ministeru tal-affarijiet barranin - Ministry of Foreign Affairs Malta

Proġett ta’ żona ta’ rikrejazzjoni ta’ tfal (playing ground) lill-missjunarju Fr Nicholas Schembri fil-
Peru.
Apparat biex jintuża għall-edukazzjoni fl-Università ta’ Betlehem
Assistenza lill-isptar tas-Sorijiet ta’ San Ġużepp tal-Apparizzjoni f’Ġerusalemm
Għajnuna lis-Sorijiet ta’ Madre Tereża fl-Indja
Għajnuna lit-terremotati tal-Abruzzo fl-Italja
Il-Ministeru tal-Affarijiet Barranin organizza kunċert bħala turija ta’ solidarjetà mat-terremotati tal-
Abruzzo fl-Italja. Matul il-kunċert il-Viċi Prim Ministru u Ministru tal-Affarijiet Barranin Tonio Borg
ppreżenta donazzjoni lill-Ambaxxatur Taljan għall-Malta Paolo Andrea Trabalza. Din id-donazzjoni
ingħatat bħala għajnuna biex tinbena iz-zona milquta mit-terremot ftit tax-xhur qabel.
Malta tagħti €140,000 ewro f’għajnuna lit-terremotati tal-Haiti
Waqt il-laqgħa tal-Kunsill għall-Affarijiet Ewropew (GAERC) ta’ Jannar 2010 il-Viċi Prim Ministru Tonio
Borg qal li l-għajnuna li ingħatat minn Malta kienet laħqet is-somma proviżorja ta’ €140,000 ewro.
Huwa qal dan waqt li kien qiegħed jagħmel l-intervent tiegħu waqt diskussjoni li kienet qed titratta
l-għajnuna tal-Unjoni Ewropea lill-Haiti.
Għajnuna lill-pajjiżi tal-Commonwealth
Malta/Commonwealth Third Country Programme
Il-“Malta/Commonwealth Third Country Programme” twaqqaf bi ftehim bejn Malta u l-“Commonwealth”
fl-1995. Dan il-programm li huwa ffinanzjat mill-Gvern Malti u l-“Commonwealth Secretariat”, jipprovdi
taħriġ f’Malta għaċ-ċittadini tal-“Commonwealth” f’numru ta’ oqsma. Bħalissa Malta tmexxi sitt
programmi fl-oqsma ta’:
• l-Assigurazzjoni;
• id-Diplomazija;
• l-Immaniġġjar tal-portijiet;
• il- Pajjiżi żgħar;
• l-Immaniġġjar tal-kosta; u
• is-“Cyber Law”
Permezz ta’ dawn il-programmi ta’ taħriġ, Malta qed tagħti l-kontribut tagħha għall-iżvilupp ta’ pajjiżi
oħra membri tal-“Commonwealth” bl-għan li tgħin fit-twaqqif ta’ setturi importanti għall-iżvilupp
ekonomiku ta’ l-istess pajjiżi.
16