Brochure à télécharger - Répertoire des pièces de théâtre et ...

Germain : Vos n'èl wèyez pus voltî ?
Sophie : Dji n's'reus nén d'vènûwe vos coumère si dj'aveus cô yeû l'pus p'tit sintimint
pour li…
Germain : Adon, si dji vos dijeûs…"D'vôrcez et dji vos marîye"…
Louis : Arête avou tes couyonâdes !
Germain : Rèspondez Sophie !
Sophie : Dji vous bén min…
Germain : Dji m'vas tout d'chûte trouver vos n'ôme !
Louis : (en proie à une certaine colère qu'on sentait monter depuis quelques tirades)
Tu n'iras djusse trouver nulu !!
Germain : Qwè c'qui t'prind, don, twè ??
Louis : (arpente la scène) I m'prind qui dj'ènn'é m'saû d'ètinde toutes vos
bièstrîyes… "Et vos d'vôrcez… et dji vos marîye…" Eyèt li, là-d'dins ? Vos y
avez pinsé ? Tu fréquentes avou s'feûme. S'feûme s'lèye fréquenter… Eyèt li, i
n'a nén s'mot à dire ?
Germain : Eyèt l'bouneûr ? Qwè c'qui tu d-è fés ?
Louis : L'bouneûr ? L'bouneûr, c'est come les brokes, ça s'gangne… Tu pous
m'crwère, Germain, lèy' l'ôme tranquîy' et rèvoy' li s'feûme avou l'premî taksi…
Dji n'dis nén qu'tu n'as nén l'drwèt d'couru les feûmes… Mins s'drwèt da li,
c'est di n'nén v'lu qui tu coûrs après s'feûme ! Eyèt vous, Sophie, quand vosavez
passé pad'vant l'mayeûr, i vos-a loyî pou l'mèyeû èyèt pou l'pîre… Et bén,
vos èstez d'dins pou l'momint, pinsez au mèyeûs avou li et çoulà vos-éd'ra
bran.mint ! Bon asteûre, en route, chakun di s'costé !
(Silence de tous.)
Germain : (doucement) Tu n'aveus nén dandjî d'brère insi !
Sophie : Vos-avez rézon, Louis… mins i faut tout l'min.me qui dji vos dîye ène saqwè…
Dji n'seus nén mariyée !
Germain : Vos n'èstez nén mariyée ?
Louis : Di qwè ? ?
Sophie : Non fét !
Germain : Mins adon, qwè c'qui vos èstez pour li ?
63