Brochure à télécharger - Répertoire des pièces de théâtre et ...

Germain : Vos-avez ène tchance su deûs qu'èle vos wèye… Savez bén qwè ? Vos-alez vos
catchî dins m'tchambe !
L'ôme : Dins vos tchambe ??
Germain : Oyi !… (le mari se dirige vers la chambre, il l'arrête) Mins non, ça n'va nén !
L'ôme : Mins pouqwè ?
Germain : Pac'qui vos d-alez ètinde çu qu'on va dire !!
L'ôme : Et adon ?
Germain : Bén… C'est st-ène miyète gin.nant !
L'ôme : Gin.nant ?
Germain : Choûtez, i faut qui dji vos-avoûwe ène saqwè !! Vos feûme ni vout nén m'quiter !
L'ôme : Qwè c'qui vos d'jez là ?
Germain : Quand vos-avez stî èvôye taleûre, djé fét v'nu vos feûme… Nos-avons yeû ène
èsplikaciyon et… èle ni vout nén m'quiter ! Et si èle èr'vént asteûre, c'est
seûr'mint pou m'supliyî qui dj'èl wârde !… Adon, ni m'd-è voulez nén mins…
L'ôme : Dijez, est-c'qui vos vos payez m'tièsse ?
Louis : (à lui-même) Non fét, s'feûme !
Germain : Vos n'mi crwèyez nén ?
L'ôme : Nén ène mîye, mossieû !
Germain : Bon et bén… Alez-è vos catchî dins m'tchambe et vos pourez chûre nos
conversaciyon ! Insi, vos n'pourez pus awè d'doutes su m'boûne volonté !
L'ôme : Sacré nom di…
Germain : Dji vos-è prîye, pont d'gros mots ! Et surtout, qwè qu'èle dîye, ni sôrtez nén
d'èl tchambe qui quand èle s'ra st-èvôye !
L'ôme : C'est st-onteûs c'qui vos fèyez là !
Germain : Pourtant, dji n'wès rén d'aute à fér !
L'ôme : Onteûs, vos dis-dje !
(On sonne. Germain pousse le mari dans la chambre)
42