Archive ouverte UNIGE

41 1554 FEBRUAR. " 42
1911.
CALVIN A UN SEIGNEUR DU PIÉMONT. *)
Exhortation à la constance dans la foi évangé- i
lique.
(Bibl. de Genève. MS. 107, fol. 48 avec cette note de Jonvilliers:
11 escrivit cette lettre a un Signeur de Piémont.
Copies MS. 108, fol. 11 et 109, fol. 52. Imprimée dans les
Lettres françaises I. 414, comp. Ruchat V. 544. Traduction anglaise
III. 21.)
Monsieur, combien que ie TOUS suis incongneu
de face, toutesfois estant asseure par gens dignes
de foy que mes lettres seroient bien receues de
vous, ie me suis enhardy de vous escrire, nayant
aultre accès que celuy que me donne lauthorite du
maistre auquel ie sers, lequel comme ie croy me
suffira assez veu la reverence que vous luy portez
a luy et a sa doctrine. Comme aussi cest bien
raison que grans et petiz sassubiectissent a sa
maieste, puis que le Père celeste luy a donne tout
empire souverain affin que tout genoul se ployé
devant luy, et non seulement des creatures humaines,
mais aussi des Anges. Vray est que cela est
bien mal congneu au iourdhuy de la plus part.
Nous voions que le nombre de ceux qui saccordent
dobeir en vérité a ce grand Roy, est bien petit.
Mais iay entendu que Dieu par sa bonté infinie
vous a touche le coeur, tellement que vous desirez
destre Chrestien de faict et non pas de tiltre. le
parle ainsi a cause que ce nom de Chrestiente voile
bien en la bouche de tous, mais quant ce vient a
Bhumilier soubz lEvangile qui est le Sceptre par
lequel Iesus Christ veult régner sur nous, peu sen
fault que chacun ne recule. En quoy on veoit que
cest chose par trop commune de se couvrir du tiltre
de Chrestien par hypocrisie, et par ce moien le
profaner. Ainsi ce nest point une petite vertu ny
vulgaire, dapprouver par effect que nous desirons
estre disciples du filz de Dieu, affin aussi quil nous
advoue pour siens. Et daultant plus estes vous
oblige a recongnoistre la miséricorde quil vous a
faicte en VOUB amenant iusques la. Car ce nest
pas de nostre mouvement propre que nous y venons,
mais daultant quil luy plaist nous y attirer. Et
affin que ceste bonté aict tant plus de lustre pour
1911. 1) On ne sait rien de précis sur les progrès de la réforme
dans le Piémont, qui appartenait alors à la France. Les
Eglises des vallées de Piedmont à savoir d'Ângrogne, Lucerne,
S. Martin et antres, encore qu'elles n'eussent esté comprises
en la cruanté esercee contre Gabrieres et Merindol, pour estre
du ressort du parlement de Turin ne laissèrent toutesfois
d'estre rudement assaillies des l'an 1555. (Bist. eccl. I. 137.)
A Turin même une église fut fondée en 1557 par Alex. Guyotin
(ibtd. III. 386.)
estre mieux congneue, il nous choisit et sépare du
milieu de ceux ausquelz aultrement nous sommes
esgaux. Ainsi que tous les pauvres aveugles que
nous voions errer nous soient aultant de mirouers
de nostre miserable condition, pour magnifier celuy
qui nous a retirez des horribles ténèbres de mort.
Au reste, Monsieur, congnoissez quelle est la
valleur de ce thresor infiny de la vérité de Dieu,
lequel vous a este commis, affin qne vous en faciez
bonne garde et fidelle. Car de ceux mesmes qui
font profession de la pure doctrine de lEvangile,
on voit que la plus part se contente den avoir
quelque phantasie ou opinion volage. 2 ) Voila pourquoy
une grande partie de ceux ausquelz Dieu
avoit donne quelque goust de sa grace, se desbordent
au double, iusques a estre du tout abrutiz.
Car Dieu ne veult point estre mocque, ne mesprise.
Or voiant les corruptions qui régnent par tout et
les assaultz que Sathan dresse au iourdhuy a ceux
qui désirent de cheminer droictement, s ) nous avons
bien mestier de lever les yeux en hault pour demander
force et constance, affin dy résister. Et ie
croy que de vostre part vous en expérimentez plus
que ie ne vous en scaurois dire. Ientens des empeschemens
qui vous destournent ou retardent de
servir purement a Dieu. Sur tout pource que
soubz la tyrannie de 1 Antéchrist, si un homme
veult vivre chrestiennement, il fault quil se dispose 4 )
quant et quant a mourir. Si estce que nulle difficulté
ne nous excuse, quant il est question de lhonneur
de nostre Dieu. Et si Iesus Christ ne sest
point espargne pour nostre salut, ce nest pas raison
que nostre vie nous soit plus pretieuse que luy.
Combien donques quil ny aict chose plus odieuBe
que destre congneu vray Chrestien, si nous fault-il
pratiquer ceste leçon de S. Paul, de navoir point
honte destre hayz ne vilipendez a ce tiltre. Et de
faict si nous desirons destre eslevez en la gloire
de nostre Seigneur Iesus Christ, il nous fault porter
lopprobre de sa croixi Ainsi ie vous prie, selon
que la nécessite vous advertit, de vous aiguiser et
solliciter a batailler constamment contre Sathan et
le monde, désirant destre amorty quant a vous,
pour estre plainement renouvelle en Dieu. Et
pource quil fault congnoistre devant quaymer, ie
vous prie aussi de vous exercer a lire les sainctes
exhortations qui vous pourront aider a cela. Car
la froidure quon voit en plusieurs procède de ceste
nonchallance quil leur semble que cest assez davoir
gouste en passant quelque mot de lEscriture, et ne
tiennent compte dy profiter, comme il seroit besoing.
Au contraire nous avons a pratiquer ce que diet
2) volante Bt.
3) directement Bt.
4) dresse Bt.