Brochure à télécharger - Répertoire des pièces de théâtre et ...

Scène 11
(Germain - Christine)
Christine : Germain ! Djurez-m' qui vos n'm'avez nén dit l'vré t'taleûre !
Germain : Bon… Et bén oyi, dji vos-é minti… L'istwêre di vos n'ôme qu'est v'nu droci, ça
n'èsteut nén vré ! Dji pinseus qu'en vos racontant çoulà, vos-arîz avalé l'pilûre
pus aujîmint !
Christine : C'est bén c'qui dji pinseus… Vos n'voulez pus d'mi !
Germain : Pus du tout !
Christine : Et est-c'qui dji poux sawè pouqwè ?
Germain : I m'arive télcôp d'awè onte !
Christine : Onte di mi ?
Germain : Mins qu'alez-là pinser… Qui du contrère, bèle come vos l'èstez, on dwèt
s'èrcrèster d'vos-awè a s'bras !
Christine : Adon, pouqwè avez onte ?
Germain : I m'arive di pinser à vos n'ôme… Adon, dj'é onte ! V'là !
Christine : Vos pinez à m'n-ôme ? Mins c'est nouvia çoulà !
Germain : Ah mins non fét ! C'n'est nén nouvia ! Combén d'côps est-c'qui dji m'é dit…
Christine : Vos n'èl con'chez min.me nén, m'n-ôme !
Germain : Dji n'conès nén vos n'ôme, mi ! Si vos savîz…
Christine : Vos l'con'chez ?
Germain : Hin ?… Eu, non fét, non fét ! Mins i gn-a des côps qui dji pinse à li… Dji m'èl
figure tél' qui dwèt yèsse… Lwèyâl, fidèle, onète, malén…
Christine : Insi, vos vos mètez à pinser a m'n-ôme, come ça… tout d'in côp !
Germain : Dji vos répète qui non ! V'là d'djà tout in timps qui dj'é des r'môrds et qui dji
v'leus vos d-è parler… Mins vos savez… On r'mèt toudis au lèd'mwin !
Christine : Comint ?? C'est pou in'inocint parèy' qui vos m'fèyez ène téle comédîye ?
Germain : Inocint !… Inocint !… Sins v'lu vos consyî, vos n'duvrîz nén pârler insi d'vos
n'ôme…
Christine : Et pouqwè si vous plét ?
44