Brochure à télécharger - Répertoire des pièces de théâtre et ...

Germain : Dji n'sés nén, mi… I gn-a in mwès dijez ?
L'ome : I gn-a in mwès, oyi !… Vos-avez ramwin.né m'feûme droci !
Germain : Ah bon !
L'ome : Oyi ! L'dgin qui dj'vos-é parlé vos-a chuvu djusqu'arci et èle a ratindu deûseûres,
pa curiosité !
Germain : Nos-avons p'tète parlé d'ène afêre ou l'aute ! Vos savez…
L'ome : Vos vos foutez d'mi ? Vos m'pèrdez pou in-inocint ?
Germain : Min non. Mins i m'arive cô bén d'èrcuvwêr des feûmes droci sins pou çoulà…
L'ome : On n'ramwin.ne nén à s'maujône, pou parler, ène feûme à qui on vént
d'tchipoter les dwèts dins-in restaurant ! Dji n'seus nén tcheû d'èl dérin.ne
ploûve.. et pwîs, dji conès m'fêume, mi !
Germain : Ah ! (à part) Vos-avez d'èl chance ! (à l'ome) Et c'n'est nén ène feûme à…
L'ome : A qwè ?
Germain : Enfin, dji voux dire, qu'èle n'est nén feûme à.. à n'nén… ou pus râde portéye…
su…
L'ome : Vos d'vrîz l'sawè t'ossi bén qu'mi ! D'ayeûrs, dji n'vos pâle nén d'çoulà, dj'é
voulu dire qui m'feûme n'est nén ène feûme à s'lèyî tchipoter les dwèts pa inôme
qu'èle n'in.m'reût nén et si èle vos-in.me ou crwèt vos-in.mer, èle vos-ara
sûr'mint doné aut'choze qui ses dwèts… Enfin, l'maû est fét…
Germain : Et qwè c'qui vos v'lez ?
L'ome : Asteûr, vos d-alez m'èl rinde !
Germain : Vos l'rinde ?
L'ome : M'èl rinde, oyi ! Cu qui vout dire qui dji vos disfinds di l'èrvîre !
Germain : Vos m'disfindez !!
L'ome : Vos n'pinsez nén qui dji vas lèyî continuwer ça, asteûre qui dji sés tout !
Germain : Non fét, bén sûr !
L'ome : Audjourdû au gnût, tout dwèt yèsse fini inte di vos deûs !
Germain : Audjourdû au gnût ?
L'ome : Sins qwè…
18