Brochure à télécharger - Répertoire des pièces de théâtre et ...

Simon : Bén ètindu… Dji vos-aré raté !
Germain : Dji l'èspère bén…
Simon : Oh ! Mossieû…. Dji vos lèye et cô cint côps "merci" ! (croyant sortir, il entre
dans la cuisine. Hurlements de Mme Sivèle, bruit de vaisselle cassée. Il
ressort.) Mande escuse ! (aux hommes) Ecô mèrci ! Merci ! Mèrci ! (il sort)
Scène 6
(Louis - Germain - Mme Sivèle)
Louis : (regardant sortir le mari et allant refermer la porte) C'est st-in aut' genre
hin, sti-ci !
Mme Sivèle : (venant de la cuisine) Dijez ! Divant d'm'èrmète à m'bèzogne, vos pinsez qu'i
'nnè véra cô bran.mint des hurluberlus come sti-là ?
Louis : Dji pinse qui c'est l'dérin !
Mme Sivèle : Va cô bén… Sti-ci vos-ara cousté quate mile francs… Dji r'suweûs djustumint
l'caf'tiyère di Limoge ! (elle rentre dans sa cuisine)
Scène 7
(Louis - Germain puis Sophie)
Germain : Asteûre, dji seus sûr qui c'est st-Anne-Marie l'feûme du tuweû !
Louis : T'es seûr ??
Germain : Seûr èt certin !
Louis : Est-c'qui t'as vèyu Sophie ?
Germain : Non fét, dj'é doné l'lète au concièrge… A l'eûre qui l'est, èle l'a sûr'mint lu !
Quate côps qui dj'é r'cominçi c'lète-là. Tu n'mi crwèra nén, mins au momint qui
dji li scrijeûs qui dji n'pouleus pus l'vîre… Dji m'seus rindu compte qui dji
l'wèyeûs vorltî…
Louis : V'là aut' chôze, téns, asteûre !
Germain : Oyi, dji wès voltî Sophie !
Louis : Tu d'véns sot, Germain !
Germain : Putète bén… Mins si tu p'leus lire çu qui dj'é scrît dins l'dérin.ne lète, l'boûne
qwè, tu poureûs vîre qu'à costé di c'qui dj'é scrît, les déclaraciyons d'amoûr da
Roméo et Juliette s'rît ossi fâde qu'ène convokaciyon au tribunâl…
60