Brochure à télécharger - Répertoire des pièces de théâtre et ...

Germain : Si fét, si fét, dji comprinds… Vos dijez qui dji seus l'galant di vos feûme, oyi !
L'ome : Et c'est tout l'èfèt qu'ça vous fét ?
Germain : Non fét, non fét ! Coulà m'fét bran.mint d'èfèt ! Mins dj'areûs voulu awè des
précizions…
L'ome : Des précizions ? Vos v'lez des précizions ? Vos n'astez nén sûr d'yèsse
l'galant di m'feûme !
Germain : Si fét, si fét… Enfin, dji vous dire… Dji seus tout l'min.me s’baré… In-ôme
rintère à vos maujône… Vos n'savez nén min.me ès'nom…
L'ome : Et bén asteûrs, vos l'savez !
Germain : Dj'èl sés, dj'èl sés… c'est st-à dire qui…
L'ome : Vos n'd-alez nén m'fér crwère qui dispus qu'vos-astez l'galant di m'feûme, vos
n'con'chez nén min.me ès' nom ?
Germain : Non fét, bén sûr mins…
L'ome : Et èle ni s'a tout l'min.me nén taper dins vos bras come ène vulgère cocote !
Germain : Non fét, non fét ! (le téléphone sonne) Ah ! C'n'est nén l'momint ! (il décroche
et laisse le cornet décroché sans répondre) Choûtez mossieû, divant d-aler pus
long, dj'in.m'reûs bén d'sawè comint c'qui vos astez sûr qui dji seus bén l'galant
di vos feûme !
L'ome : On vos-a vèyû, mossieû ! Et on m'l'a dit !
Germain : Qui ça "on" ??
L'ome : Ca n'vos r'wéte nén ! On vos-a vèyû i gn-a in mwès dins-in p'tit restaurant,
avou m'feûme… Vos vos r'wétîz dins l'blanc des-îs en vos tchipotant les dwèts !…
N'est-ce nén vré ?
Germain : C'est possîbe !
L'ome : Non fét, nén possîbe ! L'dgin qui vos-a vèyu est st-ène con'chance d'èl famîye,
çu qui vout dire qu'èle conèt fôrt bén m'feûme ! Os'rîz cô niyî ?
Germain : Non fét ! Si "on" nos-a vèyû !!
L'ome : On vos-a vèyû, oyi ! Et vos savez c'qui vos-avez fét après l'restaurant ?
Germain : Nos-avons stî au cinéma sûr'mint !
L'ome : Pac'qui vos lomez ça du cinéma, vous ?
17