Brochure à télécharger - Répertoire des pièces de théâtre et ...

ACTE III
Scène 1
(Louis - Mme Sivèle)
(Quand le rideau s'ouvre, Louis est en conversation avec madame Sivèle.)
Louis : Vos compèrdez asteûre ?
Mme Sivèle : Oyi, oyi…
Louis : Seûl'mint Germain in.me mieûs d'ratinde qui ça fuche zèles qui l'quitent !
Mme Sivèle : Dji l'èrconès bén là… C'est st-in'ôme plin d'délicatesse !
Louis : Oyi ! Et s'i continûwe, i s'ra plin d'trôs ou plin d'plomb ! Adon qu'ça poureût
yèsse si simpe ! "Choûtez m'pètit pouyon, mins inte di nos deûs, ça n'pout pus
durer…" Et là-d'sus "Ar'vwêr… Dji n'vos roubliy'ré jamés…"
Mme Sivèle : Putète mins pou dire çoulà… I faut awè…
Louis : Faut awè du courâdge, oyi ! Seûl'mint Germain… du courâdge, i r'chène pus
râde a in lapén qu'a in liyon ! Eureûs'mint qui dji n'seus nén come li, mi ! Vos dalez
vire come dji vas vos l'liquider, mi, Anne-Marie ! En deûs timps trwès
mouv'mints, èle s'ra su l'pavéye !
Mme Sivèle : Dji m'rafîye d'vire ça !
Louis : "M'pètit pouyon…"
Mme Sivèle : (croyant qu'il s'adresse à elle) Si vous plét ?
Louis : Dji fés come si…
Mme Sivèle : Ah bon !
Louis : "M'pètit pouyon, ramonc'lez tout vos courâdge, i vos d-è faura… Mins inte vous
èyèt Germain… C'est fini !… Avou ène miyète di patiyince, vos l'roubliy'rez !…
Ou bén, pèrdez-è in'aute !… Ar'vwêr Anne-Marie !"
Mme Sivèle : Vos-alez li dire ça insi ?
Louis : Nén in mot d'pus, nén yin d'mwins' !
Mme Sivèle : Yin d'mwins', ça s'reut mau al'vé !
Louis : Est-c'qu'on vos-a d'djà fét ène pikûre a l'fèsse ou aute paû ?
Mme Sivèle : Dji n'wès nén l'rapôrt !
51