ministeru tal-affarijiet barranin - Ministry of Foreign Affairs Malta

More documents

Recommendations

Info

Akkwisti • Ftuħ tal-Uffiċċju Konġunt bejn il-Kummissjoni Ewropea u l-Lega Għarbija • Malta takkwista d-dritt li tospita l-Uffiċċju Ewropew għas-Sostenn tal-Ażil Ftuħ tal-Uffiċċju Konġunt bejn il-Kummissjoni Ewropea u l-Lega Għarbija (EC-LAS) Wara li fil-qafas tal-Unjoni għall- Mediterran il-Lega Għarbija ngħatat, anki bl-appoġġ ta’ Malta, l-istatus ta’ osservatur, din l-organizzazzjoni qed tingħata rwol aktar important fir-relazzjonijiet inter reġjonali mill- Kummissjoni Ewropea. Fid-dawl ta’ l-eżitu pożittiv tal-konferenza Minsiterjali bejn l-UE u l-Lega li seħħet f’Malta fl-2008 u b’rikonoxximent għall-kontribut li l-Lega qed tgħati fiddjalogu Ewro-Għarbi, fl-14 ta’Ottubru 2009 ġie inawgurat f’Malta Uffiċċju Konġunt bejn il-Kummissjoni Europea u l-Lega Għarbija, intiż sabiex jikkordina assistenza u programm tekniku biex jissaħħah il-proċess ta’ paċi u demokratizzazzjoni. L- inawgurazzjoni ta’ dan l-Uffiċċju Konġunt huwa xhieda tar-rwol importanti u r-responsabbiltà li għandha Malta sabiex isservi bħala pont bejn iż-żewġ regjuni u kulturi. Il-ftuħ ta’dan l-Uffiċċju huwa żvilupp speċjalment pożittiv għal Malta, meta wieħed iqis li kien hemm min għall-bidu ma rax il-ħtieġa li r-relazzjonijiet bejn l-UE u l-Lega Għarbija jieħdu xejra strutturata. Malta ppersistiet fil-għan tagħha anki permezz ta’ koordinazzjoni mal-Kummissjoni Ewropea u l-Lega Għarbija. Il-Proċess ta’ Barċellona: Unjoni għall-Mediterran Il-Viċi Prim Ministru Tonio Borg jinagwura l-EC-LAS Office flimkien mal-Prim Ministru Lawrence Gonzi, mas-Segretarju Ġenerali tal-Lega Għarbija Amre Mousa, il-Kummissarju Ewropew Benita Ferrero Waldner u s-Segretarju Permanenti fi ħdan il-Ministeru tal-Affarijiet Barranin Cecilia Attard Pirotta Fl-2009 beda jiltaqgħa f’Barċellona l-Grupp Informali għat-tfassil tal-iStatuti tas-Segretarjat tal-Unjoni għall-Mediterran, bil-għan li dan is-Segretarjat jibda l-ħidma tiegħu mill-aktar fis possibli sabiex jintagħżlu u jibdew joperaw il-proġetti maħsuba biex itejjbu id-djalogu u l-kwalita` tal-ħajja tal-popli fir-reġjun Mediterranju. Malta pparteċipat bis-sħiħ f’dawn il-laqgħat, kif ukoll f’laqgħat għall-Ufficjali Għolja tal-Unjoni għall- Mediterran li reġgħu bdew jitlaqqgħu f’April 2009 . Laqgħat tekniċi f’oqsma diversi ta’ koperazzjoni fost il-pajjizi membri tal-Unjoni għal-Mediterran komplew iseħħu mingħajr diffikultajiet. Malta ħadet sehem attiv f’dawn il-laqgħat permezz ta’ parteċipazzjoni ta’ uffiċċjali u esperti minn Ministeri varji. Minkejja li l-Konferenza Annwali tal-Ministri tal-Affarijiet Barranin tal-pajjiżi membri fl-Unjoni għall-Mediterran li kellha ssir f’Istanbul fit-Turkija ġiet posposta sakemm tinstab data iktar vijabli sabiex jitlaqqgħu l-imsieħba kollha. Fuq livelli settorjali tlaqqgħet f’Marrakesh, il-Marokk, il-Laqgħa Ministerjali ir-Rwol tan-Nisa fis-Soċjetà, f’ Novembru 2009, kif ukoll il-Laqgħa Ministerjali dwar il- Kummerċ, f’ Diċembru 2009 fi Brussel, il-Belġju. Malta, flimkien mal-pajjiżi membri tal-Unjoni għall- 19
