ministeru tal-affarijiet barranin - Ministry of Foreign Affairs Malta

• Parteċipazzjoni ta’ Malta f’żewġ fieri kbar f’Berlin - ITB (Turizmu) u fil-‘Grüne Woche’ (Green
Week - Prodotti Agrikoli)
Flimkien mas-Segretarjat għat-Turiżmu u l-MTA, l-ambaxxata organizzat l-partecipazzjoni
ta’ Malta fl-akbar fiera dinjija tat-Turizmu – ITB f’ Marzu 2009 permezz ta’ stand kbir li fih
ipparteċipaw numru sabiħ ta’ tour operators Maltin u sidien ta’ lukandi. Barra l-koordinament,
l-Ambaxxata offriet riċeviment lill-esebituri Maltin kif ukoll kuntatti oħra fil-qasam tat-turiżmu
fir-residenza uffiċjali taħt l-awspiċi tas-Segretarju Parlamentari għat-Turiżmu, Dr. Mario de
Marco. F’Jannar 2010, fuq insistenza minn naħa tal-ambaxxata tul l-aħħar snin u flimkien
mal-Ministeru tar-Riżorsi Rurali u Ambjent, l-ambaxxata kkordinat il-parteċipazzjoni ta’ Malta
fil-Green Week – l-akbar fiera tal-prodotti agrikoli fid-dinja. L-aħħar darba li l-Gvern Malti
ipparteċipa f’din il-fiera kien ‘l fuq minn għaxar snin ilu. Il-Ministru George Pullicino żar l-
‘stand’ ta’ Malta fejn numru sabiħ ta’ esebituri ipparteċipaw. Ġie deiż li s-sena d-dieħla Malta
tipparteċipa b’numru akbar ta’ esebituri u bi stand akbar.
L-Ambaxxata Maltija f’Washington
• Laqgħa ma’ disa Senaturi jew l-istaff tagħhom fuq il-Ftehim tat-Tassazzjoni Doppja
• Bidu ta’ kampanja ta’ promozzjoni t’investment immirata prinċiparjament lejn setturi ta’ valur
għoli indikati mill-Malta Enterprise
• Wara s-suċċess fit-twaqqif ta’ joint ventures bejn l-Universita’ ta’ Malta mal-Universita’
James Mason u mal-Universita’ George Mason, l-Ambaxxata bdiet tinvestiga l-possibilita’ li
jiġu stabbiliti u mkabbra relazzjonijiet ma’ Universitajiet oħrajn. Bħala eżempju, l-Ambaxxata
assistiet lill-Akkademja Mediterranja tal-Istudji Diplomatiċi (MEDAC) tistabilixxi kuntatti mal-
Universita’ prestiġjuża ta’ Georgetown.
L-Ambaxxata Maltija fl-Awstrija
• L-Ambaxxata organizzat flimkien mal-Malta Enterprise u l-Kamra tal-Kummerċ Awstrijaka fi
Vjenna delegazzjoni kummerċjali minn Malta sabiex ikompli jisseddaq l-investiment reċiproku
bejn Malta u l-Awstrija.
L-Ambaxxata Maltija fl-Eġittu
• Grazzi għall-ħidma assidwa tal-Ambaxxata ta’ Malta fil-Kajr, Memorandum ta’ Ftehim
(MoU) għall-Kunsill Kummerċjali bejn Malta u l-Egittu ġie ffirmat bejn Il-Kamra tal-
Kummerċ, l-Industrija u Intrapriża Maltija u l-Assoċcjazzjoni ta’ Kummerċanti Eġizzjani.
• Grupp ta’ aġenti turistiċi Eġizzjani ġew mistiedna l-Ambaxxata ta’ Malta fil-Kajr u mogħtija
nformazzjoni dwar it-turiżmu u l-kultura, it-titjiriet għal Malta u proċeduri għal viża turistika
ghall-gżejjer Maltin.
L-Ambaxxata Maltija fl-Għarabja Sawdita
• Iz-żjara uffiċjali tal-President fil-Qatar kienet l-aktar avveniment importanti tas-sena. Miż-żewġ
naħat, ġew iffirmati sitt ftehimiet bilaterali. Kif imfisser f’kull ftehim, iż-żewġ pajjizi fi ħsiebhom
isaħħu l-attivita ekonomika ta’ bejniethom u jsostnu djalogu u forom oħra ta’ kooperazzjoni
• Din l-Ambaxxata tibqa involuta f’kampanja kontinwa ta’ promozzjoni filwaqt illi in-numru
ta’ kumpaniji li jagħrfu l-potenzjal ta’ Malta qiegħed izid. Fil-fatt, hemm numru ta’ rikjesti li
qegħdin jiġu mgħoddijja lill-Malta Enterprise għal evalwazzjoni u azzjoni.
33