Brochure à télécharger - Répertoire des pièces de théâtre et ...

Louis : Et èle a v’nu ?
Germain : Ele y èsteut d’djà divant mi… C’est drôle çu qu’ti m’raconte là, èle ni m’a parlé
d’rén !
Louis : A qué n’eûre est-c’qui t’es arivé au restaurant ?
Germain : I d’veut yèsse wît’ eûres… Ele buveut in porto en m’ratindant…
Louis : Esplikons-nous bén… Christine buveut in porto au restaurant su l’timps qu’èle
mwin.neut l’arèdje au garâdge ?… C’est ossi clèr qui du djus d’tchaussète !
Germain : Mins qui est-ce qui t’pâles di Christine ? C’est d’Anne-Marie qui dji t’pâle !
D’Anne-Marie qu’est dins l’bègnwâre (il regarde sa montre) noyîye pou l’pus sûr,
dispus l’timps qu’èle est d’dins ! Mins adon, dj’y pinse… Christine a passé pau
garâdge ?
Louis : D’après lèye, vos d’vîz vos vîre ayèr au gnût à wît eûres au garâdge.
Germain : Mins non fét, c’n’èsteut nén pou ayèr, mins pou audjourdû !
Louis : V’là ène afêre qui tu duvras li esplikér, d’abôrd !
Germain : Aye aye aye !!! Qwè c’qu’èle a dit ? Qwè c’qu’èle a fét ?
Louis : Bén, èle a pou cominçi ratindu bén paujèrmint pou l’mwins’… trinte sègondes
pwîs èle s’a planté en plin mitan du garâdge en brèyant come ène possédéye “Dji
m’va li fér s’portrét mi, à s’coureûs d’kôtes-là…. ! Ah ! I m’fét …”
Germain : (le coupant et montrant la chambre) Oyi, lèbon, ça va !
Louis : On a tout fét pou l’rapaujî, tu comprinds… Les cliyents f’yîs des-îs come des
sarlètes ! Rén à fér, pus nos sayî d’èl fér tère, pus èle brèyeût !
Germain : Et ele a d’meuré là longtimps ?
Louis : Dji n’d-è sés rén, dj’é d’vu n’aler… Tout c’qui dji sés, c’est qu’dj’èsteus d’djà
bén lon dins l’rûwe qui dji l’ètindeûs cô djurer ses grands dieûs qui t’areus d’ses
nouvèles ! C’est min.me èwarant qu’èle ni t’eûche nén cô téléfoné !
Scène 3
(Louis – Germain – Mme Sivèle)
(Mme Sivèle entre de la cuisine avec le plateau du déjeuner. Elle le dépose sur la table. Les
deux hommes s’installent.)
Germain : Eyu c’qu’i faut fét l’crwès ? Et bén, dji comince bén l’djournéye !
Mme Sivèle : Est-c’qui vos-arez assez d’pwin ?
4