Brochure à télécharger - Répertoire des pièces de théâtre et ...

Simon : Ca s'reut p'tète curieûs di m'paûrt di vos d'mander pouqwè c'qui vos li avez dit
qui dji v'leus vos tûwer… Mins dins tous les cas, i faut qui dji vos dîye, qui
jamés, dji n'é yeû l'idéye di tûwer ène saquî… Et pourtant, l'djoû qui dji l'é
seû… et min.me vèyu…
Germain : Vèyu ?
Simon : Vèyu ! Oyi…
Germain : Vos nos-avez vèyu ?
Simon : Pus d'in côp mossieû… Min.me qui l'premî côp, dji vos-é chuvu pus d'dîx
munutes…
Germain : Et vos n'avez nén…
Simon : Non fét ! Dji n'é nén yeû l'courâdge di d-aler vos trouver… Di pus', i gn-a
longtimps qui dji n'seus pus s'n'ôme… Adon, est-c'qui dj'aveus cô l'drwèt
d'yèsse djaloû ? Et asteûre, grâce à vous, v'là qu'èle a d'l'admiraciyon pour mi…
Et putète qu'èle m'in.me cô toudis ! Etout mossieû, pèrmètez-m' di…
Germain : C'est mèrvèyeûs !
Louis : Dji rèfe mi droci !
Simon : Adon, mossieû, pèrmètez-m' di vos d'mander çouci… Est-c'qui vos-avez rompu
pou d'bon avou m'feûme ?
Germain : Oyi ! C'est fini et bén fini inte di nous deûs… Et pèrmètez-m' à m'toûr di…
Simon : Ni vos-èskuzez nén… l'ôme propoze… Et pwîs, tout compte fét, m'feûme, dji
vos l'dwès bén ène miyète…
Louis : (à lui-même) L'rèfe continûwe…
Simon : Dji voureûs cô bén vos d'mander ène saqwè…
Germain : Dji vos choûte…
Simon : Est-c'qui vos vèrîz d'in mwé ouy' qui m'feûme continûwe à crwêre qui…
Germain : Qui vos-avez voulu m'tûwer ? Mins non fét, nén du tout !
Louis : I gn-a min.me mieûs qu'çoulà… Si in djoû i l'rèscontère, i pout min.me li dire qui
vos-avez vrémint satchî pou d'bon !
Simon : Ah ! Mins là, dji n'ozeûs nén vos l'dimander, mins asteûre qui vos l'propozez…
Louis : I vos dwèt bén ça…
59