Mediterran, esprimiet id-dispjaċir tagħha meta tħabbar li l-laqgħa Ministerjali dwar l-Ambjent, li kienet maħsuba li ssir f’Dubrovnik, il-Kroazja, tħassret minħabba li d-dati li kienu ġew maqbula għal din il-laqgħa, inzertaw jaħbtu mal-festa reliġjuza tal-Eid Al-Adha fil-pajjiżi Islamiċi. Minkejja dan, illaqgħa mistennija ssir fl-2010. Il-pajjiżi membri tal-Unjoni Ewropea fi ħdan l-Unjoni għall-Mediterranean laħqu qbil dwar dokument intitolat “Unjoni għall-Mediterran: Abbozz ta’ linji gwida tal-UE u Programm ta’ Ħidma għall-2010”. Dan id-dokument għandu jservi ta’ gwida għall-pajjiżi tal-Unjoni Ewropeja fil-ħidma settorjali tagħhom fi ħdan l-Unjoni għall-Mediterran, filwaqt li jindika liema laqgħat Ministerjali huma maħsubin għassena 2010, fosthom dawk dwar l-Enerġija, dwar it-Trasport, dwar l-Ambjent, dwar il-Kultura, dwar l-Agrikoltura u s-Saħħa Alimentari, dwar l-Ilma u dwar il-Ġustizzja u l-Intern, kif ukoll laqgħat oħra bil-għan li jingħata sostenn kontinwu lill-izvilupp fil-Mediterran. Malta mistennija tinnomina Deputat Segretarju-Ġenerali fi ħdan is-Segretarjat tal-Unjoni għall- Mediterran, b’riżultat tal-ftehim milħuq f’Marsilja f’Novembru 2008 u tax-xogħol imwettaq mill-Grupp Informali għat-Tfassil tal-iStatuti tas-Segratarjat tal-istess Unjoni. Dan is-Segretarjat għandu jibda` l- ħidma tiegħu fix-xhur li ġejjien bil-għan li jibdew jintgħażlu u joperaw proġetti għall-benefiċċju tal-pajjiżi fiż-żona Ewro-Mediterranja – l-ewwel fosthom, is-sitt progetti indikati fid-Dikjarazzjoni ta’ Marsilja. Assembleja Parlamentari Mediterranja (PAM) tikseb l-istatus ta’ osservatur F’Marzu 2009, fuq l-inizzjattiva tas-Segeratarjat tal-PAM, u bl-għajnuna tal-Kamra tar-Rappreżentanti u tal-Ministeru tal-Affarijiet Barranin, ġie organizzat ‘Jum il-Mediterran’. Ġiet organizzata sessjoni ta’ taħdidiet fil-Kamra tad-Deputati tal-Parlament Malti, fil-waqt li fil-Ministeru tal-Affarijiet Barranin seħħ l-ewwel djalogu akkademiku bil-kollaborazzjoni tal-Akkademija Mediterranja għall-Istudji Diplomatiċi fl-Universita` ta’ Malta. Din l-attivita` laħqet il-mira tagħha bil-parteċipazzjoni ta’ studenti mill-istess Akkademija, mill-Junior College, mill-MCAST, mill-Kullegg ta’ De La Salle u membri tal-Korp Diplomatiku Malti. Huwa mistenni li din l-attivita` ssir avveniment annwali fil-kalendarju tal-PAM. Fuq talba tas-Segretarju-Ġenerali tal-PAM, ittra maħruga mir-Rappreżentanti Permanenti ta’ Malta u ta’ Franza għall-Ġnus Magħquda fi New York ġiet indirizzata lis-Segretarju-Ġeneral