, 250.000 ?
Mins d'abôrd, qui est-c'qui vos-a pârlé di 250.000 ? Ele vaut 320.000 francs,
c'vwètûre-là !
Louis : Non fét, c'est bén 250.000 !
Germain : (faisant taire Louis, puis dans l'appareil) Non fét, non fét, c'est bén 320.000 !
Louis : 250.000, on li a scrît ! Et cô in martchî à l'eûwe !!
Germain : (dansl'appareil) Comint ça ! Dji n'èl vindrés jamés à c'prix-là ? Dins ène
dimèy' eûre, si vos n'èl pèrdez nén, èle s'ra st-èvôye !
Louis : Aux z-è rikètes, oyi !
65