ministeru tal-affarijiet barranin - Ministry of Foreign Affairs Malta

More documents

Recommendations

Info

Għajnuna lill-pajjiżi tal-Commonwealth Matul l-aħħar xhur Malta offriet għajnuna lil tlett pajjizi tal-Commonwealth cioè lill-Mauritius, lis- Seychelles u lil Swaziland. Mauritius Wara talba mill-Mauritius lill-gvern ta’ Malta għall-għajnuna f’oqsma speċifiċi, il-gvern bl-għajnuna tal-Universita’ ta’ Malta se jkun qed jgħin permezz ta’ espert fil-qasam ta l-iżvilupp sostenibli li se jaghti konsulenza lill-gvern ta’ Mauritius, kif ukoll, billi tipprovdi boroz ta’ studju. Seychelles Il-President tas-Seychelles kien talab l-assistenza ta’ Malta għall-proġett ta’delimitazzjoni tal-fruntieri marittimi. Malta ssuġġeriet espert f’dan il-qasam. L-għajnuna ta’ Malta lis-Seychelles ser tippermetti lil dan il-pajjiż jissottometti talba lill-Ġnus Magħquda biex jestendi l-fruntieri marittimi. Swaziland Waqt iż-żjara f’April tal-2008 tal-Ministru għall-Affarijiet Barranin ta’ Swaziland, is-Senatur Dr. M. M Dlamini, l-għajnuna ta’ Malta intalbet biex tipprovdi esperti fit-teknoloġija tal-informatika sabiex jitlesta pjan biex jintroduċu l-użu tal-kompjuters fl-iskejjel ġewwa s-Swaziland. Malta u Swaziland innominaw l-esperti rispettivament u matul din is-sena bdew id-diskussjonijiet bejn il-Ministeru għall-Edukazzjoni, Kultura, Żgħażagħ u Sport u l-awtoritajiet ġewwa s-Swaziland. Permezz ta’ dawn id-diskussjonijiet ir-relazzjonijiet bejn Malta u Swaziland jistgħu jissaħħu u Malta jkollha rwol fit-tkattir tat-teknoloġija tal-informatika fl-Afrika. Malta tgħin fit-tħaris tad-Demokraziji barranin billi serviet bħala osservatur f’elezzjonijiet Il-politika barranija ta’ Malta tappoġġja u tippromovi t-tisħiħ tad-demokrazija f’kull parti tad-dinja. Iktar minn hekk Malta tikkontribwixxi fil-proċess ta’ demokratizzazzjoni f’diversi pajjiżi madwar iddinja. Il-monitoraġġ elettorali mhux biss ifisser impenn lejn il-valuri tad-demokrazija, iżda huwa wkoll opportunita` għall-Maltin biex jieħdu sehem attiv u jikkontribwixxu b’mod konkret fuq il-firxa akbar tal-prinċipji demokratiċi u tmexxija tajba. Fis-sena 2009, Malta pparteċipat fi tlett missjonijiet oħra ta’ osservazzjoni elettorali fil-Malawi, fil- Libanu u fil-Bolivja. Erba’ osservaturi Maltin ħadu sehem f’dawn il-missjonijiet Huwa bżonn fundamentali li jkun hemm tmexxija tajba li tingħażel b’mod demokratiku f’kull pajjiż. Importanti wkoll li l-proċess li permezz tiegħu jingħażlu dawk li ser jiġu fdati bit-tmexxija jkunu jgawdu il-kunsens ġenerali tal-poplu. Huwa f’dan il-kuntest li Malta tagħti mportanza lit-tixrid ta’ kultura globali favur elezzjonijiet ħielsa li jippermettu li titwettaq ix-xewqa tal-popli. Xogħol fi ħdan l-Unjoni Ewropea u istituzzjonijiet oħra bl-għan aħħari jkun l-Iżvilupp tal-pajjiżi fi bżonn Matul l-2009, il-Ministeru kompla jfassal il-politika barranija fil-qasam tal-iżvilupp, bil-għan li Malta tilħaq il-kontribut tagħha. B’hekk, Malta flimkien ma’ l-Unjoni Ewropea tagħti s-sehem tagħha biex jintlaħqu l-miri tal-Millennium Development Goals (MDGs). Fid-dokument għall-politika Maltija għall-iżvilupp, Malta qegħda tiffoka l-għajnuna tagħha fuq diversi oqsma fosthom: • Li jinqered il-faqar u l-ġuħ biex b’hekk ikun possibbli li tintlaħaq l-ewwel mira tal-Millenium Development Goals; • is-Saħħa, 17
• l-Edukazzjoni u l-formazzjoni rikreattiva, • l-Informazzjoni u l-Komunikazzjoni Teknoloġika, • il-proċess demokratiku u t-tmexxija tajba; u • it-tfal Malta qegħda tagħti s-sehem tagħha ta’ għajnuna permezz ta’ organizzazzjonijiet internazzjonali bħall- Unjoni Ewropea, il-Kunsill tal-Ewropa, il-Commonwealth, l-Organizzazzjoni tas-Sigurtà u l-Kooperazzjoni Ewropea, il-Ġnus Magħquda u l-istituzzjonijiet tagħha. Malta kompliet tipparteċipa fid-diversi Working Groups tal-Unjoni Ewropea, fosthom fil-Grupp li jikkonċerna l-pajjiżi tal-Afrika, il-Karibew u l-Paċifiku (ACP Working