ministeru tal-affarijiet barranin - Ministry of Foreign Affairs Malta

More documents

Recommendations

Info

Żjarat importanti f’Malta 44 żjara minn dinjitarji barranin f’Malta Il-Ministeru tal-Affarijiet Barranin permezz tad-Direttorat tal-Protokoll u s-Servizzi Konsolari kien strumentali biex jgħin f’44 żjara uffiċjali minn dinjitarji u personalitajiet importanti fil-qasam politiku u tar-relazzjonijiet internazzjonali. Personalitajiet minn 27 stat jżuru Malta Dawn iż-żjarat saru minn 27 stat differenti; kif ukoll minn 7 uffiċjali tal-Unjoni Ewropea fosthom il- President tal-Kunsill Ewropew Herman Van Rompuy, mis-Segretarju Ġenerali tal-Commonwealth Kamalesh Sharma u mis-Segretarju Ġenerali tal-Lega Għarbija Amre Moussa. Il-pajjiżi li minnhom oriġinaw dawn iż-żjarat huma, il-Ġermanja, l-Olanda, il-Palestina, it-Tuneżija, il-Mali, l-Iżrael, ir-Repubblika Ċeka, l-Angola, il-Fillandja, l-iżlanda, l-Isvezja, in-Niġerja, l-Italja, iċ- Ċina, Franza, il-Korea, il-Libja, is-Serbja, il-Kanada, l-iSlovakkja, il-Bulgarija, il-Polonja, in-Norveġja u Spanja. 15-il personalità politika li ġew Malta minn fost dawn il-pajjiżi li semmejna ikopru karigi għolja ta’ ministri jew viċi-ministri tal-pajjiżi rispettivi tagħhom 7 uffiċjali għolja mill-Unjoni Ewropea fosthom il-President tal-Kunsill Ewropew Van Rumpoy iżur Malta L-Uffiċjali għolja mill-Unjoni Ewropea kienu dawn: Il-Viċi President tal-Kummissjoni Ewropea responsabbli mill-Ġustizzja, il-Libertà u s-Sigurtà Jacques Barrot; Il-Viċi President tal-Kummissjoni Ewropea Responsabbli mill-Intrapriża u l-Industrija Gunther Verheugen; il-Viċi President tal-Kummissjoni Ewropea Responsabbli għat-Trasport Antonio Tajani; il-Kummissarju Ewropew għall-Kummerċ Catherin Ashton; il-Kummissarju Ewropew responsabbli mill-Impjiegi, l-Affarijiet Soċjali u l-Ugwaljanza Vladimir Spidla; il-Kummissarju Ewropew Responsabbli mir-Relazzjonijiet Esterni u l-politika mal-pajjiżi ġirien Benita Ferrero Waldner u l-President tal-Kunsill Ewropew Herman Van Rumpoy L-ikbar konferenza tal-Konsli f’Malta - Madwar 90 Konslu f’Malta F’Marzu tas-sena 2009 madwar 90 Konslu Onorarju minn 50 pajjiż differenti ħadu sehem f’konferenza li matulha ipparteċipaw f’450 laqgħa individwali ma’ negozjanti u professjonisti Maltin. Fost il-pajjiżi li ġejjin minnhom dawn il-Konsli, insibu l-Awstralja, il-Kanada, ir- Renju Unit, l-Istati Uniti, iċ-Ċina, l-Indja, l-Awstrija, il-Ġermanja, l- Italja u Franza. Din il-Konferenza tal-Konsli Onorarji li saret f’Malta ħalliet il-frott tagħha f’iktar interess għall-investiment barrani f’Malta u għall-Maltin li jixtiequ jkabbru n-negozju tagħhom barra minn xtutna. Uħud mill-konsli li attendew għal-laqgħa f’ Malta
