INKLUSIEWE ONDERWYS: 'N BESTUURSPERSPEKTIEF

Hoofstuk 1: Inleidende perspektiewe
maar soos beskou vanuit ’n onderwysbestuursperspektief (Van der Westhuizen
1996: 55).
Die ondersoek strek oor kultuurgrense heen en daarom word respondente uit
verskillende ras-, taal- en kultuurgroepe by die ondersoek betrek. Die ondersoek is in
twee provinsies onderneem, naamlik die Vrystaatprovinsie en die Noordwesprovinsie.
Die Vrystaatprovinsie is in 5 distrikte verdeel. Die ondersoek in dié provinsie is weens
praktiese toeganklikheidsredes by tien primêre skole in een van hierdie distrikte, naamlik
die Motheo−distrik onderneem. Die Noordwesprovinsie is in 5 streke verdeel. Die
ondersoek in dié provinsie is by sewe primêre skole in een van die streke, naamlik die
Bojanala−Wes−streek onderneem omdat die skole deel was van ’n loodsprojek vir
inklusiewe onderwys.
1.6 Konsepverheldering
Ten einde duidelikheid rakende sekere konsepte en terme te verkry, word die volgende
uitgelig:
1.6.1 Inklusiewe onderwys: Begripsomskrywings
Inklusiewe onderwys en opleiding word onder andere beskryf as (RSA 2001: Art. 1.4.1;
Naicker 2002: 92):
Die erkenning dat alle kinders en jeugdiges kan leer en dat alle kinders en jeugdiges
steun nodig het.
Die erkenning dat elke leerder uniek is en verskillende leerbehoeftes het, en die
respektering en waardering van die uniekheid en verskille in leerders as deel van die
menslike aard.
Die verandering van die onderwysstrukture, -stelsels en -metodieke om aan die
behoeftes van die leerders te voldoen.
Die erkenning en respektering van verskille in leerders, ongeag die ouderdom,
geslag, etnisiteit, taal, klas, gestremdheid of MIV -status.
Die erkenning dat leer tuis sowel as in die gemeenskap, in formele en informele
omgewings en strukture plaasvind. Inklusiewe onderwys strek dus wyer as die
formele skool.
Die verandering in houdings, gedrag, onderwysmetodes, kurrikulums en die
7