Brochure à télécharger - Répertoire des pièces de théâtre et ...

L'ome : Okupez-vous d'çoulà su l'côp, mossieû Vignon pac'qui dins vos cas, èrmète au
lèd'mwin… (il fait le geste de tirer puis sort) Salutaçions, mossieû !
Scène 13
(Germain puis Louis)
Germain : (suit la sortie, ferme la porte puis vient prendre la communication
téléphonique) Alo ? Paulette ?… Dj'aveus ène saquî… Louis est-st arivé ?… Di
qwè ? Il est rèvôye ? Eyu ? I r'vént drcoi ?… Ah bon… Dji vas l'ratinde
d'abôrd… (on sonne) On sone, c'est sûrm'int li ! Ar'vwêr Paulette ! (il
raccroche et et va ouvrir) Volà !
Louis : (entrant) Et qué nouvèle, twè ?
Germain : Ah ! Vî camarâde ! Si tu saveûs jamés c'qui m'arife !
Louis : Cu qui t'arife ? Dj'èl sés bén… En chèvrolèt d'su les rins !
Germain : Aha ! Dj'é ène saqwè d'bran.mint d'pus pèzant d'su les rins qu'ène chèvrolèt !
Tu n'ad'vin'ras jamés qui est-c'qui vent d'sortû d'itci ?
Louis : Si dji n'dwès nén l'adviner, dis-m'èl tout d'chûte !
Germain : Achids-tu, vî frère… Dji véns d'awè l'vizite di sn'-ôme !
Louis : L'ôme da qui ?
Germain : Dji n'sés nén !
Louis : Choûte Germain ! L'samwin.ne qui vént, tu vas m'fér l'pléjî d'prinde saquants
djoûs d'condgîs dilé t'matante à l'campagne… T'es st-au bôrd d'èl dépression !
Germain : Louis !! I gn-a dix munutes, in-ôme est st-intré droci en m'dijant : "Dji seus
l'ôme di vos coumère, ou si vos in.mez mieûs, vos astez l'galant di m'feûme !"
Louis : Et adon ? S'i t'a dit qui t'èsteus l'galant di s'feûme…
Germain : Djustumint !! D'èl quén.ne ?
Louis : Comint ça, d'èl quén.ne ?
Germain : T'a quate coumères, in-ôme rintère et t'dit : "Rindez-m' feûme ou dji vos
plaque deûs bales dins l'côrp ! " Si t'as l'maleûr di li dire qui t'as quate
coumères dins t'vîye et qu'tu li d'mandes l'portrét d'èl sèn.ne pou sawè
l'quén.ne tu dwès lèyî tchèr, t'es bon pou yèsse èmwin.né su l'côp, non !!
Louis : Patatras !! C'n'est nén vré !!… Et adon, tu n'as rén poulu sawè ?
20