tal-Ġnus Magħquda fejn formalment intalab l-istatus ta’ osservatur għal-PAM fil-Ġnus Magħquda. Ir-Rappreżentanza Permanenti ta’ Malta fi New York f’kuntatt kostanti ma’ dik Franċiża – din tal-aħħar hija membru fil-Kumitat Ġeneral tal-Ġnus Magħquda – ħadmet bis-sħiħ sabiex it-talba issib is-sostenn tas-Sitt Kumitat. Inżammew ukoll kuntatti ma’ rappreżentazzjonijiet oħra fi New York li l-pajjiżi tagħhom huma membri tal-PAM. L-Assemblea Parlamentari tal-Mediterran kisbet l-istatus ta’ osservatur permezz ta’ deċiżjoni tal-laqgħa plenarja tal-erbgħa u sittin sessjoni tal-Assemblea Ġeneral tal-Ġnus Magħquda li taddotta ir-rapport tas-Sitt Kumitat, liema deċiżjoni ttieħdet f’ Diċembru 2009. Malta takkwista d-dritt li tospita l-Uffiċċju Ewropew għas-Sostenn dwar l-Ażil F’Diċembru 2009, Malta ġiet magħżula sabiex tospita l-Uffiċċju Ewropew ta’ Sostenn Dwar l-Ażil (EASO). Dan kien possibbli bis-saħħa tal-ħidma effettiva tal-Ministeru tal-Affarijiet Barranin, il-Ministeru tal-Ġustizzja u l-Intern, u l-Ambaxxati ta’ Malta fil-pajjiżi Ewropej, b’mod speċjali ir-Rappreżentanza Permanenti ta’ Malta għall-Unjoni Ewropea. Bis-saħħa tagħhom, Malta irnexxilha tikkonvinċi lill- Membri Stati l-oħra li kienet il-post ideali għal dan l-Uffiċċju. Il-kandidati l-oħra biex jospitaw l-EASO kienu l-Bulgarija u Ċipru. L-UNCHR se tiftaħ uffiċċju f’Malta Fil-25 ta’ Novembru 2009, Malta iffirmat ftehim ta’ Kooperazzjoni mal-uffiċċju tal-Kummissjoni Għolja tal-Ġnus Magħquda (UNHCR). Dan il-ftehim kien ilu jiġi nnegozjat għal dawn l-aħħar tlett snin. Permezz ta’ dan l-ftehim il-UNHCR se tiftaħ uffiċjalment uffiċċju f’Malta mnejn l-UNHCR tkun tista tkompli l- ħidma tagħha favur il-protezzjoni internazzjonali u l-assistenza umanitarja. 20
Page 1: MINISTERU TAL-AFFARIJIET BARRANIN
Page 4 and 5: Iffukajna fuq l-industrija tat-tag
Page 6 and 7: Iffirmati u ratifikati madwar 40 ft
Page 8 and 9: Żjarat tal-Viċi Prim Ministru Bar
Page 10 and 11: Waqt it-taħditiet mal-Ministru tal
Page 12 and 13: F’din iż-żjara l-Ministru tal-A
Page 14 and 15: Żjarat importanti f’Malta 44 żj
Page 16 and 17: Iż-żjara tas-Segretarju tal-Affar
Page 18 and 19: Sena rekord ta’ kuntatti mal-Amba
Page 20 and 21: Għajnuna Umanitarja € 330,000 f
Page 22 and 23: Għajnuna lill-pajjiżi tal-Commonw
Page 26 and 27: Konferenzi • Konferenza Rekord ta
Page 28 and 29: Inizjattivi li jippromowovu l-ident
Page 30 and 31: L-Ambaxxata Maltija fir-Russja •
Page 32 and 33: L-Ambaxxata Maltija fil-Libja •
Page 34 and 35: L-Ambaxxata Maltija fl-Awstrija •
Page 36 and 37: Inizjattivi għall-Investiment u t-
Page 38 and 39: • Parteċipazzjoni ta’ Malta f
Page 40: • Il-Kummissjoni Għolja għenet

ministeru tal-affarijiet barranin - Ministry of Foreign Affairs Malta

Create successful ePaper yourself

Delete template?

Save as template?