Archive ouverte UNIGE

9 1554 IANUAE. 10
Grégoire et aultres semblables docteurs de leglise
antichrestienne défendue du Seigneur avec la doctrine
des Apostres et des Prophètes : ils enseignent mal le
peuple et font forniquer leglise en abomination, devant
le seigneur nostre Dieu: Car come enfans dAaron,
contre la volonte du Seigneur, ils apportent du feu
estrange au tabernacle de nostre Dieu, quest en
son église, laquelle est et doibt estre tabernacle du
sainct esprit.
Secondairement. Tous ministres dicelles églises
lesquels ne reprennent le peuple a eus commys,
avec tous moyens et voyes possibles, premièrement
en esprit de bénignité exortative, adduisant les passaiges
de la saincte escripture a ce nécessaires, et
appres durement avec toute increpation: affin quil
ait a reffrener la pompe et superfluite des vestiinentes,
spécialement lornement des femmes. Et
aussi qui nadmonestent point iceus chrestiens de
leur cure quils soient contens dun sobre vivre, et
non rechercher abus dabondance, et trop estiude
des viandes : Ceus icy avec Aaron consentent quiceluy
peuple de nouveau drece et adore le veau auree:
et ne dissentent point que le peuple de Dieu retourne
la menger la chair Egiptienne.
Tiércement: Quiceuls ministres enseignent mal
loraison du Seigneur laissant ce que principalement
se doibt demander du Père celeste.
Quartement: Que les diets ministres nentendent
point toute la saincte escripture au vray et pur
sens, avec lequel elle doibt estre entendue. Car
ils ne demandent point iceluy vray sens en toute
humilité au Seigneur. Et pour ce quils donnent
encore aureilles au serpent séduisant, qui recherchent
avoir aultre docteur que Christ Iesus fils de Dieu, ne
cheminant point en toute sincérité de coeur, corne
est requis au devant de sa Mageste éternel e.
Quintement: nous disons que les livres des
Macabees et quattre espistres quon diet estre des
Apostres et ne le sont point: une de laques, deus
de Iohan la 2 me et 3 eme et celle de lüde ces cinq ne
debvoir point estre receus ne receues aus sainctes
escriptures, car ils et elles ne sont point dictes du
sainct esprit, mays du tout doibvent estre remous
et remoues corne contraires a la parole du Seigneur,
mectant dubitation, et non ediffiant leglise de Dieu.
Sextement. le dys que le Seigneur Iesus
Christ, par grace bonté et miséricorde sienne, et
non pour aulcuns mes mérites, mais par sa seule
seurabondante charité, est apparu a moy son moindre
serve : et que iay ouvy au mont la voix du Seigneur
nostre Dieu: et par troys foys visiblement avoir
veu iceluy Seigneur Iesus en forme dhome corporale
mais diverse ne le congnoissant point iusque a ce
quil estoit dispareu.
Septie8mement et dernièrement je dis: que les
deus tables par moy escriptes de la loy evangelique,
de grace desprit et de vie ausqueles sont cinq livres
et aultres sept chappitres appres par moy escriptes,
quelle est doctrine du Seigneur, dictée par sa miséricorde
a moy son moindre serve, par son sainct
esprit.
Princes du Peuple du Seigneur.
Il vous plaira moy fere résolue responce sur la requeste
que je vous ay faicte de la part de leternel
fils de Dieu vivant et tout puissant. Considérant
que ie ne vous demande rien pour moy, mays que
ceste requeste seulement tend a lexaltacion de la
Gloire de nostre bon Dieu et Père celeste, par Iesus
Christ nostre rédempteur, et a salvation des âmes
de son universel peuple, et ou sy agit de la salvation
ou damnation des âmes, on y doibt aller bien
considerement. Vous ne pouves rien perdre en
cecy si non y gaigner beaucoup et veoir les grandes
merveilles du seigneur. Le Roy Acab idolâtre, a
la seule requeste dhelie fict ce quil demanda. Et
vous qui estes chrestiens seres vous moins zélateurs
de vouloir veoir et entendre chose de si grande
importance. le ne recherche pas la destruction des
ministres corne verres faisant ce que je vous requier:
mays seulament que leternele vérité de Dieu ait
lieu et quils soyent emendes en myeuls quant ils
| verront laultre oeuvre que le Seigneur par sa grande
charité et miséricorde fera. Pour ce ie vous prie
moy fere une résolue responce, car si vous ne la
faictes le Seigneur
4 ) en aultre part
et seres despuys marris davoir refusées
saincte honneste et raisonnable occasion, et iuste
requeste. La grace et la paix du Seigneur soit
avec vous. Amen. s )
Moindre serve du Seigneur
Iohan de Leonnard.
1898.
VIRETÜS CALVINO.
Orbae comiiia instant quibus de missa abroganda
per suffragia pîébis decidendum erit. Cornes Grandissonensis
alio transfertur.
(Ex autographo Cod. Gen. Ill», fol. 105. Habet quoque Ood.
116, fol. 34, exempter Bernenso Epp. VI. 258 et Simlerus
Vol. 81.)
4) marge endommagée.
5) lûn marge-. 15 Janvier 1554.