INKLUSIEWE ONDERWYS: 'N BESTUURSPERSPEKTIEF

Hoofstuk 1: Inleidende perspektiewe
bepaal. Daar moet egter vir die doel van die ondersoek soms na spesifieke mediese of
biologiese toestande verwys word en die bedoeling is geensins om aanstoot te gee nie.
In hierdie verslag word daar gevolglik gebruik gemaak van terme wat internasionaal
aanvaar word en in die Witskrif (RSA 2001: Art. 1.2.3) vervat is .
1.6.3.1 Leerversperrings
“Barriers to learning and development” sal beskryf word as hindernisse wat leer en
ontwikkeling verhoed of leerversperrings. Daar bestaan twee basiese kategorieë,
naamlik hindernisse binne die stelsel en hindernisse binne die leerder self (sien 1.1).
1.6.3.2 Gestremdhede en agterstande
Die internasionaal aanvaarde term “disability” word verta al as gestremdheid en
“impairments” as agterstande. Hierdie twee terme word gebruik om na leerders te
verwys wie se leerversperring van organiese/mediese oorsprong is.
1.6.3.3 Spesiale onderwysbehoeftes
Kinders met spesiale onderwysbehoeftes het almal leerprobleme of gestremdhede wat
dit vir hulle moeilik maak om te leer en wat tot gevolg het dat hulle moeiliker leer as die
meeste ander kinders van dieselfde ouderdom. DfES (2003: 4) wys egter daarop dat nie
alle leerders wat onder andere in ’n nie-moedertaal sko ol is, ’n fisiese gestremdheid het
of wat ’n mediese toestand onder lede het, noodwendig spesiale onderwysbehoeftes het
nie. Genoemde faktore lei egter wel dikwels tot spesiale onderwysbehopeftes.
1.6.3.4 Die gebruik van die terme “kinders ” en “leerders”
In hierdie navorsingsverslag word beide die terme kinders en leerders gebruik. Kinders
word in die breër verband gebruik en sluit minderjariges in wat binne en buite die skool
is. Die term kinders word ook gebruik wanneer na minderjariges binne gesinsverband
verwys word. Leerders verwys spesifiek na skoolgaande kinders.
9