INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
geslaag om die diverse behoeftes van die leerder populasie aan te spreek nie en dit
het daartoe gelei dat ’n enorme aantal leerders uitsak en die skool voortydig verlaat,
druip of uitgeskuif word.
Terwyl daar wél tot ’n mate tydens die formele skool aandag geskenk is aan spesiale
behoeftes en steun is dit in ander vlakke van onderwys ernstig afgeskeep.
Die National Commission on Special Needs in Education and Training en die National
Committee on Education Support Services het in hulle verslag aan die Minister van
Onderwys die volgende aanbevelings gemaak:
Die onderwys- en opleidingstelsel moet onderwys vir almal bevorder (RSA 2001:
Executive Summary Art. 5; Inglis 2001: 2).
Die ontwikkeling van inklusiewe en ondersteunende sentrums vir leer moet bevorder
word (RSA 2001: Executive Summary Art. 5; Inglis 2001: 2).
Die stelsel en sentrums moet alle leerders in staat stel om aktief deel te neem aan
die opvoedingsproses sodat hulle hul potensiaal kan ontwikkel en uitbrei, en as
gelykwaardige lede ’n rol in die gemeenskap kan vervul (RSA 2001 : Executive
Summary Art. 5; Inglis 2001: 2).
Die aanbevelings is deur die wetgewer aanvaar en het gelei tot die publisering van die
inklusiewe-onderwysbeleid wat hierna bespreek word.
2.3.3 Beleidsbepaling in Suid-Afrika: Education White Paper 6:
Special Needs Education. Building an inclusive
education and training system
Na aanleiding van die verslag van die National Commission on Special Needs in
Education and Training en die National Committee on Education Support Services en die
openbare kommentaar wat op die verslag gelewer is, is Onderwyswitskrif 6 in Julie 2001
is gepubliseer. Die inklusiewe-onderwysbeleid, soos dit in Suid-Afrika deur die bepaalde
Witskrif omskryf is, kan as rigtinggewend ten opsigte van hierdie benadering beskou
word en word vervolgens bespreek en ontleed.
2.3.3.1 Doel en beginsels
Die implementering van die beleid het ten doel:
29