Żjarat importanti mill-Italja Matul l-istess perjodu, saru għadd ta’ żjarat importanti mill-Italja. Fosthom is-segretarju tal-Istat tal-Affarijiet Barranin tal-Italja, Enzo Scotti, il-Ministru tas-Saħħa Ferruccio Fazio u l-President tal- Kamra tad-Deputati tal-Italja Gianfranco Fini. Dawn it-tliet żjarat kienu importanti ħafna fit-tisħiħ tal-ħbiberija u r-relazzjonijiet bejn Malta u l-Italja speċjalment fiddawl tad-diffikultajiet li ż-żewġ pajjiżi jaffaċjaw minħabba l- immigrazzjoni illegali. Waqt iż-żjara li għamel Enzo Iż-żjara ta’ Gianfranco Fini f’ Malta Scotti f’Malta ġie ppreżentat ilpubblikazzjoni li wettaq il-Ministeru tal-Affarijiet Barranin ‘Malta & Italia, Amicizia Duratura’; Malta & Italja, Ħbiberija Dejjiema’ li permezz tiegħu ingħata ringrazzjament lill-Italja tad-diversi protokolli finanzjarji li saru bejn iż-żewġ pajjiżi u li minnhom Malta setgħet tgawdi l-frott ta’ din il-ħbiberija. Iż-żjara tal-Ministru tas-Saħħa Ferruccio Fazio wasslet biex jiġu ffirmati ftehim marbuta mas-saħħa u x-xjenza medika flimkien mal-Ministeru tal-Politika Soċjali ta’ Malta. Iż-żjara ta’ Gianfranco Fini li saret f’Jannar ta’ din is-sena kompliet tiftaħ il-bibien għal aktar relazzjonijiet b’saħħithom bejn iż-żewġ stati. Matul din iż-żjara, Fini faħħar lill-Malta għall-akkwist li għamlet marbut mal-Uffiċċju Ewropew għas-Sostenn dwar l-Ażil u wiegħed l-appoġġ tal-Italja biex dan l-uffiċċju jkun ta’ suċċess. Minn naħa tiegħu l-Viċi Prim Ministru u Ministru tal-Affarijiet Barranin Tonio Borg ippropona li jitwaqqaf kumitat parlamentari bejn iż-żewġ stati biex il-koperazzjoni tkompli tissaħħaħ. Intant huwa mistenni li fil-futur qarib, il-President Taljan Giorgio Napolitano jżur lill-Malta hekk kif matul ix-xhur li għaddew kien stqarr ix-xewqa tiegħu li jagħmel dan. Ir-Re ta’ Spanja f’Malta Fost l-aktar żjarat importanti kien hemm dik tar-Re ta’ Spanja li saret f’Novembru tal-2009. Matul din iżżjara r-Re ta’ Spanja kien akkumpanjat mill-Ministru tal-Affarijiet Barranin Spanjol Miguel Angel Moratinos Cuyabe’. F’din iż-żjara, il-Ministru tal- Affarijiet Barranin Spanjol ħabbar l- appoġġ ta’ Spanja għall-kandidatura ta’ Malta biex pajjiżna jospita l- Uffiċċju Ewropew għas-Sostenn dwar l-Ażil. F’din iż-żjara ġew iffirmati sitt ftehim bilaterali bejn iż-żewġ pajjiżi, u ieħor bejn il-Ministeri tal- Affarijiet Barranin taż-żewġ pajjiżi rispettivi. Konferenza tal-Aħbarijiet mal-Ministru tal-Affarijiet Barranin Spanjol Moratinos 10
Page 1: MINISTERU TAL-AFFARIJIET BARRANIN
Page 4 and 5: Iffukajna fuq l-industrija tat-tag
Page 6 and 7: Iffirmati u ratifikati madwar 40 ft
Page 8 and 9: Żjarat tal-Viċi Prim Ministru Bar
Page 10 and 11: Waqt it-taħditiet mal-Ministru tal
Page 12 and 13: F’din iż-żjara l-Ministru tal-A
Page 16 and 17: Iż-żjara tas-Segretarju tal-Affar
Page 18 and 19: Sena rekord ta’ kuntatti mal-Amba
Page 20 and 21: Għajnuna Umanitarja € 330,000 f
Page 22 and 23: Għajnuna lill-pajjiżi tal-Commonw
Page 24 and 25: Akkwisti • Ftuħ tal-Uffiċċju K
Page 26 and 27: Konferenzi • Konferenza Rekord ta
Page 28 and 29: Inizjattivi li jippromowovu l-ident
Page 30 and 31: L-Ambaxxata Maltija fir-Russja •
Page 32 and 33: L-Ambaxxata Maltija fil-Libja •
Page 34 and 35: L-Ambaxxata Maltija fl-Awstrija •
Page 36 and 37: Inizjattivi għall-Investiment u t-
Page 38 and 39: • Parteċipazzjoni ta’ Malta f
Page 40: • Il-Kummissjoni Għolja għenet

ministeru tal-affarijiet barranin - Ministry of Foreign Affairs Malta

Create successful ePaper yourself

Delete template?

Save as template?