INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
Al bogenoemde dui daarop dat die skoolopset in Suid-Afrika aan nie vir die diverse
leerbehoeftes van alle leerders voorsiening gemaak het nie en dat die tyd vir verandering
ryp is.
In Oktober 1995 het die South African Federal Council on Disability (SAFCD) die
ontwikkeling van ’n inklusiewe-onderwysstelsel vir Suid-Afrika bepleit. Die versoek was
dat so ’n stelsel aan die diverse behoeftes van leerders moes voldoen en leerders se
verskillende leerstyle en leertempo moes akkommodeer. Daar moet ook voorsien word
in verskillende taalbehoeftes van leerders, wat gebaretaal kan insluit (Naicker 1996: 2).
Na 1994 het verskeie beleidsveranderinge in Suid-Afrika plaasgevind wat groot
omwentelings in onderwys tot gevolg gehad het.
2.3.2 Beleidsveranderinge in Suid-Afrika
Na die eerste demokratiese verkiesing in 1994 het ingrypende veranderings in Suid-
Afrika plaasgevind. Beleidsvorming wat onderwyshervorming laat realiseer het, en wat
van belang vir die studie is, word hier bespeek.
2.3.2.1 Grondwet
In 1996 is die Grondwet (RSA 1996a) aanvaar wat op vryheid, gelykheid en
menswaardigheid gegrond is (RSA 1996a : Art. 7(1)). Die Grondwet is fundamenteel van
aard en alle wette, beleide en optrede moet versoenbaar wees met regte soos vervat in
die dokument (RSA 1996a: Art. 8(1)).
Die volgende regte, soos beskryf in die Grondwet, is van belang vir die studie:
Artikel 9 (RSA 1996a) verklaar dat alle persone gelyk is voor die reg en lys ’n aantal
faktore, waaronder ras, gestremdheid en taal, op grond waarvan daar nie onbillik
teen ’n persoon gediskrimineer mag word nie.
Artikel 10 (RSA 1996a) beskryf die reg tot waardig heid en respek.
Artikel 14 (RSA 1996a) beskryf die reg tot privaatheid, en spesifiek vertroulikheid van
inligting.
Artikel 18 (RSA 1996a) beskryf die reg tot vryheid van assosiasie.
Artikel 28(1) (RSA 1996a ) beskryf ’n verskeidenheid van regte wat spesifie k op
kinders gemik is, en verklaar onder andere dat elke kind die reg het tot:
Ouer- of gesinsorg, of ’n gepaste alternatief (RSA 1996a: 28(1)(b)).
25