Brochure à télécharger - Répertoire des pièces de théâtre et ...

Germain : C'est qui… I n'mi d'meure pus qu'à vos-aprinde qui c'n'est nén avou mi
qu'Sophie a rompu, mins avou vous… Comint est-c'qui vos d-alez prinde çoulà ?
L'ôme : (se lèvre brusquement et met une main en poche, Germain fait de même) Mâu !!
Germain : Dji l'é min.me dit à vos coumère : "Comint va t-i prinde tout çoulà ?"… Dijez,
c'est vos révolvèr qui vos tchipotez là ?
L'ôme : C'est li, oyi !
Germain : Mi, dj'é l'cén da Christine dins m'mwin… L'pus p'tit dgèsse di vos paûrt et dji
satche… Nos-avons les min.mes drwèts su Sophie… Vos èstez s'galant èyèt mi
ètout… Nos-alons nos l'disputer come les chevaliyers du vî timps !
L'ôme : Qwè v'lez dire ?
Germain : A trwès, on fét feû èyèt l'cén qui satche l'pus djusse èyèt l'pus râde ara
gangnî Sophie… Vos v'lez compter ? (un temps) Vos-ézitez ?
L'ôme : Dj'é ézité pac'qui a trwès cints mètes et les ouy's bind'lés, dji côpe ène
alumète è deûs !
Germain : In côpqu'on ézite, c'est qu'on pinse et quand on pinse, c'est qu'on n'est nén
sot et quand on n'est nén sot, c'est qu'on n'wèt nén voltî ! Vos pinser l'vîre
voltî, Sophie, mins vos n'l'in.mez nén !
L'ôme : Mins vous nén rén, vos n'avez nén satchî !
Germain : Mi ! L'rivolvèr n'èsteut nén kèrtchî !
L'ôme : Vos èstîz don sûr qui dji n'satch'reûs nén !
Germain : Dji m'é dit qu'pou z'ariver au crime paciyonèl, i faleut d'abôrd vîre voltî avou
paciyon et quand on in.me paciyonémint ène feûme lîbe, on l'marîye ! In' amoûr
qui n'vos mwin.ne nén au mariâdge, ni pout nén mwin.ner au moûte !
(on sonne. Germain va ouvrir. C'est Louis avec l'agent)
Scène 9
(Germain - L'ôme - Louis - L'agent)
Germain : Et cô toudis avou li ? Vosn'poulez pus vos passer yin d'l'aute !
Louis : Dj'aveus pinsé…
Germain : Vos d-alez fér pârler les dgins vous deûs !
Louis : I m'chèneût qu'avou mossieû, ça riskeût…
70