Brochure à télécharger - Répertoire des pièces de théâtre et ...

Louis : C'est cô vré, ça… I vaureût p'tète mieûs di n'nén l'brusker ! D'y aler avou pus
di…
Mme Sivèle : C'est ça… Mètez-i d'èl loquince… Vos v'lez ène jate di fôrt cafeû ?
Louis : Non merci ! Pou m'rinde cô pus nièrveûs qui dji n'seus d'djà !
(On sonne)
Mme Sivèle : Dji m'vas drouvu !
Louis : Oyi !
Mme Sivèle : Dijez… Vos policier t'taleûre, èyu l'avez trouvé ?
Louis : Au cwin d'èl rûwe pus bas… Vos n'pinsez tout d'min.me nén qu'èle va satchî ?
Mme Sivèle : Bén seûr qui non… au cwin d'èl rûwe avez dit ??
(elle va ouvrir et Anne-Marie entre. Mme Sivèle entre alors dans sa cuisine)
Louis : Bondjoû Anne-Marie !
Scène 2
(Louis - Anne-Marie)
Anne-Marie : Dj'é bran.mint yeû d'maûs d'vinte pou m'rinde lîbe, savez… Et adon ? Qwè
c'qui s'passe, Louis ?
Louis : Et bén… Achîdez-vous !
Anne-Marie : Germain n'est nén là ?
Louis : Non fét ! Ahcîdez-vous ! M'chère Anne-Marie… Vos n'avez pont d'sacoche ?
Anne-Marie : Non ! Dj'é saut'lé dins-in taksi, dji n'é djusse qui mes cigarètes et in biyèt
d'mile francs !
Louis : Et in biyèt… Ouf ! M'chère Anne-Marie… Dj'é ène saqwè a vos dire…
Anne-Marie : Mi ètout, dj'é ène saqwè à vos dire, adon, choûtez-m' d'abôrd…
Louis : Non fét, Anne-Marie, i vaureut mieux qu'vos m'choûtîz d'abôrd !
Anne-Marie : Fuchez dginti, Louis… Germain pout rintrer et dji n'téns nén à l'rèscontrer…
Vos v'lez bén li fér ène comission pour mi ?
Louis : Mi ètout, dj'é ène comission à vos fér et seûr'mint pus sérieûze qui l'vote !
53