ministeru tal-affarijiet barranin - Ministry of Foreign Affairs Malta

MESSAĠĠ MILL-ONOR. TONIO BORG
Viċi Prim Ministru U MINISTRU TAL-AFFARIJIET BARRANIN
Xogħol – ninvestu b’għaqal fik u fil-pajjiż
L-għixien tal-familji Maltin fiċ-ċentru tal-politika barranija ta’ Malta
Matul l-2009 il-Maltin taw ċertifikat importanti lill-ħidma
tal-Ministeru tal-Affarijiet Barranin. 20,000 kuntatt mal-
Ambaxxati tagħna barra minn xtutna huma riżultat ta’
ħidma li tindirizza il-bżonnijiet tagħhom.
Fil-bidu ta’ din il-leġislatura fassalt il-politika barranija ta’
Malta sabiex tkun iktar rilevanti għall-ħajja ta’ kuljum.
Il-Ministeru tal-Affarijiet Barranin ma jibnix proġetti
infrastrutturali li tista’ tarahom b’għajnejk u tmisshom
b’idejk. Iżda jibni pontijiet diplomatiċi li jsaħħu r-
reputazzjoni ta’ Malta. Din il-politika tissarraf f’ġid għallfamilji
Maltin.
Waqt il-laqgħa tal-Ambaxxaturi Maltin li saret f’Malta
f’Lulju li għadda tajt direzzjoni ċara lill-Ambaxxaturi. Dawn
għandhom iservu ta’ vetrina għal Malta fil-ħolqien taxxogħol
u t-turiżmu.
Il-Viċi Prim Ministru u Ministru tal-Affarijiet
Barranin Dr Tonio Borg
Ix-xogħol ma jinħoloqx mix-xejn. Il-ħidma tal-Ambaxxaturi
f’dan is-settur hija kruċjali. Ix-xogħol jinħoloq b’politika li fiċċentru
tagħha hemm id-dinjità tal-bniedem. Huwa minnu
li ntilfu eluf ta’ postijiet tax-xogħol madwar id-dinja kawża
tal-kriżi ekonomika. Iżda huwa minnu wkoll li l-Gvern Malti
ħadem biex nilqgħu għall-impatt tal-mewġ li ġie fuqna.
Salvajna postijiet tax-xogħol. Rajna kif kumpaniji kbar li jħaddmu mijiet ta’ nies għaddew minn diffikultajiet
kbar. Kumpaniji partikolari bdew jaħdmu fuq ġimgħa ta’ erbat ijiem u kellhom bżonn l-intervent tal-gvern
biex jissalvagwardjaw l-għixien ta’ bosta familji. Dan ix-xenarju inbidel. Dawn il-kumpaniji, mhux talli
reġgħu lura għall-ġimgħa sħiħa ta’ xogħol talli bdew iżidu l-investiment u l-ħaddiema.
Il-Ministeru tal-Affarijiet Barranin permezz tal-Ambaxxaturi, Konsli u diplomatiċi huwa għodda f’idejn
l-investituri. L-ambaxxati Maltin fl-ewwel xahrejn irċievew rekord ta’ 250 kuntatt minn investituri u
negozjanti barranin li għandhom interess f’Malta. Tittieħed azzjoni flimkien mal-Malta Enterprise u
assoċjazzjonijiet oħra.
Fost l-iktar inizjattivi li jħallu l-frott hemm id-delegazzjonijiet kummerċjali. Dawn iseħħu waqt żjarat
statali tal-President ta’ Malta. F’din il-leġislatura saru erba’ delegazzjonijiet, bl-aħħar waħda fil-Qatar
fis-sajf li għadda.
Fil-Qatar iffirmajna sitt ftehim bilaterali li se jgħinu għall-ħolqien tal-impjiegi. Matul din iż-żjara ġie
iffirmat ftehim bejn il-Lufthansa Technik f’Malta u l-Qatar Airways. B’dan il-ftehim il-Qatar Airways se
ġġib 25 ajruplan għall-manutenzjoni f’Malta u se toħloq iktar impjiegi fis-settur tal-avjazzjoni.
Ħabbarna li l-SR Technics se tinvesti f’Malta u se tħaddem 400 persuna b’investiment ta’ 1.2 biljun sterlina.
Din l-inizjattiva inbdiet mill-Kummissarju Għoli għall-Malta fir-Renju Unit Joseph Zammit Tabona.