ministeru tal-affarijiet barranin - Ministry of Foreign Affairs Malta

Żjarat fil-Lvant Nofsani
Fost iż-żjarat importanti li saru mill-Ministru Tonio Borg insemmu ż-żjarat f’Ġunju f’Tel Aviv u f’Ramallah.
F’din l-okkazjoni ġew inawgurati l-Ambaxxata Maltija f’Iżrael u r-Rappreżentanza Diplomatika
f’Ramallah.
Inħasset il-ħtieġa li din ir-relazzjoni tittieħed fuq livell iktar għoli, permezz ta’ rappreżentanza
diplomatika residenti. Dawn iż-żewġ rappreżentanzi qed jitħaddmu b’koperazzjoni diplomatika bejn
Malta u Ċipru wara li ż-żewġ pajjiżi iffirmaw ftehim li permezz tiegħu jintużaw l-istess uffiċċji għarrappreżentanzi
tagħhom.
Il-ftuħ tal-Uffiċċju tar-Rappreżentanza f’Ramallah ifisser mhux biss il-konkretizzazzjoni tar-rabtiet
storiċi mal-poplu Palestinijan fl-isforzi tiegħu sabiex iwaqqaf stat sovran, iżda l-preżenza ta’ Malta fil-
Palestina tippermetti li jissaħħu dawn ir-rabtiet u jiġu identifikati oqsma oħra ta’ koperazzjoni u jiġu
esplorati kif, fil-limitazzjonijiet tagħha, Malta tista’ żżid l-għajnuna tagħha lill-poplu Palestinjan. F’dan
il-kuntest it-Territorji Palestinjani jitqiesu bħala priorità għall-politika Maltija fil-qasam tal-iżvilupp ta’
pajjiżi oħrajn. Għaldaqstant, l-għanijiet prinċipali tar-rappreżentanzi l-ġodda huma li jiġu stabbiliti u
jissaħħu aktar ir-rabtiet mas-soċjetà Palestinjana u dik Iżraeljana fuq il-livelli kollha, kif ukoll li jagħtu
sehem fil-formulazzjoni tal-politika li tikkonċerna r-rabtiet li għandha Malta ma’ Iżrael u l-Awtorità
Palestinjana kif ukoll is-sitwazzjoni fil-Lvant Nofsani. Iż-żewġ uffiċċji jipprovdu rappurtaġġ tagħhom
mill-post fuq is-sitwazzjoni u l-iżviluppi li jseħħu f’dak li għandu x’jaqsam mal-proċess tal-paċi, liema
rappurtaġġ ikun kruċjali biex Malta tkun tista’ timbotta l- quddiem il-pożizzjonijiet tagħha f’fora
internazzjonali, speċjalment fi ħdan l-UE.
Waqt iż-żjara tiegħu fil-Palestina, il-Viċi Prim Ministru kellu laqgħat ma’ uffiċjali għolja tal-pajjiż,
fosthom mal-Ministru tal-Affarijiet Barranin Riyad al-Malki, il-Ministru tal-Ekonomija Dr Basem Khoury,
il-Ministru tal-Intern Said Abu Ali u l-Prim Ministru Salam Fayyad. Il-Viċi Prim Ministru Dr Tonio Borg
żar ukoll il-qabar tal-ex mexxej Palestinjan Yasser Arafat.
Waqt iż-żjara tiegħu fl-Iżrael, l-Viċi Prim Ministru enfasizza l-importanza li jkompli jissaħħaħ iddjalogu
ma’ Iżrael, u dan sabiex jiġu imsaħħa r-rabtiet eżistenti f’diversi oqsma tas-soċjetà u fl-istess
waqt ikunu analizzati oħrajn ġodda li jistgħu jkunu ta’ ġid għaż-żewġ pajjiżi. Iżrael għandu ħafna
x’jikkontribwixxi speċjalment fuq materji ekonomiċi, hemm ħafna potenzjali f’dak li għandu x’jaqsam
ma’ opportunitajiet ta’ kummerċ, speċjalment fid-dawl tas-sħubija ta’ Malta fl-Unjoni Ewropea. Ġew
diskussi ukoll possibiltajiet ta’ tisħiħ fis-setturi turistiċi, tal-IT, u dak tal-enerġija li tiġġedded, kemm
dik solari u dik tar-riħ. Il-Viċi Prim Ministru Tonio Borg kellu laqgħat mal-Viċi Prim Ministru Danny
Meridor, u mal-President Shimon Peres.
Żjarat fis-Sirja, il-Libanu u l-Ġordan
Is-Sirja
F’April il-Viċi Prim Ministru u Ministru tal-
Affarijiet Barranin Tonio Borg kellu taħditiet
mal-President tas-Sirja u mal-Ministru tal-
Affarijiet Barranin Sirjan, bħala parti mill-mawra
li għamel fi tliet pajjiżi tal-Lvant Nofsani: is-Sirja,
il-Ġordan u l-Libanu. It-taħditiet iffukaw fuq ilkollaborazzjoni
bejn iż-żewġ pajjiżi fuq materji
relatati mal-paċi u s-sigurtà fil-Mediterran, u kif
jistgħu jissaħħu r-relazzjonijiet bilaterali.
Il-Ministru Tonio Borg f’taħditiet mal-President tas-Sirja
Bashar Al-Assad