ministeru tal-affarijiet barranin - Ministry of Foreign Affairs Malta

Inizjattivi għall-Investiment u t-tkattir tax-xogħol
L-Ambaxxati u l-Konsolati Maltin barra minn Malta għandhom l-missjoni li mhux biss jassistu
f’għajnuniet konsolari iżda wkoll jibnu l-kuntatti ma’ industrijalisti barranin, jattiraw investituri
potenzjali, kif ukoll jgħinu lin-negozjanti Maltin meta dawn ikunu jixtiequ jkabbru n-negozju tagħhom
barra minn xtutna.
Dan jagħmluh f’sinerġija ma’ diversi istituzzjonijiet u rappreżentanti tan-negozju, fosthom il-Malta
Enterprise; Il-Kamra tal-Kummerċ u l-Intrapriża, Il-Kamra għall-Intrapriżi Żgħar u Medji (GRTU); Finance
Malta u oħrajn.
Fl-ewwel xahrejn tas-sena, l-Ambaxxati Maltin irċievew 250 kuntatt b’interess għall-investiment u
n-negozju.
Dawn huma uħud mill-inizjattivi li ittieħdu mid-diversi ambaxxati Maltin barra minn Malta fejn jidħol
investiment
L-Ambaxxata Maltija għall-Belġju u l-Lussemburgu
• L-Ambaxxata organizzat vjaġġ lejn Malta għall-personalitajiet Belġjani ta' profil għoli li kienu
jinkludu konsulenti finanzjarji importanti, nies tan-negozju u politiċi. Dan il-vjaġġ kien suċċess
kbir.
• L-Ambaxxata ppromwoviet bil-qawwa l-industrija tal-EFL ġo Malta. Grazzi għall-isforzi tal-
Ambaxxata, Malta kienet rappreżentata għall-ewwel darba fil-"Fetes des Langues" li kien
avveniment organizzat fis-Senat Belġjan. F'Novembru 2009, il-rivista ewlenija dwar l-EFL
fil-Belġju ddedikat istorja prinċipali tagħha għal Malta. Flimkien mar-rivista kien hemm CD
Rom dwar Malta. Dawn l-isforzi wasslu biex ikun organizzat “seminar” dwar l-Ingliż lill-grupp
ta’ madwar 50 għalliema ta’ l-Ingliż. Dawn l-għalliema huma ġejjien mir-reġjuni ta’ fejn hu
mitkellem l-Olandiż u l-Franċiż. Dan l-avveniment huwa mistenni li jkollu effett multiplikatur
qawwi għall-industrija tal-EFL f'Malta.
L-Ambaxxata Maltija fl-Italja
• L-Ambaxxata, flimkien mal-Malta Enterprise, ikkordinat seminar kummerċjali f' Milan f’ April
'09. Il-parteċipanti kienu ndirizzati, fost oħrajn, mir-rapprezentanti ta' Malta Enterprise,
SmartCity Malta u Finance Malta.
• L-Ambaxxata ffaċilitat il-proċess li wassal għal-iffirmar tal-MoU bejn il-Ministri tas-Saħħa ta'
Malta u tal-Italja. L-iffirmar seħħ f'Malta f’ Diċembru, 2009.
• L-Ambaxxata ffaċilitat inkontri bejn Malta Enterprise u investituri Taljani fil-farmaċewtika u
fuq talba ta' industijalisti Maltin għenet biex jinbnew kuntatti serji f'prodotti ta' teknoloġija
għolja.
Il-Kummissjoni Għolja Maltija fl-Indja
• Ingaġġat uffiċjal biex jirrapreżenta lill-Università ta’ Malta sabiex pajjiżna jiġi ppreżentata lillstudenti
Indjani bħala destinazzjoni għall-edukazzjoni terzjarja.
• Inħatar Konslu Onorarju fil-belt ta’ Chennai, bi skop li tinfirex il-ħidma ta’ promozzjoni ta’ Malta
fil-qasam tal-investimenti, tat-turizmu u tal-edukazzjoni.
31