Party) il-Grupp ta’ l-Iżvilupp (CODEV), il-Grupp ta’ l-Għajnuna Alimentarja u dak tal-Għajnuna Umanitarja, kif ukoll il-laqgħat għall-DGs Development. Malta tipparteċipa attivament f’dawn il-Gruppi, billi tesponi l-ideat u tħares l-interessi tagħha fil-politika u r-regolamenti fuq l-iżvulupp li jkunu qed jiġu diskussi. Ir-Rwol ta’ Malta fl-“Afrika-EU Partnerships” Malta, flimkien mal-Kummissjoni Ewropea u pajjiżi oħra ta’ l-Unjoni Ewropea, qed tipparteċipa fl- Africa-EU Partnership, li hija għaqda ta’ sħubija bejn il-pajjiżi tal-Unjoni Ewropea u dawk tal-Unjoni Afrikana fuq l-MDGs, imwaqqfa wara li ġie adottat l-EU-Africa Action Plan li jkopri s-snin 2008 u l- 2010. Dan il-grupp għandu d-dmir li jara li jkun hemm bażi finanzjarja u politika biex jinkisbu l-MDGs; u li jħaffef il-proċess sabiex jintlaħqu l-miri tal-MDGs, rigward is-sigurta` tal-ikel, il-qasam tas-saħħa, u l-edukazzjoni. L-Unjoni Ewropeja tixtieq li l-pajjiżi Afrikani jaħdmu id f’id ma’ pajjiżi donaturi Ewropej b’sens ta’ koperazjoni u ftehim bejniethom. Il- pajjiżi Afrikani għandhom jiftehmu biex ikun hemm aktar sigurtà u koperazjoni bejn il-pajjiżi ġirien u bejn reġjun u ieħor. B’hekk jinħoloq aktar ftehim u kummerċ li għandu jgħin li dawn il-pajjiżi biex jgħollu l-għexien tagħhom. Il-punti bażiċi ta’ dan il-ftehim huwa li kemm il-pajjiżi donaturi kif ukoll dawk li qegħdin jirċievu l-għajnuna jippruvaw biex flimkien isibu soluzjoni u negozjar għal aktar żviluppi fil-qasam tal-kummerċ, edukazjoni, saħħa, sigurtà, fis-settur agrikolu u speċjalment l-ikel. F’dan il-kuntest, it-taħditiet qegħdin jiffukaw l-aktar fuq dawn il-punti u l-mira qegħda taħdem kif jista jiġi mnaqqas il-faqar u l-ġuħ f’dan il-kontinent. Ser jitkompla l-eżerċizzju annwali biex tiġi kkalkulata l-għajnuna li l-Gvern Malti jagħti kull sena lillpajjiżi li għadhom qed jiżviluppaw. Il-Politika ta’ Żvilupp Barrani tagħraf ukoll l-importanza tal-Għajnuna Umanitarja għall-Iżvilupp. Din għandha tingħata wkoll mingħajr kundizzjonijiet u f’kull ċirkostanza. Kriżijiet umanitarji jistgħu jseħħu kemm b’kaġun ta’ l-għemil tal-bniedem, kif ukoll minħabba diżastri naturali. Il-Jiem Ewropej ta’ Żvilupp Illum il-ġurnata l-avveniment Il-Jiem Ewropej ta’ Żvilupp, huwa meqjus bħala t-tielet l-akbar avveniment organizzat mill-Kummissjoni Ewropea. Malta pparteċipat ukoll fl-edizzjoni tal-2009 li saret f’Ottubru fi Stockholma, fl-Isvezja, u ttrattat it-tema ‘Iċ-Ċittadin u l-Iżvilupp’ . F’din l-edizzjoni, Malta pparteċipat permezz ta’ delegazzjoni magħmula mill-Ministeru tal-Affarijiet Barranin, kif ukoll minn rapprezentanti tas-socjeta’ ċivili, bħala rikonoxximent lejn l-esperjenza u l-kontribut tagħhom fil-qasam ta’ l-iżvilupp. Din id-delegazzjoni tellgħet stand fil-Villaġġ ta’ l-Iżvilupp, fejn ħejjiet materjal dwar ix-xogħol li l-partijiet konċernati qegħdin iwettqu f‘dan il-qasam. 18
Page 1: MINISTERU TAL-AFFARIJIET BARRANIN
Page 4 and 5: Iffukajna fuq l-industrija tat-tag
Page 6 and 7: Iffirmati u ratifikati madwar 40 ft
Page 8 and 9: Żjarat tal-Viċi Prim Ministru Bar
Page 10 and 11: Waqt it-taħditiet mal-Ministru tal
Page 12 and 13: F’din iż-żjara l-Ministru tal-A
Page 14 and 15: Żjarat importanti f’Malta 44 żj
Page 16 and 17: Iż-żjara tas-Segretarju tal-Affar
Page 18 and 19: Sena rekord ta’ kuntatti mal-Amba
Page 20 and 21: Għajnuna Umanitarja € 330,000 f
Page 24 and 25: Akkwisti • Ftuħ tal-Uffiċċju K
Page 26 and 27: Konferenzi • Konferenza Rekord ta
Page 28 and 29: Inizjattivi li jippromowovu l-ident
Page 30 and 31: L-Ambaxxata Maltija fir-Russja •
Page 32 and 33: L-Ambaxxata Maltija fil-Libja •
Page 34 and 35: L-Ambaxxata Maltija fl-Awstrija •
Page 36 and 37: Inizjattivi għall-Investiment u t-
Page 38 and 39: • Parteċipazzjoni ta’ Malta f
Page 40: • Il-Kummissjoni Għolja għenet

ministeru tal-affarijiet barranin - Ministry of Foreign Affairs Malta

Create successful ePaper yourself

Delete template?

Save as template?