Brochure à télécharger - Répertoire des pièces de théâtre et ...

Louis : Qwè c'qui t'a mètu d'si fièvreûs ?
Germain : Cazî rén du tout… Mins si èle mi wèt voltî come èle li dit, quand èle l'ara lî, èle
don'ra s'quézin.ne à in tchaufeû d'taksi pou yèsse droci dins les trwès munutes…
(On sonne. Germain bondit, ouvre la porte. C'est sophie !)
Germain : Oh ! Sophie, m'n-amoûr !
Sophie : Mins Germain ! Qwè c'qui s'passe ?
Germain : Vènez, intrez Sophie… (il descend avec elle) Rèbrassez-m' ! (il s'embrassent)
Sophie… Si vos n'èstîz nén mariyée et qui dji vos d'mand'reûs en mariâdje, qwè
c'qui vos m'rèspondrîz ?
Sophie : Mins enfin, Germain, qwè c'qui vos prind ?
Louis : Il a d'èl fîve !
Germain : Mins rèspondez-m', Sophie, pou l'amoûr di dieû !
Sophie : C'est sérieûs ?
Germain : Pî qu'ça, c'est grâve !
Sophie : Vos v'lez m'mariyer ?
Louis : I d'vént sôt !
Germain : Sophie ! Si dji vos d'mandeûs di v'nu d'meurer droci avou mi, d'in côp, di
d'vôrcer, est-c'qui vos-akcèpt'rîz ?
(Sophie, pour toute réponse, se jette dans ses bras.)
Germain : C'est trop bia !
Louis : Mi, dji vas m'rèvèyî !
Sophie : Mins enfin, Germain, ça vos prind insi tout d'in côp ?
Germain : Tout d'in côp ! Oyi, enfin, dji vos èsplik'ré pus taûrd… Si dji trouve les mots
qui faut…
Louis : Dijez les tourtèraûs… Dji n'voureûs nén troubler vos-èvoléyes mins…
Germain : (à Louis) In seûl mot su l'chèvrolèt, et dji t'raûye les deûs-oûyes !
Louis : A mwins' qui Germain n'eûche di keûr d'yèsse candjî en passète, i faura
pourtant bén r'culer l'date di vos mariâdje, mes-èfants !
Germain : Qwè c'qui tu m'tchante là, hon twè ?
61