Brochure à télécharger - Répertoire des pièces de théâtre et ...

Scène 8
(Germain - l'ôme)
(Louis ouvre la porte et paraît l'homme. Celui-ci,les deux mains dans ses poches, vient se
planter devant Germain, qui lui aussi, a les deux mains dans les poches. Louis s'éclipse.)
L'ôme : Qwè v'leut dire vos côp d'téléfone ?
Germain : Mossieû ! Vos d-alez yèsse binaûje… Dji véns d'vire vos feûme… Ele est
d'akôrd d'ènn'è fini…
L'ôme : Aha !
Germain : Achîdez-vous ! (il le fait asseoir et s'assied également)
L'ôme : Merci…
Germain : Nos-avons pârlé et réfléchî bran.mint et…
L'ôme : Et comint a-t-èle pris l'afêre ?
Germain : Fôrt bén ! Ele a stî ène miyête s'barée d'èl déciziyon qui dj'aveus pris tout
d'in côp… Dji li é fét comprinde qui d'continûwer a s'vîre toudis en catchète
n'èsteut pus possîpe et…
L'ôme : Drwète come dj'èl conès, nos n'arez pont yeû d'maû à li fér admète…
Germain : Pont, come vos l'dijez !
L'ôme : Dj'ènn'èsteus sûr ! Est-c'qu'èle vos-a d'mandé des-èsplikaciyons ?
Germain : Bén sûr… "Mins qwè c'qui vos prind, Germain ? Insi, tout d'in côp !" dj'é mètu
tout m'keûr pou li fér comprinde et dji n'vos catch'ré nén qu'èle a stît toute
èstomakéye…
L'ôme : Eyèt binaûje sûr'mint, dj'ènn'è mètreûs m'mwin au feû !
Germain : Quand dji li é fét paûrt di mes-idéyes, èle èsteut aus-andjes…
L'ôme : Bravo ! Mins dijez… Coulà n'a nén l'èr di vos-aflidjî bran.mint !
Germain : Bén… vos savez… dji seus pus râde contint… Ele a stît tout d'chûte d'akôrd !
L'ôme : C'est st-ène malaujîye étape à passer…
Germain : Et cô yène à passer et nos s'rons woûte !
L'ôme : Qwè c'qui vos v'lez dire ?
69